السلام عليكم
انا يابنات متزوجه من 11 سنه وعندي الحمد لله 3 اطفال بس المشكله اهلي بعد زواجي ب سنتين سافرو منطقه ثانيه والمشكله بدت من يوم زواجي صار فيه مشاكل مع بعض ازواج خواتي بسبب التصوير بالقاعه وزوجي مسكين كان متضايق وتهاوشو في نفس اليوم وبعدين اذا بغيت ازور اهلين يرفض يوديني الخميس عشان فيه جمعت خواتي وحالف ما اطب بيوت خواتي ولا ادخل بيوتهم عشت في عزله وخاصه ان اهلي سافرو في منطقه ثانيه ولا اروح الا بالطقاق والهواش وينكد علي وانا رايحه ودمعتي على خدي ولا يعطيني مصروف يقول منتب ميته من الجوع تاكلين وتشربين عند اهلك وانتم عارفين ان الحرمه لها متطلبات احيانن اخواتك يتقاطون بعشاء او بستراحه او اعيالي يبون بقاله الله يسامحه وهو مادين ماعليه قصور وبعدين بعد عشر سنوات من الحرمان من اخواتي اصابني الحزن هم يجتمعون ببيوتهم وبالاستراحات وبكل مكان وانا زي الغريبه ما اشوفهم الا صدفه عند اهلي بالسنه مرتين وكأني غريبه انا وعيالي لا تقولون انا السبب لاني الحين اكتشفت اني ضعيفه لاني تزوجت وعمري 18 والحين طلع قلبي بس للاسف تأخرت وانا احاول ازورهم ويزوروني بس يقول خواتك بيخربون بيتك اي اهم انا ولا خواتك بالله عليكم هذا رد ويقول اذامو عاجبك روحي لبيت اهلك وخلي خواتك ينفعونك انا والله العضيم لو اهلي عندي زعلت بس المشكله اهلي بعيدين عني ومدارس عيالي صعبه وش النصيحه وانا حاولت معه بالطيب بالمشاكل ماخليت باب الا وطرقته تكفون وشالسواه احس اني وحيده ما اشوف احد واهله نروح لهم يوم بالاسبوع وما نطول وانا علي عباتي وخواتي 5 بنفس المكان وقريبين مني مو قهر والله قهر حتى الجيران ما يبيني اختلط معهم واذا عزمتهم ياويلي لا يطولون اطرد الناس والله قهر واذا بغيت اعزم صديقتي يسويلي مشاكل وشوله ياحبك للمسايير والناس اهتمي ببيتك وعيالك واذ كلمت صديقتي يسويلي مشاكل وش عنده وش تبي ما عنده بيت اعوذ بالله وش هالحاله يكفي محبوسين لا احد يجينا ولا نروح لاحد لا والجوال ياويلي لو اطول لو ابكلم احد من اهلي وشوله المفروض هم يدقون ولا تكلمين الا امك وابوك بس وتفتيش بالجوال واذا جت الفاتوره يشيك على الارقام وياويلي لو اني مكلمه احد حتى لو اختي والله العضيم يصير هواش بالله عليكم هذي عيشه ربي كتب علي الحمد لله على كل حال والله دموعي انهارت ما اقدر اكمل؟؟؟؟؟؟؟؟؟:44::44::44:
فوفو77 @fofo77_1
عضوة فعالة
يلزم عليك تسجيل الدخول أولًا لكتابة تعليق.
(لمى)33
•
الله يفرج همك شكله شكاك ياختي وهذا مرض
بس عليك بالاستغفااار والله ان حياتك كلها تغير ولا تنسيني من دعواتك ان اللله يرزقني الذريه الصالحه
بس عليك بالاستغفااار والله ان حياتك كلها تغير ولا تنسيني من دعواتك ان اللله يرزقني الذريه الصالحه
الله يعينك عودتيه يتحكم فيك وخلاص .. اذا تهاوش مع رجالهن وش عليك يققطعك من خواتك سلامات
الصفحة الأخيرة
مالي الى ان ادعيلك ان شاءالله زوجك يغير الفكره براسه والله يوفقك ويسعدك ويفكك من الوحده على خييير يااارب..