السلام عليكم ورحمة الله وبركاته
لي 8 سنوات من تزوجت وعندي ولدين وبنت الله يخليهم ويهديهم ويرزقني برهم في حياتي ودعائهم بعد مماتي اللهم آمين والجميع ان شاءالله
بكلمكم عن زوجي شوي عشان تعرفونه ... من خذته وكان راتب 4000 ريال مدرس وصبرت عليه وكان يعطي عمه 2500ريال عشان الدين اللي عليه (متسلف منه) ويآخذ الف ريال للأجارللشقة ويبقى 500 ريال للأكل فقط تخيلوا..
طبعا انا ماسافرت شهرالعسل ولاسويت زواج كبير سووه لي خواتي وامي الله يرحمها ويغفرلها يارب في استراحة صغيرة شوي قلت اوكي علشانه بصبرامه توها متوفية بصبر والله ييسر أموري ان شاء الله
بعد رحنا البحرين (رحنا مطعم وسينما ونوم في الفندق هذا يومنا وبس تقريبا يومين واخوي عطاه 500 عشان ننام يوم ثالث) ورحنا الدمام يومين وبس ) ورجعنا الأحساء اللي ساكنه فيها وبعد مارجعنا قلت له ابي اسحب من الصراف طبعا مارضى انزل للصراف وقالي بسحب لك انا عطيته البطاقة وشاف اللي عندي تقريبا 16ألف وبعدها انقلب 180 درجة
ليه عندك وماتعطيني عشان نطول في البحرين ووووو هذا اخواني بطاقة زوجاتهم عندهم وووزمن هالموال قلت له سم هذا البطاقة وجلس كله يسحب وانا أسجل عليه ..
ومرت السنين لين فضت البطاقة ورجعلي البطاقة وانا عارفة انها فاضية وجبت ولدي وبعدها بسنة وشهرين حملت ببنتي وزادت المصاريف وقام يطلب مني وقلت له ترى سلف وقالي اوكي وعطيته جنيهاتي عددهم 19 جنيه فترات متقطعة
وانا اسجل بكم بعتهم واضيفهم على اللي قبل ..وبعد اربع سنوات عطيته ورقة بالمبلغ اللي خذه مني ووصل خمسين ألف ريال والحمدلله ماقال شئ وكتب ورقة على نفسه بخط يده انه عنده لي هالمبلغ واتسديد لي سواء في حياته او مماته ..هذا الحسنة الوحيدة اللي عنده وعيالي وبس.
ايه صح ماقلت لكم عن أخلاقه شكاك بطريقة عجيبة مايخليني البس بنطلون وعباتي والشيلة هو اللي يختارها عشان تكون سوداء كاملة والجوال يشيك عليه يوميا ويقرأ الرسايل والمكالمات كاملة ووقتها وتاريخها ويشوف الأسماء ومن هي هذي وهذي اول مرة اشوف اسمها ومن هالكلام .. ولا يخليني اطلع السوق مع اختي او اي أحد لازم معاه وعيونه صغار وتصير في السوق كبر الفنجال:09:..سبحان الله ويسب ويضرب ومايعجبه رأي وفيه وسواس ومعاه نفسية من الأمراض ومن كل شئ لو مانام ليلة يوم ثاني محزن ويصيح وانا ليه ماأنام وانا شفيني ووو .. الحمدلله ع كل حال
وكان الرسيفر عندنا في الأوربي وانا ماأعرف شئ عنه لأن في بيت أهلي ماعندنا رسيفر وطبعا قبل مايجيني من بداية زواجنا يشوف محطات ... وبعدين يجيني .. وكله ادعي له بالهداية والتغيير
الحمدلله تغيروشال الأوربي وقالي مسحي كل محطات الأغاني وكله يقول انتي اللي غيرتيني ويشكرني على هالشئ
ويقول لأهلي عن كذا.. وكل هذا مسويته وتحملته لوجه الله سبحانه وماابي غير الأجر والثواب ..
الحين ولدي الصغير عمره سنتين واربع شهور الله يهديه ويرضى عليه يارب
صار لي موقف أمس الصباح ومن بعدها انا بيت اهلي طالع بدري من المدرسة وقالي بمر عليك نشتري شوية أغراض ونرجع البيت وحاول فيني لين وافقت
طلعنا والأتدق وحدة عليه وأنا في السيارة وصوتها موطبيعي يذبح :icon33:وقالت له انت فلان قال ايه وبعدين ماادري شقالت له وانا بنفجر واسمع يقول يعطيك العافية وماقصرتي ..لا ..ايه هذا رده لها .. سكر السماعة وهو يضحك
انا ارتفع ضغطي وقلتله من هي ويقولي هذي من الجريدة تقول تبي تجدد الأشتراك والأ؟
قلت له الحين لو يدق علي واحد بعطيك السماعة عشان ماترضى اكلم رجال صح؟ قال ايه وقلت له وانت كذلك اذا صار وحدة تكلمك قال ايه صح
قلت له ليه ماعطيتني السماعة سكت وضحك قلت له يمكن عجبك الصوت وسهيت فيه ..سكت وضحك
وقلت له رجعني الشقة ورجعني دخلت توضيت وصليت كم ركعة وبعدها شرى الأغراض ورجع الشقة ودق علي باب الغرفة وقالي فتحي وبعدها صارنقاش طويل وهو يقول هذي الجريدة وانا أقول ليه ماعطيتني السماعة ووو
وقلت له لو رجال مكلمني تبع اشتراك مجلة او شئ وكلمته وماعطيتك السماعة شلون بتكون ردت فعلك ؟؟
قالي ع طول بيت اهلك ..و اطلقك
قلتله شمعنى انت حلال عليك وانا حرام علي اتضايق وازعل واجلس يسب ويلعن امي الله يرحمها وابوي الله يطول في عمره ويحسن خاتمته يارب
ويجلس يسب ويضرب وماخل شئ ماقاله .. وقلت له بروح بيت أهلي قالي روحي انا أصلنا ماأبيك من زمان ..
