كوبونات الراقية تسجيل الدخول

انثى في عالم حواء

والله عيب تلبسون كذا؟؟؟؟؟؟

الملتقى العام •

سلام الله عليكم...



ماني قايله كيف حالكم....
لأني دايم أقول ومحد يرد علي..:(

المهم...أنا إكتشفت إنه في بنات يحبون اللهجه الحجازيه...

فقررت إني أخلع ثوبي...((والعياذبالله..أقصد لهجتي...))







اليوم بأتكلم حجازي...((كأنهم يسمعوني الحين..)):hahaha:

أقصد بأكتب حجازي.....يعني إنطقوها حجازي..
وإذا وحده فيكم مافهمت اللهجه....تقولي وأنا أوريها..
أقصد أشرح لها....


بدينا...بسم الله...والحمدلله والصلاة والسلام على رسول الله محمد صلى الله عليه وسلم....



يااااااااااااااحظي...كم وحده فيكم قرتها ...وأنا أخذت أجرمثلها...
ياليت كلنا نبدأ مواضيعنا بهالمقدمه...على الأقل نأخذ حسنه..


((والله إشتغلت محاضره ))

بسم الله بدينا اللهجه الحجازيه.....


في مره كونت((يعني كنت))
طفشانه بالمره ..

وقلت لأمي ...يا أمي أنا طفشانه بالمره..
أمي قالت ..روحي تدحدري بالزحليقه يابنتي...
قلت لها:لا يأمي هادا الواد يغازلني..
قالت له أمي:عمى في شكلك واد قليل الأدب بصحيح...



لااااااااااا موهذه سالفتنا لليوم...بس هذه مقدمه عشان أدخلكم جو الحجازيه..


والله خلاص دحينه دخلنا في الجد..

مره كونت طفشانه وقلت لأمي ..يالله نروح لأي مركز تجاري...
خلاص بأطق ...إيش هادا..حاجه تقرف..

أمي قالت...قومي ياحبة عيني..يالله نروح لهادا المول إللي جنبنا..

...........والله روحنا المول....


بس وإحنا نمشي....شوفنا ولد كده شكلوه عربجي...ومن حقون الهجوله دولاء..

تبغون تعرفون شكله.....شعره مكنوووووووووووش وملفلف كده زي وحده فنانه صايعه...
ولابس أساور زي أساوري..قولت ياربي سامحني..كونت أحسب الأساور للبنات....

وأما اللبس...ياسلام سلّم...فضيحه لبسوه الله يفشلوه..لابس فانيله
عرياني وبنطلون ((اللويست))

طااااااااااااااااااااايح البنطلون..كنا نمشي وراه لأنوه خرج وإحنا كمان خارجين..

وأنا أمشي وأقول في نفسي ياربي بنطلونه مايطيح ..:22:
ياربي أمي ماتشوفوه....

دقايق ...إلا أمي تقول ((بلهجتنا طبعا))
ياخلاّف ياحري حراه ..وش بلاه هالورع سرواله باين...
يامسيكين الظاهر مايدري ....
ياولد ...ياولد..إنت لوسمحت ..:eek:

وأنا قولت في نفسي...والله فضيحتنا بجلاجل..
مدام أمي شافتوه ...ما تخليه إلا لما تعلموه ...

قلت لها :يا أمي هادي الموضه دحينه...كووووول الشباب يلبسون هادي البناطيل....
قالت...لا ..هو المسيكين ما يدري ..يمكن نسى يلبس الحزام...

وأنا ياربي ..يفكنا من الشر...
والحمدلله ربي فكنا من الشر وسلّم...
لأن أمي فححححححححححطت عند محل المواعين والقدور...
والولد راح ....

بس ليه هما شباب هادي الأيام يلبسون كده...
ملابس ماتليق بديننا ولا بعاداتنا وتقاليدنا..
وصايرين يتشبهون بالحريم ...إللي لابس أساور ..
وإللي شعره رابطه ببكله..
وإللي سرواله باين..أقصد بنطلونه طايح...
وإللي خارم إذنه ولابس حلق...
وإللي أكبر همه في الدنيا لاتطلع حبه في وجهه وتخرب اللوك تبعه...

