والله صرت مااطيقهم بسبب تصرفاتهم الغريبة !!

السلام عليكم ورحمة الله وبركاته

اخواتي الحبيبات حابة افضفض لكم شوي لان حاسة بنفسي بنفجر

انا كنت ساكنة في بيت اهل زوجي ولكن بقسم منفصل والحمد لله الله فرج واجرنه بيت
بس يوم الي كنت اشيل اغراضي جت اخت زوجي وفتحت الباب حتى ماستأذنت ودخلت غرفة النوم وانا كنت في المطبخ بعدها انا وقفت في باب المطبخ وناديت عليها ..بعدها اجت وانا صاكه باب المطبخ ماابيها تدخل لان اغراضي معفوسة ومااحب احد يشوف دفعتني ودخلت !!!وقعدت تطالع في اغراضي وكل شوي تسألني عن حاجة وتقول هذا بتاخذونه معاكم لو لا ؟؟ وكانها مجدية؟؟ وهي ماشاء عندها بيت حلو كل شي فيه وهاذي كل مره تجي وتشوف شنو الي مانبيه علشان تاخذه!! والصراحه كلش انزعج من تصرافاتها وهي مره كبيرة وهاذي افعالها !

ويوم الي اجوا العمال يشيلون اغراضنه تجمعوا خوات زوجي المتزوجات وحريم اخوانه وكم وحدة من الجيران بحجة قاعدين يسولفون يم قسميو يطالعون في الاغراض حتى المجففة طاحت وتكسرت ماادري بسبب عين اي وحده منهم هههههههه !! والمفروض يرحون لان فيه رجال وهم مامهتمين بس الفضول مجننهم ويبون يشوفون كل شي

ومن انتقلنه ولسوء الحظ انكسر قفل الباب وبقى باب قسمنه مفتوح وبقى بعض اغراضة لحد الان ماجبناهم ويقول زوجي اخوه وخواته دخلوا وقعدوا يطالعون في كل شي

والقهر هذولة ناس ملتزمين ويخافون الله !! بس حركاتهم عجيبة وعندهم فضول مو طبيعي وودهم كل شي ياخذونه مع انهم عندهم بيوت ملك وكل شي متوفر عندهم

بالله قولوا يابنات هالتصرفات ماتقهر ..انا صرت مااختلط فيهم بسبب تصرفاتهم هاذي
مره رميت كراتين اجهزة كهربائية واخته شافتني اريمهم وسألتني عن كل كارتون شنو كان فيه !!!

وفيه حركااااااااات كثيرة من هالنوع بس ماقدرت اذكرها

ادري كلامي مو منسق لان كاتبته بعصبيه