والله ماتحرك فيني سااكن

السلام عليكم ورحمة الله وبركاته
هذا يااخواتي الفاضلات حصل معي موقف ماكنت اتخيل يوم اني بنحط في موقف زي هذا.واللي هو رحت انا مع حريم اخواني ثنتين نعزي حرمة عمي في وفاة قريبة لها وعااد اللي حصل دخلنا يتهم وقلطنا الصاله والا ماشاء الله تبارك الرحمن مليانه من بناتهم يعني حفيداات الجده يوم شافونا استحو دخلوالغرفه الداخليه .انا بدخولي ماشفتهم لاني كنت بالاخيرجايه بس بينهم مرت ولدهم الكبير هي بعد رااحت دااخل تركض .تدروون ليش؟؟لان ابوهارجال كبير وحداني تقدم لخطبة اختي مطلقه وعقيم في نفس الوقتوبعد مااستشرنا واستخرنا وافقت وتزوجت ولها سنه ونص الحين ومبسوطه مع الشايب :27:.عااد مستكثرين عليها ذا الشليبلا وبعد عاايش في مدينه وزوجته وعياله في مدينه ثانيه ولايجوونه ولايزورونه ولاحتى يصرف عليهم رياالوااحد لان عياله رجال والزمهم بمصرووف الام .عااد مالكم بالطويله الممممهههممم,مادريت الا بذا الحرمه داخله علينا :mad:والله مدري من فين طلعت سبحاان الله ما امداني ارفع عيني الاوهي متعديتني ونطت عند حريم اخوااننيي تسلم عليهم والله ماتحرك فيني سااكن الحمدلله نزل علي ذا الموقف بردا وسلاما ,المساكين حريم اخواني ترااجفوا وتصببوا عرق وانحرجواالما نصتهم وسلمت عليهم .وياليتها ماطلعت اصلا وياليتها قعدت جوا وش طلعها ؟وعاادي وجهها مغسوول بمرق سلمت من هينا ودخلت يعني تبي توريني كيدها .والله انه مابيني وبينها شي ولوسلمت ماضرها السلام لله وخلت اللي بالقلب بالقلب والله يسامحها لان الموقف ذا صاار بيوم عرفة ايام فضيله كسبت حسناتها .والاجرمضااعف في ايام العشر.
وسبحانك اللهم وبحمدك اشهد ان لااله الا انت استغفرك واتوب اليك