والله لو زوجي درى مايشتري لي حتى عود كبريت

سلام بنات

أولاً أنا متسلفه هاليوزر


بنات والله مقهوره جعله اخر همي

قبل شهر تقريباً زوجي قالي بيسافر مع خويانه
وأنا وافقت على مضض وهو لاحظ إني متضايقه من سفرته
المهم سافر ولما رجع فاجئني بساعه ديور ألماس دفع دم قلبه عليها
وكان كاتب لي على العلبه إهداء جعلني ما ابتسيه
لحد هينا حلويييين

المشكله صارت من اسبوع
كان عندي جمعة أهل كبيره شوي
يعني البيت كان زحمه ولخبطه
المهم مع السوالف و هذرة الحريم عن الماركات و المكياج قالت لي حماتي ( أخت زوجي ) بتشوف الساعه
جبت الساعه وشافوها وبعدين أخذتها وحطيتها فوق طاولة التلفزيون ( المكان عالي مره مستحيل توصل له يد طفل )
المهم لمن طلعو الحريم بديت أرتب البيت رحت باخذ الساعه عشان أرجعها غرفتي


ماااااااالقيتها
دورت البيت حته حته حتى المطبخ وأدراج الحمامات يكرمكم الله دورت فيه
والله ما بغيت أطن ظن سوء بأحد بس دعيت من قلبي وأنا مقهوووووره أنه لو وحده من الحريم أخذتها الله يكشفها عندي

المصيبببببببه أمس

كنا متجمعين عند وحده منهم لانها جايبه بضاعه
والله استجاب دعوتي

كانت البضاعه قمصان نوم وحركات كذا عشان كذا حاطتهم في غرفة نومها دخلتنا الغرفة

وهينا الصااااااااااااااااااعقه
الله اعمى عينها وقلبها
علبه ساعتي موجوده على طاولتها ومكان الإهداء اللي كاتبه زوجي ممسوح بكوركتر بكل غباء
ولما انتبهت للساعه ونظراتي مررررررره ارتبكت صار شكلها وتصرفتها مو طبيعيه
وقالت يالله اطلعو من الغرفه وأنا راح أجيب البضاعه في الصاله
مع انها كانت رافضه تطلعهم من الغرفه عشان البزارين لا يحسون فيها

المصيبه اني ماتكلمت ولا كلمه انصدمت وتصنمت وحسيت بحر فضيع وبديت أعرق
دقيت على رجلي تعال أخذني

معقووووله أم ***** تسوي كذا
يمكن فيه إلتباس في الموضوع أو سوء فهم


المصيبه أنه زوجي لين ألحين مايدري
والله لو درا ما عمره يشتري لي هديه حتى لو عود كبريت

وش اسوي قبل لا يلاحظ أني ما ألبسها
معقوله اسألها ولا اواجهها


شووووووورووووو علي

:( :angry: