والله محتارة ماعرف ايهما افضل في التوليد مستشفى سليمان فقيه او مستشفى غسان نجيب فرعون

الله يسهل عليك الولاده إن شاء الله.....
ماقدر افيدك ..ولكن أحب أقول لك إن أخواتي دائما يجيبون عيالهم في فقيه ....ويمدحونه بالمره...
في دكتوره الظاهر إسمها هدى أو إيمان مرررررره ممتازه وبنت حلال..............
أما المستشفى الثاني ماعرف عنه شيء..................

تبي الزين
دكتوره نوال السناني في بخش
سعوديه استشاريه
والاهم دينه وخلوقه وتشرح الصدر روحي عندها
وما حتندمي ان شاء الله:24:

عزيزتي....بالنسبه لفقيه فهي مستشفى تجاري وسار يفقع القلب..ولادتي الاولى قبل اربع سنوات تقريبا وكان عمري 19سنه حسبي الله ونعم الوكيل خذوا عقلي في الولاده ,اسلوبهم مخيف ما يقدرون المريضه..كان طفلي وزنه ما شاء الله 4كيلو وشوي وفي نهاية حملي عرفت الدكتوره انه كبيروكان المر طبيعي عندها ولا قدرت انها اول ولاده لي وحجم الطفل كبيروولدتني طبيعي لكن بالشفط لانه طفلي موراضي يطلع عشانه كبيرولما شافت انه الولاده مستعصيه نادت معاها دكتورين يساعدوها ,وانا كنت باموت والتنفس عندي سار صعب ودقات قلبي................خليها على الله الحمد لله على سلامتي وطفلي..وهذا غير انهم ما ينتبهون للغرز والخياطه عادي عندهم من اي مكان يشقون الوحده..وغير الرعب في قسم الولاده وغرفة الولاده
لكن احلى شي عندهم الحضانه والاجنحه فقط...


انا ليا 16يوم من ولادتي الثانيه في مستشفى الاطباء المتحدون ..ماشاء الله روعه وغرفة الولاده تاخذالعقل والله اني جيتهم وانا خايفه وبس دخلت غرفة الولاده واحس بالامان على طووووول..من جد ما كانها غرفة ولاده.....والخدمه عندهم جدا راااااائعه بس العيب الوحيدالحضانه...لا تخافين مافيها شي بس ما يعرفون يلفون البيبي مظبوط..لكنهم يجيبوه لك متى ما تبغي........................والاحلى من هذا كله انه اللي ولدتني د.وفاء فقيه الرااااااائعه الله يسعدها..ووللمعلوميه جاتني بنت وسميتها ((ضي))

ودمتي.

يا بنات اسفه اني تاخرت في الرد عليكم لكن الله يعلم اني مشغوله مع الوالدة في تجهيزات البيبي وانا في الثامن تعبانه بموت من ثقل الحمل ادعولي من قلبكم انتم بنات حلال الله يستر عليكم ارجوا انكم تقبلوا اعتنذاري :( :29:

اختي هاله يعني الولادة في فقيه احسن بس الاخت نجلاء خوفتني لانه هاذي اول ولادة لي
واهم شئ عندي الخياطه يعني ياريت تسالي اخواتك الله يعافيكي ترىانا لمن الحين ما قررت
وخايف اني اضيع الوقت

واختي نجلاء الدكتورة الي ولدتك ايش اسمها وانا اشكرك على الامانه في كلامك ونقلك للموضوع بدقه بس من هي الدكتورة وانا قالولي انه الطفل وزنه كيلو و 900 غرام تقريبا وانا الحين في بدايه الثامن وقالت الدكتور انه يزيد 200 غرام كل اسبوع يعني كم الطفل تتوقعي يكون وزنه في التاسع ممكن يكون 3 كيلو و800 غرام او 4 كيلو ولا 3 كيلو بس والله اني خفت حقيقه من مستشفى فقيه لكن سامعه انه كثير بيولدو عندهم وانها قديمه في التوليد وابغ اسالكي الاطباء المتحدون هل هي خاصه يعني بفلوس ولا حكومي انا عارفه طولت عليكي اختي نجلاء بس انا اتفال فيكي خير
وان شاء الله تساعدوني في اختيار المستشفى

واختي كرميلا كرز جزاك الله خير وانا ان شاء الله بسال عن المستشفى

والله اني ما ادري من غير بنات حواء ماادري شو كنت بسوي من دونكم والله انكم بنات نشميات والله يعافيكم

طولت عليكم وارجو منكم قبول اعتذاري مجددا
وردة البنفسج

الله يقومك بالسلامه.................
أنا حاليا ماقدر أكلم أختي لاإن تليفونها عطلان وماعندها جوال....
بس أعتقد إنها تمدح في الخياطه عادي ....ومستشفى فقيه مشهور مايحتاج.....
بس راح أحاول أكلم على جوال زوجها إذا رجع لهم لاإنه مسافر ....
وأما مستشفى الأطباء المتحدون الكثير يمدحونه ...وطبعا بفلوس.....

ياشيخه إتوكلي على الله إهم شيء ....لاتعتمدين على الدكتوره أبدا ...خلي أملك في الله ....
والله هو المسهل والميسر لكل معسر....
لاتنسين تدعين لي بالذريه الصالحه وقت الولاده؟؟؟؟ (( عارفه إنك راح تكوني في عالم ثاني وتنسيني وتنسي كل شيء)) الله يفرج همك.....................