بسيـــل @bsyl_1

عضوة فعالة

والله قهر بيسافر مع الشباب وبيخلينا الحالنا بفلوريدا (ابي معلومات عن نيويورك ) تكفون

السلام عليكم
كيف الحال وش اخباركم
ابي فزعتكم بعد اسبوع عندنا اجازه لمده عشر ايام وزوجي مخطط ومقرر يطلع مع اصدقائه ( يسافر لوس فيقس)
انا ساكنه فلوريدا المهم صارت بيننا هوشه انا اقول ماتسافر وتخلينا ماعندنا احد وهو يقول انتي السفر معك حرام لانك تضيقين الصدر ولاتعرفين تسافرين ومن هالكلام مالكم بالطويله قال قدامك يومين اذا قررتي وين تبين تسافرين وجبتي لي كل شي عن الديره الي تبينه من فنادق واسعار واماكن تمشي طلعنا ولابروح مع الشباب يعني بصراحه طالب شي تعجيزي لانه عارف مالي بهالسوالف عاد قلت مالي الا خواتي بعد الله ابي اروح نيويورك ومعي عيالي صغار وابي اعرف الجو هناك كيف وابي الي سافرت تقولي وين راحت وكم كلفتهم وش فيها مميز ادري بتعبكم معي بس والله قهر يروح وانا اجلس
وابي موقع بالنت اقدر احجز منه الفنادق وش رايكم بنيويورك مع الحجاب فيها مشاكل ولا عادي وابي كل معلومه صغيره وكبيره تكفون طلبتكم وقفوا معي

يلزم عليك تسجيل الدخول أولًا لكتابة تعليق.

تسجيل دخول

محتاره في هالدنيا • 15 سنة

للرفع انا ماعندي معلومات بس عشان البنات يفيدونك ان شاء الله

بسيـــل • 15 سنة

محتاره في هالدنيا
ربي يسعدك ويوفقك

يالله بنات انتظركم

ام عمار2222 • 15 سنة

ماعندى معلومه بس ان شاء الله البنات يفيدوك بس سمعت ان نيويورك فيها عرب واجد يعني لاتشيلين هم الحجاب:26:

babymalak • 15 سنة

خيتو شوفي هذا الرابط وتفرجي علي هذا الصور كلها في نيويورك وانا الي بعرفه انها غاليه كثيرا
http://images.google.com/images?um=1&hl=en&tbs=isch:1&sa=1&q=zoo+new+york&btnG=Search&aq=f&aqi=&aql=&oq=&start=0
وهذا الرابط للفنادق شوفي انو ارخص شئ وحجزي في حسب الغرفه الي بدك اياها
http://www.google.com/search?hl=en&source=hp&q=new+york+hotels&aq=0&aqi=g10&aql=&oq=new+york+ho
وهذا عشان تعرفي الجو الي في نيويوك في اي يوم انتي بتسافري
http://www.google.com/search?hl=en&q=new+york+weather&aq=0&aqi=g10j1&aql=&oq=new+york+w
وبخصوص الصغار الافضل الهم الزو للحيوانات بكيفوا عليها
والحجاب ما تشيل هم لان تكثر العرب هناك
والله بسهل امرك وتروحي تنبسطي

بسيـــل • 15 سنة

مشكوره ماقصرتو