بالله هادولا شباب يعتمد عليهم....
أموت وأعرف لما يتزوج مين بيكون الرجال بالبيت ؟؟؟هو وإلا زوجته.؟؟؟؟





وين رايحين؟؟؟؟لسه ماخلصنا باقي دور البنات؟؟؟؟




لما كونت أدرس بالمدرسه...
كان فيه بنات ....بس ماهم بنات...والله لا نعومه ولا شي يدل على إنها بنت.....

وأنا أشهد على هالكلام....
متلا في بنت دايم تتضارب مع البنات... تضرب كده وترفس...حلفت إنها ولد...
لما تشوفينها والله تشكين إنها بنت....شعرها منحوت فوق الأدن..وتلبس بنطلون سنه حق الرجال تحت المريول..
مره جاتني تقول..أحوبك..غوصي في أعماقي
قولتلها..كان ودي بس للأسف ما أعرف أسبح...
ومابغت تفك عني ..الله يفكنا من شرها

وللأسف إكتشفنا نهاية السنه إنها تحوب بنت معنا بالمدرسه ....
لا ماتحوبها حب شريف ..زي حبي لكم؟؟؟

لا كانت تقول لها تعالي نامي معاي بالبيت...أمي مطلقه وأبوي طول الوقت هو وإخواني برا البيت....
بس ساعتين...نامي معايا....:30:











طلع الأمر أكبر من الحب والكلام الفاضي...
أنا أتكلم عن شي شفتوه بعيني هادي إللي بياكلها الدود...

.....إحنا بنات المدرسه...كنا نشوف هادولا البنتين دايم في الفسحه والصرفه ..يروحون ورى المدرسه....


بس ما أحد شك فيهم....

إلا وحده من صحباتي جاتني وقلبها طاير من الخوف...تقول..
تعالي شوفي...بسرررررررعه دحينه تقومين معايا..
قولتلها...خير...وتعرفوني كسوووووله...صرفتها...

وسمعت تاني يوم إنو صاحبتي هادي راحت للمديره....وتقول...


يا أستازه إلحقي بنتين ورى المدرسه لاصقين في بعض...
المديره راحت بسررررررعه...وعينك ماتشوف إلا النور...

أعطت كف لهادي وكف لهادي...وكتبتهم تعهد..


بس وين ينفع التعهد مع الأشكال هادي...

بعد إسبوع رجعت حليمه لعادتها القديمه...وبلغت الخاله عنهم..

وإتصلوا على أهاليهم....البنت العربجيه محد رد على بيتهم
والتانيه:أمها جات وطاااااااااحت فيها ضرب قدام المديره والمعلمات يحاولون يفكون البنت من أمها.....بس ظهر مالم يكن في الحسبان.....


أثناء ماهي تضربها سحبت بلوزتها وبان شي.....خلى الأم تنهار...








تدرون وش شافت.....






شافت في رقبة بنتها مصات......
المعلمات جلسوا يهدونها ويقولون يمكن حساسيه...

وهي تقول أشوفها في البيت ماتلبس ملابس مكشفه....
وتبكي وتبكي...والله تحزن....


وقالت هادي البنت مايربيها غير أبوها....
ودقت بجوالها على زوجها وقالت له :بسرعه تعال لمدرسة بنتك...
والبنت تبكي وتقول والله ما أعيدها...

إللي تحكينا الحكايه هادي معلمتنا كانت حاضره ....
وجلست تقول :إنتوا بنات وربي ماخلق البنت إلا وفيها نعومه وأنوثه تميزها عن الرجل...ليه تتشبهون بالرجال...


بالعكس لاتحسبين الناس ينجذبون للبنت المسترجله..والله إنهم يتحمدون الله على العقل...


وبس....


دحينه أخليكم في رعاية الله وحفظه....









لحظه بأبرمج نفسي على لهجتي.....







يالله رجعت لكم أنثى ..:)



أعوذ بالله شفتوا كيف المصايب...البنت إللي كانت تحكيكم فوق ...
إيه هذي البنت الحجازيه...الظاهر إنها متأثره حيل بالسالفه..
لما أخذت منها المايك كانت تبكي((حشى إذاعه صرنا))


والله يابنات كل الكلام إللي كتبته حقيقي....وأنا متأكده إنكم
تعرفون هالأشكال....


خااااااااااصه بنات المدارس....وخااااااااااصه مدرستنا..
تصدقون إن الهيئه مرابطه عند باب مدرستنا...الله يسعدهم....

والله لولا الله ثم الهيئه كان نص بنات المدرسه مخطوفين...


