والله قااااهرررني هالموضوع !

بسم الله الرحمن الرحيم

هذا اول موضوع لي في هذا المنتدى لكن صار لي فترة افكر كيف اصيغه لانه بصراحه مشكله اجتماعيه واتمنى نلاقي لها الحل ... والحل طبعا هو في ايادينا كلنا يالامهات ولكنا مضيعينه


المشكله هي اعتماد الامهات على الشغاااااااااااااالات .


يمكن قبل ما اخلف اولادي الله يحفظهم مالاحظت هذه المشكله بس بعدما بدا ابني يكبر واضطر اروح العبه في الملاهي شفت العجب
خواتي الغاليات امهات اجيال المستقبل يامن سيفاخر بنا نبينا صلى الله عليه وسلم يوم القيامه .... اولادنا صاروا تحت رحمة اندونيسيا والفلبين والسنغال .:44:


ما ابغى اطول علشان ماتملون بس اللي انا ملاحظته من فتره انه في كل مكان اروحه فيه اطفال بدون مبالغه والله 70% او اكثر من الاطفال في ايادي الشغالات كأن ماعندهم امهات و 50 % ممن رايت من هذولا الاطفال بيتعرضوا للاساءه من الشغالات هذول ... كذا مره اشوف شغاله تضرب البنت او الولد كذه عيني عينك وقدام الناس مو هامها احد وكذا مره اشوف شغالات ينافخون على الاطفال الصغار ... وكذا مره اشوف شغاله تنتبه وتلاعب وتاكل 3 او 4 اطفال مره واحده والام اكيد ياتتسوق ياقاعده تاكل او تتقهوى ياتتمشى يافي البيت نايمه ومرسله اولادها مع الشغاله ! !


والله ياخواتي محد راح ينتبه ويلعب مع اطفالكم مثلكم ولا احد بيخاف عليهم مثلكم الشغاله تحس انها تادي واجبها لااكثر ولا اقل يعني مثل ماواجبها تغسل المواعين واذا انكسرت كاسه فهي مو مشكله كبيره كمان ممكن اثناء ماهي في الملاهي ويطيح واحد من الاطفال فهي بنفس حجم مشكلة كسر الكاسه لان كله شغل !


بس ترا انا مالوم الشغالات ولا احرضكم على شغالاتكم هي بعد معذوره الله يسلمكم يعني طول اليوم وهي تنظف وتغسل وترتب وتكوي واخر النهار ناخذها ونروح ندور الاسواق والملاهي فيها وبعد نخليها تنتبه وتلعب الاولاد!! ترا هم كمان بني ادم حطي نفسك مكانها وتخيلي نفسك طول اليوم بين المطبخ والمجلس والحمامات تنظفين وتطبخين وتغسلين المواعين وترتبين ورا الاولاد واخر اليوم مجبره انك تطلعين الاولاد ( لا حظي ان هذولا اولادك ) مجبرة تطلعيهم الملاهي تلعبيهم وتنتبهين لهم وياويلك لو تغفلين دقيقه عنهم ! بالله مو راح تعصبين وتنافخين عليهم واذا لزم الامر بتضربيهم؟؟

نصيحه لكم من اخت ماتتمنى لكم الا الخير لاتعتمدوا على الشغالات لاطفالكم الشغالات لخدمتك ومساعدتك في البيت وبس اما عيالك فانتي اللي خلفتيهم ,انتي وابوهم بسسسسسس مسئولين عنهم واذا الشغاله تضرب ولدك او بنتك فانتي ماراح تدرين الا بالصدفه ويمكن تكون متاخره لانها مستحيل تضربهم قدامك


اتمنى نتناقش في هالموضوع واعرف اذا انتوا معي او اني غلطانه او ابالغ