والله عملتها بغرفتي و[ارخص التكاليف

بنات شلونكم
بصراحة انا وايد ممنونة للمنتدى ولبنات المنتدى عطوني أفكار واسعة شلون أغير غرفتي
تول شي بديت بالصبغ طبعا الله يعطي العافية حق خدامتي أنوشكا اهي اللي تصبغ وتساعد
ني بتنفيذ أفكاري
وبعدين غيرت السجادة الي اللون القمر ديني طبعا الصبغ بيج
والحين ييت للسرير انا شارية ماترس وورا السرسر تجي الشباك كبير 3 متر طول
شريت كفر فخم 12 قطعة يجنن من ترافوليا فية بيج وقمر ديني وعنابي
طبعا ركبت بورد بالطراف العلوية للسقف على شكل ستارة ملمومة ونازل منها هدب بلون القمر ديني والفستقي الفاتح
الحين الستارة طبعا اتصلت علة راعي البرادي قلت بأسوي الموديل الروماني قال راح يكلفك مع التاج 2 ستارة 100 دينار بصراحة ترددت ورحت محلات الديكور وقالو تكلفك 95 دينار
ففكرت ليس ما أنا أسوي الستارة فتحت مواقع في الانترنت وقعدت أطالع شلون تخيط الستارة وقلت ليش ما انا انفذها يعني الفرق هذا بجيبي رحت ولقيت في برادي أمريكي خياطة تجنن مع البطانة وبلون الذهبي الغامق ب 15 دينار ولا لقيت تعرفون التاج الصواني اللي تجي صينية كبيرة فوق الستارة الخام يباع ب750 فلس مخيط وخالص أخذت اثنين ورحت لمحل الكلف والا ألاقي الهدب الكريستال روعة قالي الريال تقدرين تلصقينة على القماش بمسدس الصمغ والله واخذت 6 مسكات ذهبية وعملت الستارة طلعت تينن
وجدام السرير بقيت الطاولة الكبيرة اللي تكون بطول عرض السرير رحت للي يبعون اخشاب وشريت لوح خشب ورحت للمنجرة وخليتة يقصة لي 2 طاولات كبار و3 أرفف بقياس اللي عند ايكيا ورحت لبيع اللاكسسوارات الخشبية وشريت أرجل علشان الطاولات
والله وعملت طاولتين تحت بعض وبعدين فرشت عليهم سجاد نفس لون الارضير ( بواقي )
والله كان زوجي مسافر ولما يه من السفر طارت عيونة وخصوصا البرادي توقع مكلفتني وايد وقال الغرفة شي مو طبيعي كأني للحين في الفندق ( طبعا اهو سكن ببرج العرب ) قلتلة شجاب لجاب قال والله احساسها رهيب
لا وفي شغلات وايد بعد سويتها تبهر بس تعبت من الكتابة والحين بروح البر :13: