لاحول ولاقوة الا بالله أختي بقولك قصه حقيقيه صارت لبنت عم الوالد الله يرحمه هاذي بنت عمه خلفتها كلهم أولاد 5أولاد ماشاء الله وبنت وحده آخر العنقود ولمن جات صارت دلوعة العيله لأنها الوحيده وعارفه كيف لمن تكون بنت وحده بين 5أولاد وكبرت البنت وصارت عروس وتوجت قريبها وهي كانت صديقه مقربه لي , المهم من يوم تزوجت جابت بنت واستغربت مره قالت غريبه جبت بنت أول شي مع ان أمي جابتني آخر شي المهم بعد سنتين جابت ثاني بنت وبعد سنه جابت الثالثه وكانت مررررره متضايقه وكانوا الناس يزيدون همها وحزنها وأولهم أمها دايم تعايرها بالبنات وتقولها ليه مانتي مثلي شوفي خلفتي كنه بيدها استغفر الله , وبعدها بسنتين حملت تصدقين أمها اش قالت لها ؟؟؟ اذا جبتي بنت الحين لاعاد تجيني ينبع تراكي فشلتيني قدام الناس هنا كل ششوي أقلهم بنتي جابت بنت خلاص لاتوريني وجهك اذا جبتي البنت وعدت حملها وربي عالم بحالها وتكلمني كل يوم وهي تبكي وتدعي على نفسها وتتسخط على عطايا رب العالمين وجا وقت الولاده ويتصل علينا زوجها صوته مو واضح من كثر فرحته لأنها هالمره جابت ولد وصارت تقول الحين هالولد هو اللي بيبيض وجهي قدام الناس مو هالبنات اللي ماخلوني أقدر أروح مكان وقالت لزوجها لاتقول لأمي خليني أسافرلها بعد اسبوع نفاسي وأسوي لها مفاجئه لأنها فالت لاأشوف وجهك اذا جبتي بنت , جهزت أغراضها وساعدناها باللي نقدر عليه لأنها في النفاس وفجأه وبدون سابق انذار أغمي عليها قبل ساعتين من رحلتها وودينها الطوارئ للنكتشف الطامه انها متوفيه , نعم توفت فارقت الحياه والناس اللي فشلوها وبناتها اللي حبسوها بالبيت وأمها اللي قالتلها معاد توريني وجهك خلاص ماهي شايفه وجهها والولد اللي تسخطت على البنات بسببه صار طفل يتيم بدون أم وكانت صدمه كبيره لأمها لمن جاها الخبر وصارت كل ماتشوف الولد تقول ياريتك بنت وأمك جلست والكل يبكي من كلامها والحمدلله على كل حال ,شفتي يا أختي لاتعترضين وربنا دايم أحن علينا من أمهاتنا وربي يرزقك ويصلح حالك ,,عفوا على الإطاله

...يااختي.......لايضيق صدرك.....وعسي ان تكرهي شيئا وهو خير لك......والله يبارك في بناتك...وتولدين بالسلامه...

والله ياحبيبتي استغربت من موضوعك..لانه شفت جميع مواضيعك ماشاء الله ..من خلالها استبعدت مثل هالافكار تدور ببالك..وحتى كلمة الناس تكون لها عندك اهمية..الله يبارك ليكي فالاولى ويتتم فالثانية..انا عندي بنتين زي القمر ..كل اللي شافهم يقول ماشاء الله..اقتنعت بما اعطاني ربي..لمدة تسع سنوات وحملت مرة اخرى وجبت ولد..اهو الحين فالصف الرابع..
لاللهم لااعتراض..وحدة صحبة العيلة زوجن ابنها باحسن بنات المنطقة خلق وجمال..ولدت ثلاث بنات..اقسمت ام زوجها ماتخليها معاهم ولو ليلة وحدة..سلبت المسكينة الثلاث بنات..وراحت بيتهم..اول طارق بيتهم اتزوجها..اول خلفة كان ولد ذكر..وعاشت فبيتها زي الاميرة..واتبعته بولد..
المرا الجاهلة زوجت ابنها مرة ثانية عشان تخلف لهم ذكور..خلفت لهم ثلاث بنات اخر..البنات الاولين يروحون لامهم ..ويدورون حواليها..
الحمد لله..البنات ماقصروا ..وربنا راضي عليكي كثير كثير..عشان كده اعطاكي بنت ثانية ..يحومو حواليكي وتشكي ليهم همك..ويشاركوكي افراحك واحزانك الله لايجب حزن ولا هم..الولد يجيبو ربنا اللي جاب غيره..

احمد ربك علي صحت الجنين وبعدين البنات حلوين ياريت الله يرزقني 4 بنات