والله ماشفت زوجي امس غير نص ساعه وقررت ءأدبه ووريه مقدار نفسه

السلام عليكم ورحمة الله وبركاته
اللهم يامقلب القلوب ثبت قلوبنا على دينك
استغفر الله العظيم واتوب اليه

وش احكي وش اشكي :44:
زوجي جاله مواليد جدد
باركوا له <<< يتربون في عزه
والهدايا عادي اقبل كل شيء على ذوقكم
طنشني يابنات ادق عليه على الجوال : الو بعدين بعدين انا مشغول الحين
واسمع صياح هالصغار عنده
خنقتني العبره
انا وين مكاني بحياتك جوك هالذولا الصغار ... لايكون حبهم اكثر مني ... تصدقون شكله استغنى عني
تهقون يابنات ماعاد يبيني ... اكيد شكلي صرت الحين صفر على الشمال
ماعاد يحبني خلاص بينشغل فيهم وتصير طلباتهم اوامر :44:
ويروح يدقها مشوار عشان يجيب لأمهم الأكل الصحي ... اكيد مو لازم يغذيها عشان تقدر تقوم بنفسها وبصغارها
آآآه آآآآه
وانا لاقلتله ياابو فلان ناقصني هالشيء ... قال ابشري بس خليها بكره انا اليوم مشغول مع الصغار :(
لو انتم مكاني وش سويتم
وش رايكم اضف عفشي واروح بيت اهلي بس مشوار
اهلي بالباحه وانا بتبوك ... مين بيوديني وزوجي مشغول ...!!!
وورانا مدارس وفوق هذا اعشق تبوك عشق فوق ماتصورون كيف بتحمل فرقاها

ولذالك قررت ماهو آتي
الى متى بقعد مسالمة .. وكل ماقال حبيبي شيء
قلت ابشر ولايصير خاطرك الا طيب
الى متى تظل شخصيتي مهزوزه عشانه الى متى اكابر :icon33:
الى متى اجلس اتبسم له واتغنج وادلع عشانه
قولوا لي تؤديدوني بها الخطوه اني اوريه قدر حبه عندي واشرشحه
جهزت العده وياقاتل يامقتول
بكيفه خلاص اجل اسمح لها تأخذ حبيبي مني وانا الأولى
فجر الخميس قمت وصحيت اولادي وصلينا وقرأنا الأذكار وشربنا كوب حليب بشوكولاته نسكويك امممممم
وقلت بستني زوجي ... هجيت اولادي على غرفتهم يناموا وانا بتميلح عند زوجي عشان امهد الطريق ابي نطلع نتمشى بالليل
الا وجواله ترن ترن ترن ترن ترن
الو ايه يالصادق وش فيه
اها طيب طيب شوي وانا عندك ... :42:
عسى ماشر ياابو فلان وش فيه قال الحبيبه تطلق من امس وجابت 3 توائم ... لازم مااوضح له غيرتي
قلت مبارك ماجاك قال الله يبارك في عمرك ويالله واحد هديه لك
قلت صدق بس ترى مالي شغل رضعي ولا اكلي هذه مو مسؤلياتي
قال يصير خير
ترن ترن ترن ترن
بغوا يحرقوا الجوال من كثر ماادقوا
ناس الله يهديهم خلو الرجال يتنفس شوي توماصحي ولاامداه يفطر حتى
ماامداه شرب الشاي الا وقال يالله بروح
قلت وين ... قال لازم اطمن عليها واشوف الصغار تصدقين حبيتهم باقي ماشفتهم ...<<ولك عين تقولها بوجهي !!
لبس وراح هالكلام الساعه 9 الصباح
قمت رتبت بيتي ومسحته وبخرته وصار يلق ماشاء الله لاقوة الا بالله
وغيرت ملابسي قلت لايجي الظهر الا وانا عرووس
انتظر وانتظر وانتظر
مااحد اعطاني وجه
تخيلوا يابنات دخلت انام بعد ماصليت العصر قلت خلاص مابيجي
الا وشوي بسم الله علي دايماً يسويه فيه هالحركه << اخاف يجلطني لاقدر الله يوماً ما
يوقف عند رجليني بدون احم ولا دستور ... نايمه ...<<< وش شايف يالله حسن الخاتمه ماعاد يشوف عجز هالرجال
قلت ايه حبيبي تأخرت علينا
قال زاد ولد ثنتين غيرها وبس جيت اطمن عليكم وبروح
انا عيوني تقولون فناجيل قهوه من الصدمه شوي وبتخرج من مكانها
توك جيت ماامداني اجلس معاك :44:
توصون شيء تبون شيء قلت لا ويعطيني 50 ريال قال هذي اطلبوا عشاء من المطعم ماراح اجي بالليل بتأخر << قال بيرضيني يعني
الحمدلله على كل حال وش بيدي اسوي .. سكت قلت الله يقويك يارب والله يوسع لك في رزقك ويبارك لك في غنمك

..
..
..
..
..
..



























































ايه قرأتوها صح غــــــــــنــــــــــمـــــــــــــــه


الاسبوع ذا كلها ولادات لااله الا الله متفقات هالعجايز
ودهنه يقهرني ... لالا ينسين ياأخذون حبيبي مني

لو عصبت عليه وخانقته بيقول فرصه المره زعلانه بجلس على راحتي بالأستراحه
لكن قلت لا بوقف معاه وكلها فتره وبتعدي ويرجع ابو عيالي لروتينا المعتاد

طبعاً امس نمت وهو باقي ماجاء
وقمت الفجر صحيت اولادي وصلينا وشربنا حليب واعطيت كل واحد ملابسه وبدور يتروشوا تعرفون اليوم جمعه
والأستحمام يوم الجمعه سنه عن الرسول صلى الله عليه وسلم
وخلصت منهم وارجع على بناتي واخلص منهن
واقوم انظف بيتي واضبط شعري واغير ملابسي
وابداء اجهز له ذاك الكف الي على كيف كيفكم
ايه كف معتبر <<< كف رومانسي