والله محتاااااره...

اهلين خواتي..

انا من قبل كاتبه لكم عن زوجات اخواني الثنتين..وقايله لكم ان زوجة اخوي الصغير تغاااار بشكل فضيع من زوجة اخوي الكبير والمشكله ليت غيرتها في محلها وللأسف اكتشفنا بعدين وان هذي ماتسمى غيره تسمى انانيه وحب تملك وذكرت لكم انهم صاروا مايكلمون بعض لأن مرت الصغير هزأت مرت الكبير وغلطت عليها وشرشحتها وخلتها ماتسوى وطبعا مرت الكبير ماتنلام اذا ماكلمت مرت الصغير اهم شي مرت شهور على السالفه لكن زوجة اخوي الكبير ماهان عليها انها تجلس ماتكلمها فخلت الموضوع عاااادي وتكلمها علشان مايحسون الناس ان بينهم شي هذا والله من طيبتها..

المهم يوم جات العطله قال اخوي الصغير انا بسافر تركيا وراح حجز وخلص وبعد اسبوع اتصل اخوي الكبير علي من الخبر وقالي حنا بنسافر تركيا ونبيك تروحين معنا بما ان اهلي ماراح يسافرون وهذي هدية تخرجي لك من الثانويه وان مارحتي ترى مالك شي عندي قلت له خلاص بفكر..وبعدين اتصلت علي زوجته وقامت تقنعني اني اسافر معهم قلت لها بفكر واشوف مواعيد التسجيل وبرد لكم خبر ..وبعدين تقريبا اقتنعت اني اسافر معهم طبعا درى اخوي الصغير ان اخوي الكبير بيروح تركيا نفسهم فاتصل عليه وقال له متى موعد سفركم وعلمه وعموما اخواني ماتدخلوا في موضوع زوجاتهم الا ان اخوي الصغير اتصل على اخوي الكبير وزوجته وتأسف منهم وقال لهم انه ماله دخل في السالفه المهم ان اخوي الصغير والكبير قالوا فرصه مادام اثنينا بنروح تركيا خلونا نروح مع بعض وقالوا ماعليه وتوحد حجزهم مع بعض طبعا انا اخوي الصغير ماقالي اسافر معهم لأنه عارف زوجته ماتبي احد معهم يوم عرف ان اخوي الكبير يبيبني اسافر معهم قام يقنعني اني اسافر مع اخوي الكبير ويقولي انتي توك مخلصه من ثانويه عامه وتحتاجين انك توسعين صدرك فسافري معهم انتي عارفه مرت اخوي الكبير طيبه وتحبك وانتي راح تسكنين معهم ماراح تسكنين معنا وطبعا هالكلام كان قدام زوجته وهي مانطقت ولا كلمه خايفه اني اروح واجلس معهم او يقولي اخوي تعالي طلعي معنا..

المشكله الحين زوجة اخوي الكبير خايفه تقول شلون اتعامل معها في السفر اخاف اتجاهلها وتقول لزوجها كلام عني موزين لأنها من النوع اللي تعكس الكلام وبصراحه انا خفت بعد اسافر معهم لأني بطيح بين ناااارين ارجوكم ساااااااعدونا شنسوي معها...