إيه مخطوفين ..ليه خفتوا؟؟؟؟

يجون شباب بنفس المنظر إللي وصفته لكم فوق...ويتسكعون عند باب المدرسه...إذا محد أعطاهم وجه ..يراقبون أي بنت تروح بيتها مشي...ويحاولون خطفها..

وللأسف ...للأسف صار هذا الموقف لصديقتي...
أربع شباب طاردوها وجلسوا يكلمونها ويعاكسونها ....
ماتدري إلا وقفوا السياره قدامها ..ونزل إثنين منهم...
بس سلاح المرأه صوتها((ترى من رأسي هالحكمه))
صررررررررخت من قلبها..
ولما فتحوا بعض الحريم إللي في بيوتهم الشبابيك...شردوا هالمجنن...
ومن بعدها حرمت تروح مشي...



وللأسف فيه النقيض....
وحده من صديقاتي أخوها وسيم.....
تقول مره كنا بمركز تجاري ...أنا وأخوي وأمي
مرت بنت لابسه عبايه ضيقه وخلصت البودره في وجهها وحفرت الكحل بعيونها ومتعطره بعطر لف رأسي....

تقول أخوي ما إهتم لها .....
دقااااااااايق....إلا البنت تلاحقهم....


تقول صديقتي :أخوي ماشافها ...
قامت بنت الكلب راحت قدامه وقالت....ياعمري إفتح البلوتوث
وخذ رقمي...

صديقتي ..إنهبلت...وقالت لها...إستحي على وجهك يابنت ...
قالت...يوووووووووه هذي زوجتك ماجاها الزين...

قام أخوها يضحك...((طبعا بنت تجري وراه..))
وصارت صديقتي تبكي...

وطلعوا من المركز...بس لما أخذت بنت الكلب رقمه...


حسبي الله ونعم الوكيل....

الشباب والبنات ماعاد هم صاحيين...

إلا من رحم ربي...






بس معهم حق....لارقابه ولا وازع ديني يردعهم والفضائيات أربع وعشرين ساعه قدامهم....
والأهم من هذا كله مافي شي يشغلهم ....

يعني هالحين حنا بإجازه ؟؟؟؟
نوم وسهر ونت وأحيانا طلعه...
طيب ليه وزارة التربيه والتعليم...
ماتعمل برنامج صيفي....بلاااااااااااااااش..
ماهو بفلوس....
وليه ماتفتح معاهد لتعليم الكمبيوتر والإنجليزي ...
وتنمية المواهب خاصه إنه بعض البنات يعشقون الطبخ والخياطه ..
ليه مايكون فيه دورات لتعليم الحوار والرقي بالمجتمع...
بس بلااااااااااااااش ماهو بفلوس والعياذ بالله



أنا أغبط سكان الرياض...فتحوا لهم في الثمامه مركز رهيب..
بس يابنات الرياض لو كان الدخول والإستماع للمحاضرات والندوات بفلوس...لاتروحون تعالوا عندي نفلها...:30:



والله يجزاكم خير لأنكم قريتم وتفاعلتم معي وإن شاء الله بتردون علي...ومع السلامه
53
7K

يلزم عليك تسجيل الدخول أولًا لكتابة تعليق.

تسجيل دخول

راجية رحمة ربي
راجية رحمة ربي •
الله يسعدك ويوفقك على هالالقاء الروعه مثلك والطرح السهل وشباببنا الله يصلحهم والله شي يعور القلب بس ايش نساوي الله يهديهم ويستر عليهم
زائرة •
...
..
.

