**والله ضـــايق صــــــدري من زوجـــي ليـــــش يعاملني جذي؟؟ليـــش مافي تفـــــاهم؟**

شلونكم حبيباتي..


اني دايما اقرأ مشاكلكم ومواضيعكم وياما زعلت وتضايقت لأجلكم لكن ما تصورت


اني بجي وبكتب مشكلة لي ..ارجو أنكم تجبروا بخاطري ولو بكلمة..


المشكلة باختصار ان كل ما يصير شىء او زعل بيني وبين زوجي


الاقيه ما يتفاهم وبسرعة يلغمني ويقول سكري سكري الموضوع..


لا وازيدكم من الشعر بيت ان شكله يفكر بالطلاق احيانا احس له جدي


بس مايقول يلمح ..


بقولكم على مشكلة توها صايرة وانتو حكموا احنا كل اسبوعين


واحيانا كل اسبوع يوم واحد نروح بيت خالي وهناك نلتم بنت خالي وبنات خالتي


من العصر لين الساعة تسع تقريبا يجي ياخذني ونروح البيت عاد


آخر مرة طلعنا بعد اذان المغرب واتصلت فيه قلت اني بروح


بعدين تعال لي قال اوكي يوم جى اخذني قمت اسولف معاه


شكلي خبصتها معاه وقلت له احنا جينا مشي والمسافة تاخذ لها ربع ساعة بس


قال وبنبرة حادة وهو مشوط هااااااا ليش جايين مشي وو طبعا معاي خواتي


قلت بعد شسوي ابوي في الشغل واني مااعندي سيارة عشان اجي فيها


قال ولو ما تجين مشي اهلك اللي هناك ما تروحين تزورينهم تتحجين


على المشي واهني تمشييييييين عادي قلت له لأن معاي خواتي بيساعدوني



على حمل بنتي اما هناك المنطقة اللي عايشين فيها ماعندي احد بروحي


يعني انت ماترحم وكملها هو اي اي ما أخلي رحمة الله تنزل وهو معصصصب


يعني من وين اجيب لك السيارة ابووووق انزين انا متفهمة وضعه ولا رديت


قلت له ابغي سيارة الا بس عشان ابرر مو اكثر....


قلت انت ليش تمنعني عن زيارة اهلي قال لي اي امنعك ونصييييين ولي


حق عليكِ واحكمك وبكمل معاه الكلام بس كالعادة منعني وسكر الموضوع


واليوم اللي بعده ذكرته بالمعهدلأنيقايلة له من قبل ستة يام قال لالا ان كل مشغول


هو مايبيني ادرس بس ماقالهاا وقلت معليش اي وقت تفضى ودني


مو مشكلة وقلت في خاطري بشوف آخرتها معاك


اني قايلة له يوم الثلاثاء بس كل يوم على اليوم وقلت له يوم الأحد تقدر؟؟


قال اوكي وجى الأحد وانا انتظر واشوف صاحبنا غاور قلت لااااااا هذا


ماله نية يوديني قلت له على الغدى عقب ما كمل ماوديتني اليوم سكت..


اصعب لحظة لين احد يحقرك تحسين روحك بلاكرامة قلت له انزين


متى بتوديني ؟؟سكت ..وهو ماد بوزه شبررماطولتها معاه وسكت عنه ولاعلقت عليه بعدين


قلت له انزين ودني بيت ابوي ببيت وبخلي مرت اخوي قال انى الحين واجد مشغول


قلت له لين فضيت قال عاد شوفي متى افضي قلت معليش..


وبالصدفة مرت اخوي جت في نفس اليوم ومعها امي جايين ايزورون اخت زوجي والدة


ويبوني اروح معهم وقلت دامها جاية البيت بتصل له وبروح معها وقلت له..


عاد عقب ماصار لي ليلة مبيتة اتصلت فيه اليوم وقلت له بتجيني الحين؟؟


سكــــــــت تعرفون شو معناتها اكيد فهمتو آآآآآه اللي يفكرر فيه وقلت له قدام


خواتي انزين تعال لي بعدين سكت وقال باجر عاد اني متصلة من تلفون اختي


لأن تلفوني مارد عليه..واني برغم الضيق اللي فيني لكن مستحييييل اقول لأحد من أهلي


حسيته من خلال كلامه يبي يقول خلاص ماراح اجيكِبس ماقالها لأني


كنت هادئة بنبرة صوتي حتي في طلبي حاولت انتقي كلمات زينة عشان ما اخبص معه..


وش رايكم؟؟؟احس روحي ضااااااااايق صدري من تصرفاته..اشلون اتصرف معاه


وياترى هل اقدر اتواصل مع انسان عقليته ما تتقبل نقاش ولا تتحمل شىء ..


ارجووووكم انكم تجبرون بخاطري لو تدعون لي دعوة بظهر الغيب والله يجزاكم خير..