تسلموا يابنات حواء على مساندتكم ليا واشكر كل وحده نصحتني بالصبر وان التفاهم هو عين العقل، واسف على الكلمه هدي احتقر كل وحده نصحتني الجأ لأهلي ، والخانم اللي تبغاني ابلغ الهييئه والله عيب ، تبغي تخربي بيتي ، ولا الاخت اللي تبغاني ارفع صوتي في وجه زوجي واوقف في وجهه ، والأخت اللي تقول مو متربي وانتي اجل كيف تر.... ، والأخت اللي تقول خايــــــــن ( خاين على ايش حتو لو شاف صور ولا افلام) مادام اني ماوقع في الزنا ولا قاعد طول يومه في المولات ويعاكس هذا ميعتبر خاين. انصحيني افيد لك وليا (الدين النصيحه - الدين النصيحه - الدين النصيحه ) مو النصيحه تخريب (الله يهديكم).
الزبده انا غلطت في حق زوجي :-
اشوفه دائما صلواته في المسجد والله العظيم حتى الأغاني مايسمعها ، وولدي الكبير مسجله في مدرسة تحفيظ قرآن اهليه يعني بفلوس ، وهو موظف ويداوم دوامين ، وكمان يدرس في الجامعه، (والوحده وكثر الجلسه في البيت لوحدي صرت اوسوس ) معنه مايقصر معايه ومع اولادي رحلات وتمشيات.
يعني المفروض اني اتفهم هذا الوضع وقته كله مو ملكه ومو معقول يحفظ ولده القرآن ويمنعنا من سماع الأغاني ، ويكون هذا طبعه.
طبعا تتسائلوا كلكم ايش اللي قلب رأيك بالسرعه هدي بين يوم وليله ( من حقكم) التفاهم ثم التفاهم ثم اتفاهم......كيييف؟
هو والله اخذني بيدي وجلسني بجنبه وهو حظني ويسألني انتي ليش تسوي كذا، انا ماعشت معاكي يوم والا شهر والا سنه يعني مو معقول دحين جالسه تشكي فيني ، طيب تعالي بكل هدوء وخبريني ايش شوفتي وايش سمعتي ، طبعا انا ماابغى اتكلم كارهته وماابغى اتفاهم حتى.وبعد محاولاته بكل هدوء .... خبرته باللي شوفته كله ، وقال لي هدي الأمور تنحل بالتفاهم مو بالطريقة الهمجيه دي ومشاكلنا لازم نحلها بيننا بدون اي تدخل من احد وفعلا والله اللي صار سوء فهم لااكثر ولا اقل :
طلع ايميله انسرق فتره ووالله اثبت لي لأنه قال لي قبل فتره وانا نسيت، والفيس بوك قال لي فعلا انه له وقال اي اضافه والله ماعمره ردها (يعني اي طلب اضافه يسوي موافق مين مايكون) وصار عدد الاضافات عنده كثير. وهذا موقع مفتوح وفعلا لايوجد اي كتابات او رسايل وطلبات الاضافة كان عددها كبير وهو مطنش الموقع من زمانوبالنسبه للأفلام الج..... قال لي ايوه هذي حقتي انا لقيت هذا السيدي المليان واذا اطلعت عليه فهو مجرد فضول وهذا غلط غلط غلط والله يسامحني عليه وكسر السي دي ، والصور اللي بالبريد وراني اياها ومن هبالتي فكرته يرسلها ، طلعت في البريد الوارد مو المستلمه وفعلا طلع الشخص اللي سرق البريد مشترك بمواقع ج.... وجالسين يرسلوا على ايميل زوجي ونصها شوفتها وانا مستغربه انه مافتحها ، وحاول يلغي الاشتراك في هذي القروبات وقدر يلغيها ولكن يقول مو فاضي ينظف البريد من هدي الرسايل (وهو محتاج هذا البريد لأنه موزعه على ناس كثير لعلاقاته بحكم عمله).
وانا بصراحه رجعني كم سنه ورا وجلس يخبرني كل شي انا قصرت فيها معاه والله ضميته وجلست ابكي زي الطفل ، والله اني كنت ولازلت مقصره معاه في اشياء كثيره واهم شي سواه ليا في حياتي انه ستر عليه في اشياء والله مافيه ولا زوج يقدر يصبر عليها او يسترها. (ووالله انو اعتذر مني بسبب الكلمه اللي قالها وفعلا هو عصبي وقال انا قلتها وقت كنت معصب من اسلوبك الجاف، وقال لي اني لو ماابغاكي كان كل واحد مشي في طريقه مافيه شي حيرده ، ولكن الحب اللي بيننا مايخليني اسويها.
حتى خروجه اخر الليل شوفوا العقل كيف : قال لي والله خرجت عشان لاتشوفي دمعتي وتنهز شخصيتي قدامك والله اني مصدوم لدرجه ماتوقعت تيجي منك.
يابنات نصيحتي لكم التفاهم بين الزوجين اهم شي في الحياة الزوجيه ، ومهما سوى الزوج اجلسي معاه وتفاهمي . آآه ياحسرتي والله بموت من الندم.
سامحوني على الاطاله وعل لخبطة الأمور وسوء الفهم مني. والحمدلله انفتح الموضوع وبين كل وحده كيف طريقة تعاملها.
وانتبهو من نقل كل شي يصير بينكم الى امهاتكم هدي والله غلطتي اللي ماراح اسامح نفسي عليها ، الأم طبعا بتحب بنتها وأهم شي تبغى بنتها بجنبها وتكون سعيده حتى لو كانت سعادتها في خلق المشاكل او الانفصال عن زوجها، ليييييششش لأنه اللي عايش مع زوجي هو انا مو امي......
دي المشكله والله كاني كنت نايمه من يوم ماتزوجت ودحين صحيت من النوم، وانا مستغربه ليش انا سويت كذا؟
الله يسعدك يازوجي ويخليك لنا ولا يحرمنا منك .... وياكم *****الله.
الصفحة الأخيرة
وما اقول غير حسبي الله ونعم الوكيل . وكلت امري لله عز وجل