السلام عليكم ورحمة الله وبركاته
ياخواتي الغاليات انا كتبت موضوع عن حل مشكله تاخر الزواج وحسيت ان فيه بنات محبطات من موضوع الزواج
انا ماكنت احب اتكلم عن قصة اختي خوفا ان احد يعرفني بالمنتدى لكني كتبتها لوجهه الله واسال الله ان يجعلها في ميزان حسناتي ويجزاني فيها خيرا
اختي يالغاليات ملكه جمال احلى وحده فينا موظفة جامعية وكل شي فيها حلو حتى اخلاقها الا انها ماهي ملتزمة
خواتي الاصغر منها كل سنه تنخطب وحدة وتروح واختي مثل ماهي ماتزوجت كلنا مستغربين لكنا ماحبينا نفتح هالموضوع قدامها عشان مانحرجها وهي كانت تكابر وتحاول تبين لنا انها ماهي مهتمه بالموضوع تزوجنا وكان اخر من تزوج انا بعدها حست اختي انها صارت وحيدة وبدا تستغفر كنت كل مااشوفها القاها مغمضة عيونها تستغفر استغفر الله استغفر الله بصوت واطي وتشرب مويه زمزم كل يوم كاسين ثلاث واخيرا جانا العريس فرحنا فيه وافقنا ووافق وتم كل شي لكنه قال حاليا ماعندي قدرة اتزوج انتظروا علي ست شهور وانتظرنا واختي طول الفتره تستغفر ليل ونهار لين ربي كتب وتزوجت لما تزوجت بدت المشاكل شي ماتتوقعون كل يوم تبكي وتصيح ماابيه طلقوني منه انا بموت ومن هالكلام لدرجة جتني زعلانه بعد اسبوعين من زواجها طبعا بناء علي طلبها تم الطلاق بعد الطلاق جتها حاله ربي يعلمها صارت تبكي واعتزلت الناس خفنا عليها قلنا نوديها لطبيب نفسي هي رفضت وقالت جيبوا لي شيخ يقرا علي وجاء شيخ في بيت اهلي قرا عليها المره الاولى الثانيه والثالثه بدت تصيح تظهر اشياء علي اختي غير البكاء بصوت عالي ولما خبرنا الشيخ عن طلاقها قال يمكن عين قويه وبدا يقرا عليها وجتنا الصدمة اختي مسحورة مين سحرها ماندري وبدت رحلت العلاج ماتركنا شيخ كل شيخ يقرا وياكد موضوع السحر في رمضان الماضي جانا شيخ من الكويت وقرا عليها وتكلم خادم السحر وقال انا حنا اثنين مس عاشق وسحر انفجعنا معقوله شلون مس عاشق متى جاها تخيلوا جاها وعمرها 12 سنه وطول هالعمر ماحسينا باختي اي شي لين تزوجت وانها كانت تستغفر واستغفارها كان يمنع المس العاشق لين تزوجت بعد ماتزوجت تركت الاستغفار واهملت الصلاه وبدا يشتغلون عليها السحر والمس واهي كل مالها تنحف وتشين وحنا ماكنا دارين عنها بعد طول عناء وصلنا للطب النبوي وبدت اختي تتعالج فيه والحمد لله تحسنت 70 % تخيلوا الشي اللي ماتصدقونه واحد من المشايخ مع الشيخ اللي يقرا عليها خطبها وهي رفضت تقول ماابي اخرب بيت احد لانه متزوج والمفاجاة الثانيه اخو زوجي الكبير طلق زوجت وتقدم لاختي وهي للحين مترددة وتفكر والشي اللي ماتتوقعونه زوجها الاول رجع وقال انا مستعد لاي شروط تبونها رجعوها لي انا ابيها بعد ماتاكد ان اللي سحرت اختي اخته حسبي الله عليها الحين ماحنا متاكدين العاشق طلع والا لا لكن الاكيد السحر بدا يطلع وصارت تشوف شي يطلع منها الحين ابي دعوة منكم بظهر الغيب ان الله يشفي اختي ويشفي كل مريض ومريضه وحسبي الله ونعم الوكيل علي من يسوي السحر ويخرب بيوت المسلمين اللهم انصر اختي وانصر كل مسحورة ممن اذاها وضرها
دعواتكم لي يالغاليات ان ربي يهديني الصراط المستقيم ويثبتني علي القول الثابت في الحياة الدنيا والاخرة
يلزم عليك تسجيل الدخول أولًا لكتابة تعليق.
دوده33
•
الله يهديك على الصراط المستقيم ويثبتك بالقوم الثابت ويحسن ديناك واخرتك ويسعدكم ويرزقك واختك نحيث لاتحتسبون
الصفحة الأخيرة