والله عصبت قسم بالله وش وصلهم لذي المرحله

السلام عليكم
صباحكم سعاده ورضى من الرحمن
الصباح اليوم الساعه 6 تقريباً دخلت X لقيت مساحه فيها بنات و ذكور كثير جداً جداً اقسم بالله طلعت وانا حاقده حقد عليهم وادعي على الذكور ياجماعه كميه حقد على المرأة بشكل مخيف جداً وكأننا بغابه وصار جدال بين البنات والذكور وهوشات واحد يقول اذا تزوجتو يالبنات بوسي يد زوجك لأنه تفضل عليك واخذك لولاه كان عفنتي ببيت اهلك والثاني يقول اي بنت عمرها 30 وفوق ترى معد تنجب خذلك من 24 وتحت وغيره كثير كميه استحقار واستنقاص للبنت بشكل مقزز قسم بالله طلعت على طول وانا فيني بكيه اوف ياقوه كلامهم زي السم ولو اقولكم الكلام اللي يقولونه ما اخلص لين بكره حسبي الله ونعم الوكيل ليش كذا ليش الحقد والكره على بنات بلدهم ويمدحون بنات اجنبيات شقر ويستنقصون من بنت بلدهم بشكل مريب تكفون يابنات احد يهديني بكلام إيجابي مره انقهرت وخفت من حقدهم الكلام مثل السم اسألكم بالله هذا كلام رجال الرجل مايتكلم بذي الطريقه الجارحه واحد يقول اني لعبت على عقل اخوي وخليته يرمي زوجته رميه الكلاب ويضحكون كل اللي في المساحه واللي يقوله كفو واللي يقول بيض الله وجهك اقسم بالله العظيم ان ولا واحد من الموجودين دافع عن المرأه ونقول ليش كثر الخلع والطلاق بسبب عيناتهم حسبي الله ونعم الوكيل ليتي مادخلت المساحه ذي تعبت نفسيتي بشكل كبير للأسف X معد صار مثل قبل اللي فيه مرضى صدق ليش كل ذا الحقد على البنات ابي اعرف ليش