والله قهررررررررررررر....

والله قهرررررررر

قهررررررررر لما أشوف بعض مقاطع البلوتوث المنتشره مع الشباب ....

شي يعور القلب ...

ناس ضايعين عقولهم فارغه ...

أحيان أتساءل أقول ياربي هذولا أوادم ؟؟؟؟؟؟؟؟ لهم عقول !!!!!!!! .. ولا شاربين شي ملغي عقولهم !!...
مقاطع تعور القلب ’ , المفروض نحمد ربنا على هالنعمه ونستغلها بما يعود علينا بالنفع والفائده ...
تحسون الناس الحين تبلدت مشاعرهم ,,,
تصدف انك تشوفين واحد بالشارع مسوي حادث ... تلقين متجمهرين عليه اشكثر ناس أغلبهم قاعدين يصورونه بدل ما يسعفونه ...

والله قهررررررر..........
لما تشوفين الأم بجانب الأب في السياره يصورون طفلهم اللي يلعب بسكان السياره ويفروووونه فوق تحت ...
بذمتكم ... هذي أم ؟؟؟ تستاهل يكون عندها هالولد ؟؟؟!!! النعمه العظيمه اللي غيرها يدفع الألوف المؤلفه عشان طفل أنابيب ...

والله قهرررررررر......... لما تشوف أشباه البشر يلعبون بالطفوله البريئه فتلقاهم يصورون طفل لايتعدى عمره ثمانية أشهر وهو يلعب بثعبان كبير يلتوي عليه ... في الوقت الذي يجتمع حوله الكثيرون لتصوير المشهد .......

والله قهرررررررر......... لما أشوف ولد يصلي ويجيه أخوه من خلفه ويركله بقوه ركله تخليه يصدم الجدار حتى يظن من رأى المقطع أن رأسه انقسم نصفين من قوة الضربه ... وكله عشان يصورون مقطع جديد محد سبقهم عليه ... مواهب عجيبه !!!!!!!!ِِ

والله قهرررررر......... لما نشوف مجموعه يصلون ويجي دخيل عليهم ويسحب أحدهم للخلف عشان يوقف مكانه ويتضاربون أثناء تأدية الإمام للصلاة .. أعتقد المقطع كله تمثيلي ... لكن سؤال!!!!

ســــــــــــــــــــــــــــــــــــؤال ؟؟؟

حتى الصلاه ماصار لها حرمه واحترام ... هالناس مو مسلمين ؟؟؟ مايخافون من العقوبه ؟؟؟

والحين أنتظر تفاعلكم معي في الردود...

واللي أتمناه ان يكون هذا التفاعل ممتد الأثر خارج نطاق المنتدى ...

نريد أن تكون هناك دراسه شامله لهذه الظاهره التي تخطت كل الحدود ...

نتمنى أن تكون هنالك توعيه قويه في المدارس والجامعات والمساجد وفي كل مكان ,,,

لإصلاح مايمكن إصلاحه واستبدال مقاطع الشر بمقاطع الخير ,,,

واللي فعلا أتمناه أن يكون هناك فعل رادع لأمثال هؤلاء من أولي الأمر
فالله يضع بالسلطان مالا يضع بالقرآن ..

أختكم
:26: مـــــــــــــــــس لانكـــــــــــــوم ِِ:26: