والله كل ماذكرت اختي حسيت بحرقة بقلبي ابي احد يخفف علي

اختي قصتها طويله ابختصرها بس يارب تكون واضحه اختي ما تاخذ موانع حمل وترضع قبل ثلاثة اشهر بالتحديد ايام الاختبارات جتها الدوره وطولت وما كانت شديدة اوساخ بس المهم صارت تاخذ علاجات شعبيه تنزلها واستمرت على هالوضع شهرين ومرت الاجازة وسافرت وارجعت بداية شهر رمضان راحت للدكتوره ووصفت لها حالتها وبينت انها كل مااتحركت نزل منها دم يعني لها كم شهر مااطهرت الدكتوره طبعا قالت لازم تحليل الحمل وهذا الي كانت مافكرت فيه رغم اني قلت لها من اول شهر سوي تحليل في البيت تأكدي لايكون حمل وكمان كانت تاخذ علاجات كثيره علشان البواسير كانت معاها شديده ومع المسكنات يمكن خفف لها الوحم وماحست فيه الله اعلم
طولت عليكم وارجع لطلب تحليل الحمل وسوت التحليل وكانت صدمتها الكبيره لما عرفت انها حامل وكان السبب لانها تناولت علاجات كثيره معقوله وش راح يصير في البيبي الي في بطنها وبعد التحليل الخطوه الثانيه وهي الاشاعه علشان تعرف عمر الحمل لأانها كانت ترضع وماكانت تجيها الدوره وكانت الصدمه الاكبر لما قالت لها الدكتوره عمر الجنين بداية الشهر الرابع وظهر لها في السونار الجنين والمشيمه وبينهم كيس من الدم وكان هو سبب النزيف المستمر وبعد الكشف عليهاومتابعتها بينت لها ان الكيس قاعد يكبر وهم خايفين لانه جالس يفصل بين الجنين والمشيمه ويعني ممكن باي وقت تفقد حملها وقبل يومين نزل معها قطعتين دم وراحت على طول للمستشفى قالت لها الدكتوره الحمد لله هذا نصف الكيس نزل لكن المشيمه عندها كانت ضعيفه ونازله بالقرب من عنق الرحم وان عنق الرحم مقفل والطفل سليم (طبعا اختي ولادتها كلها قيصري وكان الرحم عندها تعبان وضعيفعلشان كذا هي خافت لما اعرفت انها حامل )طلبت منها الدكتوره تقعد عندهم بالمستشفى علشان يتابعونها وبعد تقريبا ساعه او أقل زاد النزيف معها وبغزارة لدرجة كانت علو وشك فقدان الوعي وطبعا نسبة الهموجلوبين عندها كانت 7 جاها الطبيب المناوب وامر بأدخالها لغرفة العمليات لان الدم الي نزل ما هو الابسب انفتاح جرح العمليه السابقه يعني صار معاها انفجار في الرحم وخضعت لعمليه قيصريه على آثرها فقدت الرحم هي الحين بغرفة العنايه المركزه وكلما دخلت عليها تسألني هل شالوا لي الرحم وايش الي حصل طبعا ماأحد يدري بها الخبر الا انا وزوجها والكل مستغرب هي لي بالعنايه اختي اضغر مني عمرها 32 سنه الموضوع متعبني وكل ما تذكرت اختي بكيت وامي مستغربه ايش الي فيني دعواتكم لها بالشفاء العاجل وان الله يربط على قلبها ويصبرها مالي غيرها اخت شقيقه قاعد اكتب لكم معاي ولدها الصغيرمتعود على صدرها موقادر ينام وهالحين هي في العنايه معاها نزيف والدكتور يقول ماني وشي سببه مين تعرف وحده شالوا لها رحمها وعاشت طبيعي في بيتها ومع زوجها في هذا السن الصغير وحبيت اسألكم يعني لازم الي حولنا يعرفون بتفاصيل عمليتها لاني خايفه على نفسيتها هي حساسه كثير وتخاف ومالها بالدنيا :44::44:
يارب ياكاشف الضر عن ايوب اكشف ضرها ويامبرد النار على ابراهيم برد عليها جرحها وياراد يوسف لأابيه يعقوب رد عليهاعافيتها وياناصر نبيه محمد على اعدائه انصرها على المرض وصلي اللهم على سيدنا محمد