وجلست اذكره باللي سواه وصبري عليه .. وماعطاني وجه ومسك العقال وقالي اذا ماسكتي بذبحك فيه
تركته وجهزت لي ثيابي واغراضي وكلمة اختي مرت علي مع السواق ورحت بيت أهلي
بس المشكلة الحين عيالي وولدي الكبير في أولى وبنتي في الروضة والصغير متعلق فيني وابوهم حتى كلمت بسم الله مايقوله لهم ولا يعرف عنهم شئ لا اكلهم ولا لبسهم ولا مذاكرتهم ولاشئ ..
يعني محتاجيني واكلمهم في التليفون ويقولون لي نبيك ياأمي نبي نجي معاك بيت جدي مانبي نجلس هنا ..:44:
طيب قولوا اطلب الطلاق ( يقول اخوي هذا آخر حل لاتفكرين فيه الحين)
والأ اصبر عليه واتحمل كل عيوبه ووسواسه وشكه فيني اللي ماله داعي عشان عيالي .. بس نفسيتي تعبانه كثير مااقدر اتحمل أكثر
وعيالي مشتاقة لهم كثير خاصة الصغير كله يصيح ..
ادعوا لي يابنات ..ليت أمي موجودة تدعي لي محتاجة لها ولدعواتها..
جالسة ادعي واصلي ان الله يثيتني ويحفظني انا وعيالي ..
ربي اني مسني الضر وانت أرحم الراحمين..
لاإله انت سبحانك اني كنت من الظالمين ..
دعواتكم لي ولجميع المسلمين
يلزم عليك تسجيل الدخول أولًا لكتابة تعليق.
لاحد يقولي عادي يكلم.. مكالمة عادية مثل مايغير علي انا اغير عليه وكلمت ع الرقم نفسه وردت علي بعدين سكرت في وجهي بعد ماقلت لها انتي من مكتب الجريدة قالت لي لا فهمتونني .. شكيت في الموضوع بصراحةلاحد يقولي عادي يكلم.. مكالمة عادية مثل مايغير علي انا اغير عليه وكلمت ع الرقم نفسه وردت علي...
ادعي ادعي والله ان الحال يتغير بلحظه ادعي قوالي اللهم النه لي كما النت الحديد للداود وسخره لي كما سخرت البحر للموسى وسخره لي كما سخرت الرياح للسليمان اللهم اجعله حليما كريما لينا معي لاتفكري بالطلاق ابد:26:
غروب
•
يااختي مثل ماقالك اخوك خلي حل الطلاق اخر شي ترا بتندمين
فكري بعيالك بعدين بيتشتتون
وخلي اخوك يكلمه يشووف وش عنده
الله يوفقك
فكري بعيالك بعدين بيتشتتون
وخلي اخوك يكلمه يشووف وش عنده
الله يوفقك
والله يااختي احسك كبرتي الموضوع الله يهديك
مافيها شي لو كلمته وحده من الجريده وسئلته تبي تجدد الاشتراك او لا مافيها شي ولا هو لازم يعطيك انتي تكلمينها حتى لو كنتي انتي ماتكلمي رجال هو رجال ودام الكلام في حدود الشغله مااشوف انه غلط
وبنسبه لانه شكاك ها شي مو جديد
صحيح هو غلط انه سبه وضربك بس ممكن لانك استفزيتيه
عمومآ حاولي ترجعي لبيتك واولادك افضل من تكبير المشاكل
والله يهديك ويسخر زوجك لك ...
مافيها شي لو كلمته وحده من الجريده وسئلته تبي تجدد الاشتراك او لا مافيها شي ولا هو لازم يعطيك انتي تكلمينها حتى لو كنتي انتي ماتكلمي رجال هو رجال ودام الكلام في حدود الشغله مااشوف انه غلط
وبنسبه لانه شكاك ها شي مو جديد
صحيح هو غلط انه سبه وضربك بس ممكن لانك استفزيتيه
عمومآ حاولي ترجعي لبيتك واولادك افضل من تكبير المشاكل
والله يهديك ويسخر زوجك لك ...
سبحانك لا اله الاانت اني كنت من الظالمين
الله ييسرلك امرك ويفرج همك ويربط على قلبك ويكتب لك اللي فيه الخير يارب
الله ييسرلك امرك ويفرج همك ويربط على قلبك ويكتب لك اللي فيه الخير يارب
الصفحة الأخيرة
وكلمت ع الرقم نفسه وردت علي بعدين سكرت في وجهي بعد ماقلت لها انتي من مكتب الجريدة قالت لي لا
فهمتونني .. شكيت في الموضوع بصراحة