والله قلبي غير راضي عن ولدي

اخواتي مشكلتي اصبحت بالنسبة لي مشكلة ليس لها حل انا عندي ولد زوجته من سنتين زوجته من بنت عمته من محبتي لزوجي اخدت من اهله مع انه كان رافض ان اخد من اهله المهم اللي صار زوجة ابنبي سلبية لابعدحدود والله ابدء معاكم القصة استمعو ولدي لما زوجتو كان معاه وظيفتين مش وحده جلس على هذا الحال لمدة سنة معاها على هدا الحال تمام بدءت المعاناة بعدكدة ترك الوظيفة طبعا بعد ديون الفرح اللي ابتلشت انا امه فيهاوالله شفت من الحياة اللي مايتشاف زوجته سلبية لدرجة تخليكي تفقدي اعصابك المهم اليوم حايكمل السنة الثالثةيشتغل شهر ويترك العمل طبعا اهلها كانو ساكتين مايتكلمو سبحان الله لما انا جيت انصح واتكلم اصبحت ام شريرة المهم لما كانت تروح معايا مناسبات اعطيها من ملابسي واكسسواراتي انا ماامن ابدا والله اعتبرها مثل بناتي وللي ارضاه لبناتي ارضى لهاالان اصبحت عندهم بنت وولدي جالس على حالو لما تطلع عندي انصحها اقولها يابنتي دفيه انتي قولي له ابغى ملابس ولي حاجات في نفسي ابغى اجيبها يعني لاتقعدي ساكتة على وضعه اليوم عندكم بنت يبغالها طلبات تقول طيب خلاص بس يعدي يومين ولا حياة لمن تنادي اعلمها اقولها يابنتي اعزميني يوم على براد شاي او قهوة تقوللي ماعندي طلبات هدا حل بالله عليكم اخواتها يخرجو من عندها مايشربو شي انا عارفة انو ولدي غلطان بس المراة لها دور كبير في تغيير الزوج المهم الجديد في الموضوع اصبحت امها تلقح بالكلام بنتي قاهرتني ماهي زي اخواتها ومايصير يعاملهاكدة قولتلها المفروض بنتك ماتسكت على هذا الحالويكون لها دور انا اتكلمت مع بنتك كم مرة 00قالتلي لا حرام بنتي ماهي من البنات الجريء طيب انتب عمته كلمي تقول لا طيب كلمي اخوكي اللي هو زوجي طبعا لا تخاف منه هادي امها اخدت مهر بنتها التلاتين الف وسددت ديونها ودخلت بنتها على ملابسها القديمة وتقولي انتي بعدين جيبلها انتي زي امها مارحمت اخوها مع انه بناتها كلهم مهرهم عشرين الف الا ولد اخوها المهم جاني ولدي يقولي انتي كل المشاكل منك عشان اقوله خليك رجال ولا تخلي احد يتكلم عليك الكلام كله يجيني انا والمصيبة زوجته كل كلمة انصحها هي تزيد عليها من عندهاوتقولو هي اللين طلع اليوم يصيح علية بااسوء العبارات اللي ماتتقال لعدو مش ام وقفت جنبك وشافت الهم من ابوك واهله اللين زوجتك هدا الجزاء اللي استحقواتسب امك ودمعتي على خدي وانا اكلمكم جرحني بما فيه الكفاية وابوه يسمع ولا يرد على ولده المهم ابغى نصيحتكم طبعا في الاخير انا طردته هو وزوجته من المشاكل اللي شفتها وفي الاخير جايتني امها تتلقف علية كل ماتشوفني لا ولله مااخلي نفسي زبالة له ولزوجته واهلهاانا ماعندي احد يدافع عني الا الله ايش الحل كيف اكمل مع هادي العالم الاني خلاص نفسيتي منهارة من ابن يصيح في وجه امه قدام زوجته انصحوني والله انا استمع لكم جزاكم الله خير