كانت الساعه تقريبا وحدة بالليل ... جالسه على النت .. البيت هدوء
الكل نايم .. <<<<< عيشوا الجو عشان تنفجعون مثلي
المهم جالسه اتصفح بعالمي الوردي ،،
و كنت دوبني منزله موضوع ،،
شوي الا تجيني رساله على الخاص من احدى المشرفات :
( السلام عليكم شكرا على موضوعك ،، بس حبيت اعرف انت فلانه اللي كنت ساكنه ....وعندك ...... .....ووووو )
:32: يالله يابنات ايوه انا كل شي قالته عني ؟؟
الصدق انفجعت وخفت خوف ؟؟
والله اني تذكرت اليوم اللي تهكر فيه جهازي ..
وصار يرسلي رسايل يقول انا وش اسوي خخخخخ
بصراحه فجعتني فجعه ماانساها ...:hahaha:
اطالع معقول هذي المشرفه تعرفني ؟؟
معقول اللي اشوفه ؟؟
طبعا ارسلت لها ايوه انا فلانه ،، بس ابي اعرف انت مين ؟؟
تكفين قولي والا تركت معرفي ؟؟ ولا عاد اكتب فيه ؟؟
ههههههه وش يعني اذا تركت معرفي ؟؟؟
طبعا لعبت بأعصابي خخخخخ وبالاخير ارسلت
( انا اسمي يبدأ بحرف ...... وزوجك صديق زوجي )
طبعا حريم الزملاء كثير .. ؟؟ ياربي كيف بعرفها ؟؟
ومن كثر ماكنت متلخبطه ارسلت لها انت فلانه ....؟؟
ومن هبالتي الاسم مايبدأ بنفس الحرف اللي قالته ... :icon32:
هههههه والله موقف ماراح انساه ..
عاد بالاخير عرفتها ربي يسعدها .......
طبعا هي عرفتني من موقف ذكرته بموضوعي اللي كنت دوبني منزلته،،
بس انا اصلا ناسيه ان الموقف هذا قلته لأحد ..
الزبده من الموضوع ...
بفضل من الله طلعت هذي اللي تعرفني من اعز صديقاتي ..
اخلاق وذوق واحترام ... والله مااقوله مجامله .. ربي يسعدها ..
ولو انها تحب التجسس وغيره ،، كان سكتت وصارت تتابعني بصمت عشان آخذ راحتي ..
والحمد الله ماني حاسه تقييد لحريتي ،، بالعكس فرحت فيها ...
عاد جلست افكر بهذا الموقف ،،، ولو ان هذي الانسانه اللي عرفتني تكرهني او ......او....
وتخيلت لو اني اكتب براحتي على اساس معرفي ماحد يعرفه ؛؛
تخيلت لو اني كاتبه عن بعض اموري الخاصه ومشاكلي وغيرها ؛؛
تخيلوا لو كنت مستلمه زوجي حش وسب ،،
اكيد بعيش حالة رعب اخاف زوجها يعرف ويعلم زوجي ؟؟
تخيلت لو اني تكلمت فيها وجلست اسب او ذكرت اي شي عنها ؟؟
تخيلت لو هذي اللي عرفتني طلعت
اخت زوجي :eek: ،،، والا احدى قريباته :ohmy: ،،، والا سلفتي :icon32:
وانا كنت مآخذه راحتي على الآخر ؟؟
و اللي بيني انا و زوجي وبعض المواقف والامور الخاصه الكل
يقرآه على صفحات المنتدى !!
بالله وش بيكون حالي ؟؟؟
لو كنت مستلمه ام زوجي وباقي اهله حش وسخريه ؟؟
اكيد بعد ماتعرفني بعيش حاله نفسيه سيئه ،،
وبكون خايفه بأي لحظه تفضحني ،،
بعيش بقلق وبخوف وذل .. واكيد بكره النت ،،
وبصير بحالة ضعف يرثى لها ..
هذا غير المشاكل اللي بتجي من ورى كتاباتي ..
بنات انتبهوا الله يخليكم لاي شي تكتبونه ؟؟
واتوقعي انك يوم أحد بيعرفك ؟؟
اصلا المفروض نراقب مواضيعنا وردودنا خوفا من الله ..
بغض النظر ممكن انعرف والا لا ..
بس في حالة اني ماخفت من الله ،،
اقل شي اخاف احد يعرفني ..
والله المنتديات والمشاركات هذي ضيعت ناس كثير
وسببت لهم مشاكل هم في غنى عنها ..
ابدا لا تكتبين براحتك وتقولين مستحيل احد يعرفني ؟؟
ممكن يصير لك نفس موقفي ؟؟
او ممكن احد يدخل جهازك ويعرف اسمك ؟؟
ياليت ياخواتي نكون حذرات جدا ... بردودنا ومواضيعنا ..
انا جلست اضحك على نفسي كل الرعب والخوف اللي صارلي
وانا بفضل من الله متأكده من ردودي ومواضيعي ..
بس كانت فجعه ماادري ليش ؟؟
الموقف هذا صار لي قبل شهر تقريبا ...
ومن بعده صرت اقلق من اي رساله .. خخخخ
و اول ماشوف رساله جديده يجيني نفس الشعور
اللي جاني قبل شهر ..؟؟
اصير :confused- :huh:
بعد ماكنت :icon28:
تمنيت اكتب موضوعي بقسم الاسريه ،،
لانهم هناك ماخذين راحتهم على الآخر ؟؟
وكنت اتمنى ينتبهون ويحذرون ،،
بس خفت ينقلب الموضوع حلبة مصارعه ..:angry2:
ويفهموني غلط ....
المشكله بعض المواضيع فيها تفاصيل دقيقه ..
وسب وامور ممكن لو تُكتشف يصير لا سمح الله
مشكله كبيره ،، ولا استبعد العصبي يطلق ؟؟
ومن فضفضه ممكن افرق بين عوايل ..
الله يهديهم يارب .
فرناز @frnaz
عضوة شرف في عالم حواء
يلزم عليك تسجيل الدخول أولًا لكتابة تعليق.
والله صادقه بس وربي اكره هالحركات وش يبون يتجسسون علينا ويتابعون ردودي يوم بيوم
اصلا الواحد يخاف من ربه قبل ما يكتب شـــي
ويتذكر قوله تعالـــى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
الله يعين بس
ومشكوره ياقلبي
لا اله الا الله
استغفر الله
اصلا الواحد يخاف من ربه قبل ما يكتب شـــي
ويتذكر قوله تعالـــى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
الله يعين بس
ومشكوره ياقلبي
لا اله الا الله
استغفر الله
ياشين الراعه بانصاص الليالي
انا مثلك وياربي لك الحمد ماعمري تكلمت في شي
خصوصي وعشان كذه متطمنه عالآخــــــر
فرنــــــاز شكلي بســـويها فيك بخليـــك
ليـــن ينتصف الليل عالساعه 4 كذا
وارسلك وأشوف وقتها كيف عويناتك
انا مثلك وياربي لك الحمد ماعمري تكلمت في شي
خصوصي وعشان كذه متطمنه عالآخــــــر
فرنــــــاز شكلي بســـويها فيك بخليـــك
ليـــن ينتصف الليل عالساعه 4 كذا
وارسلك وأشوف وقتها كيف عويناتك
الصفحة الأخيرة
بس تعالي لهون ^_^ هسة المشرفة الي بعثتلك الرسالة بتشوف الموضوع