عااادي جدا أنا طبخت بعد أسبوعين من بعد زواجي وزوجي من النوع الصامت جدا لكن والحمدلله قدرت أغيره كثير وأصبري. بأسلوبك تقدرين تغيرينه ياااما كنت أفكر أني أرجع بيت أهلي من كثر صمته لكن صبرت كان ما يحب الطلوع من البيت نهائيا حتى الصلاة في البيت ومع الوقت والكلمة الطيبة والصبر صار يطلع ونسافر ونتمشى والحمدلله طبعا مافي شي يكمل ومثل ماقالو الأخوات لاتقارنين بأحد وترى التغيير ياخذ يمكن سنين مو شهور أنا أخذ مني سنين الحمدلله الوحده ترضى بقسمتها ونصيبها إذا كانت بس هذي عيوبه إصبري وأحمدي الله وحطي في بالكأن بنات تتمنى ريحة رجال وبعضهم صابرة على الضيم وماشيه حياتها وبعدين ***** ربي يرزقكم عيال يتغير كل شي

اول سنة بعد الزواج هي اصعب سنة لان لك عاداتك وله عاداته اصبري وباذن الله راح تتأقلمي مع الوضع الجديد لا وراح تحبيه احسن من بيت اهلك يمكن زوجك بيتوتي! اهم شي اهم شي
لاااا تقاااارني راح تتعبي وانتبهي تبيني لزوجك هذه المقارنات راح يتحطم وبعدها يبحث عن وحدة ثانية تشوفه انه هو فارس احلامها!
وزوجك اذا ماعجبك راح يعجب غيرك فحاولي انك تكسبيه باحترامك
وتقديرك له وابحثي عن الايجابيات الموجودة فيه وامدحيه فيها وقولي له أحمد الله ان رزقني الله فلان (اسمه) خليه يتعلق فيك وشوفي ان شاء الله راح يتحسن الوضع

الله يسعدك ويحقق امنياتك

الله يعينك ويفرجلك والله ياحبيبتي اغلب السعوديين كذا مايعرفون يتكلمون
ولايتغزلون ولا شي انتي اصبري وشوفي بتتاقلمين عليه

حبيبتي انتي في بداية زواجك لا تحكمين عليها بالفشل انتي اساس البيت يعني بيدك تغيرينه مو بالمشاكل لا بالأسلوب الطيب حاولي مرة تجهزين فطور بسيط وقولي له يالله نطلع نفطر بالمنتزاهه ومرة ثانية قولي نطلع نفطر بالمطعم وبكذة تعودينه شوي شوي على تغييير الروتين حتى داخل البيت غيري الروتين يعني مرة قدمي الاكل على الارض ومره على طاولة الطعام ومرة بالمطبخ
خليه يعرف ان تغيير الروتين حلووو ......عزيزتي النت ماخلى حاجة ادخلي على مواضيع تخص كيفية المعاملة بين الزوجين سنه اولى زواج خذي فكرة وصدقيني بتستفدين ووووبنات حواء ماقصروووووو معك
الله يسخركم لبعض  

اغلب الحريم عايشاة هالعيشه