أسلوبك خياااااااال

المهم

انا بعاطيك الجانب الاخر

جانب طلاب الثانوية

غير البنطلون اللي قلتي عليه

الشعر اللي لايمكن يفرط فيه

ومستعد يخسر مستقبله وينطر من المدرسة بس مايحلق شعره

ومستعد مايستلم الكتب ولا تقارير الاختبارات بس مايحلق شعره

يعني مشتقبله في كفه وشعره في كفة ثانية

والشعر كل يوم موضة

مرة بجل

ومرة مجعد

ومرة بقشرة كأنه من المشردين

والجوال ملياااااان أرقام

والفسحة وقت ممتاز للاتصالات

ومو لازم يطاردوا البنات

لان البنات صاروا هم اللي يدوروا على الصداقات

واسألوا المولات والشاليهات والشقق المفروشة والاستراحات

عن العرض اللي ضاع



والبنت في الاخير هي اللي تندم وتبكي الدم

والشاب يقولون كان طايش وعقل

وماعمر الشاب قرر انه يتزوج وحدة من العشرات اللي حوله

والمشكلة ان البنات صاروا يعرفون هالشي ومتأكدين منه

وصاروا يقولون للأولاد ترى انا ماباتزوجك

بس خلها صداقة ووناسة


لكنها تعرف بعدين اذا تعلق قلبها

وانحرقت من الغيرة

وتعبت من التفكير والهواجس

وسهرت الليالي والساعات

وسكبت الدموع والعبرات


ان اللي تلعب بقلبها يوم من الايام

ما بتحصد الا الندم


.
..
...
راحة القلب
راحة القلب •
ينصصصصصصصصر دينك اختي على كلامك ...
والله كلامك يبرد القلب ..
الله يهديهم هالشباب وهالبنات ... المشكله لارحتي للأهل تقولين لهم قالوا هذي فترة مراهقه مردهم بيعرفون الصح والغلط ليه ننكد عليهم فرحتهم واستمتاعهم بالحياه!!!!
اي فرحه واي استمتاع بالحياه ... ليه ماعمري فكرت انا اعجب ببنت او ماعمر اخوي لبس مثل هالملابس ..
الحمدلله الله يثبتنا على طريق الحق بس التربيه السبب الرئيسي للانحراف لانقعد نقول من الصحبه السيئه والامن التليفزيون .. لو التربيه كانت قويه والاسس معروفه ماكان قدرت الظروف الخارجيه تأثر بالبنت او بالولد ,,,
المشكله هالشباب اللي ينكش شعره والا يلبس بنطلون واصل للأرض يحسبون نفسهم حلويييييييين وهم والله ماشافوا الحلى ...
الله يهديهم بس ويفتح عيونهم ويريهم الحق حقا والباطل باطلا ...
شكرا لك اختي على الموضوع
~ lo0oly ~
~ lo0oly ~ •
كل الكلام اللي قلتيه صدق
وياما سمعنا في ايام الكليه بس الحمد لله ما شفت بعيني
تخيلي يقولوا اذا وحده حبت وحده طبعا الحب الثاني ما ترضى انها تمشي مع احد غيرها وتهاوش البنت اللي تمشي مع حبيبتها
الحمد لله على نعمة العقل اكيد ذولا مرضى


ودمتم سالمين
انثى في عالم حواء
انثى في عالم حواء •
راحة القلب راحة القلب :
ينصصصصصصصصر دينك اختي على كلامك ... والله كلامك يبرد القلب .. الله يهديهم هالشباب وهالبنات ... المشكله لارحتي للأهل تقولين لهم قالوا هذي فترة مراهقه مردهم بيعرفون الصح والغلط ليه ننكد عليهم فرحتهم واستمتاعهم بالحياه!!!! اي فرحه واي استمتاع بالحياه ... ليه ماعمري فكرت انا اعجب ببنت او ماعمر اخوي لبس مثل هالملابس .. الحمدلله الله يثبتنا على طريق الحق بس التربيه السبب الرئيسي للانحراف لانقعد نقول من الصحبه السيئه والامن التليفزيون .. لو التربيه كانت قويه والاسس معروفه ماكان قدرت الظروف الخارجيه تأثر بالبنت او بالولد ,,, المشكله هالشباب اللي ينكش شعره والا يلبس بنطلون واصل للأرض يحسبون نفسهم حلويييييييين وهم والله ماشافوا الحلى ... الله يهديهم بس ويفتح عيونهم ويريهم الحق حقا والباطل باطلا ... شكرا لك اختي على الموضوع
ينصصصصصصصصر دينك اختي على كلامك ... والله كلامك يبرد القلب .. الله يهديهم هالشباب وهالبنات ......
راجيه رحمة ربي...مشكوره على المرور ((محد قدك أول من يرد إنتي)):hahaha:

حلال المشاكل...مشكور على مرورك
((إللي تلعب بقلبها يوم من الأيام مابتحصد إلا الندم)):(

أحلى شي قلته...وصادق فيه...يارب البنات يستوعبون هذا الشي..

راحة القلب..مشكوره على مرورك وكلامك صح وصادقه فيه..

loooly مشكوره يابعد قلبي على مرورك...
صح والله إذا حبيبتها مشيت مع غيرها .....تزعل وتقوم الدنيا على رأسها..:30:
((الحمدلله والشكر))