انا جتني فترة اعاني الارق

وصفتلي وحدة من زميلاتي اني اشرب شاي زنجبيل
واشربيه قبل موعد نومك على الاقل اربع ساعات

وشوفي اذا ما نمتي نومة لذيذة باذن الله

والله انا جربته ونمت احلى نومة في حياتي
الطريقة :خذي زنجبيل طازج وقطعيه شرائح واغليه شوية مع الماي وبعدين صبيه الشرائح مع الماي في الكوب واضيفيه له شوية سكر او عسل ..الطعم اللي تحبيه

وقبل النوم عليك بالاستغفار والتسبيح

الله يفرج همك وييسر امرك امين يارب

الله يعينك حبيبتي
والله حاسة فيك
جاتني الحاله وقت امتحانات الفاينل ، والله اني ما قدرت انام الليل أو النهار وصادني ارهاق غير طبيعي
ولدرجة اني ما قدمت مادتين من الارهاق وكنت أتقلب بالفراش طول الليل ولا أنام
أول شي توكلي على الله وابتعدي عن كل المنبهات نهائيا في الفترة الأولى سواء كانت شوكلاتة أو شاي أو قهوة أو مياه غازية وثاني شي عودي نفسك أنك تصحين بوقت معين كل يوم الصبح (أنا صرت اصحى الساعة 8) وما تنامين الظهر أبدا وحددي لك ساعة تروحين بها الفراش بالليل (الساعة 10 مثلا) وقبل النوم اقري لك كتاب
أول خمسة أيام خذي لك قبل موعد النوم بساعتين حبتين بانادول نايت والخمسة أيام اللي بعدها خذي لك حبة واحدة وبعدها وقفي استخدامه
هذي الطريقة فادتني والحمدلله تحسنت ،على الرغم تجيني أيام يصيدني الأرق لكن باتباعي هذا البرنامج أحس انه جسمي ما يتعب مثل قبل

الله يشفيك ويشفي كل مريض

مودتي

فيه دعاء الارق مره روعه مستحيل تقوليه الاتنامي طبعا مع التوكل على الله

( اللهم غارت النجوم وهدئت العيون وانت حي قيوم لا تاخذك سنه ولا نوم

اهدي قلبي وانم عيني)

عليك بهذا الدعاء

ولاتنسينا من الدعوات

اخواتي الخاشعة ... ظل الشجر ... أفوكادو ... موكاتشينو ... بنت وبس ... ظلم البشر اشقاني
نسرونة ... روزانة ... عنقاء زهر الرمان ... محار البحر ... حساسة انا ... نفحة النسرين .. مزن جدوع ... عود معطر ... اسيرة الحرمان .....cute flower ... كحل روج ... نبراس... نملة ... كوكتيل عسل ... غموض
جزاكم الله كل خير والله دعيتلكم يوم الجمعة باخر ساعة من العصر
الله يسر اموركم ويفرج عنكم كل هم ولا يوريكم مكروه

حاولت اطبق الاشياء اللي قلتوها اقرا اية الكرسي واخر البقرة وسورة تبارك والدعاء اللي ذكرته الاخت ظلم البشر اشقاني الله يجعله بميزان حسناتها ومثل مانصحتني اختي الخاشعة حاولت اقلل من الشاي والقهوة بس والله ماخبي عليكم انا مدمنة شاهي اخضر بس احاول اشربه قبل وقت النوم بفترة وبالنسبة للتسبيح انا من اول والله كنت اسوي نفس الشي بس سبحان الله شي غريب لمن اسبح او اقراس سورة تبارك والله ما اقدر اكمل من النوم بس مجرد ما اوقف يطير النووم سبحان الله حتى النوم نذل ومثل ماقالت الاخت مزو جدوع الله يعطيها العافية احاول اتنفس بعمق وقبل النوم اسوي لي كوب بابونج + يانسون ( هذا الموجود عندي ) وانشاء الله احاول اجيب الاعشاب اللي ذكرتها نفحة نسرين الله يجزاها خير ومسهرة نفسي طول النهار والله عذااااب والنتيجة الحمد لله اليومين اللي فاتو
نمت اول ليلة بدون تعب يمكن ساعة ووالله بغيت ازغرط يوم صحيت من الفرح بس امس وربي بغيت ابكي من جد بالرغم من اني نعساااااااانة ماني قادرة انام و(مع العلم اني طبقت معظم نصايحكم بس مادري شسالقة ) ايه تذكرت الليلة اللي قبلها نمت تمام الساعة وحده ونص بس بنتي الله يهديها صحتني الساعة ثلاثة عشان ككذا انا ملخبطة

بس اقولكم شي وما تزعلون مني لا زلت مصرة اجيب الحبوب المنومة صراحة اني في حاجتها لان بنتي ملعوزتني مرة

والف شكر لكم جميعا كفيتو ووفيتو

عزيزتي استخدمي بانادول نايت في البداية أما الحبوب المنومة فخليها آخر حل ولا تاخذينها الا بوصفة طبيب
جربي الطريقة اللي ذكرتها لك ، وان شاء الله بتستفيدين أما الشاهي الاخضر فبه مادة الكافيين مثله مثل الشاهي العادي عشان كذا لازم بعد الساعة 5 العصر ما تشربينه

مودتي