والله مدري اصدق المراخة ولا الدكتور

حبيباتي أولا الله يرزقنا الذرية الصالحة جميعا ......
ثانيا بقولكم قصتي بإختصار : انا متزوجة من 6 سنوات بدون أطفال والسبب من زوجي الله يشفيه ويهديه
وطبعا انا خلال هذه السنوات وبسبب النفسية صار عندي خمول في الغدة الدرقية وارتفاع بهرمون الحليب وتعالجت ولله الحمد ............ ولكن زوجي الله يهديه عنيد في مسألة العلاج وترك التدخين .

ادري طولت عليكم بهالمقدمة بس حبيت تعرفوا حالتي اولا واحنا يالحريم نحب نسولف كثير .
المهم من شهرين كنت احس الم اسفل البطن من جهة المبيض الأيمن وكمان الم في الرجل اليمنى ويزداد علي فترة الدورة والتبويض وعلى بالي من قوة التبويض ........الين من اسبوعين وفي فترة التبويض رحت للدكتور وكشف علي عشان يشوف التبويض عندي قال تمام في بويضة واحدة قلت انا اكيد يادكتور من جهة المبيض الأيمن قالي لا المبيض الأيسر قلت بس انا دائما احس بألم في الأيمن كشف علي وقال ما في شي وكل شي تمام بصراحة انا استغربت ...
وبعدها جاتني الدورة في موعدها زي كل شهر والله و يجيني الألم في نفس المكان ورجلي وتعبت وقلت ياحرمة خلاص ابجيبلي حرمة تمرخني وشجعتني اختي الكبيرة لأنها مرختها قبل كذا وحملت وجبتها تدرون ايش طلع .............................. الرحم مايل جهة اليمين وهو سبب الألم وكمان قالتلي انتي تأخذين هرمونات وسببتلك تجمع للدم في الرجول من الخلف قلتلها انا ما اخذت هرمونات تدرون طلع من ايش ..... من حبوب هرمون الحليب طبعا انا حسيت بألم شديد وقت التمريخ وخاصة الجهة اليمنى ومرختني 3 ايام شفت فيها الويل :06: الحمدلله على كل حال وكمان نصحتني اني اربط اسفل بطني بشماغ وقت ما اشتغل في البيت وارفع رجولي على الجدر من فترة لفترة وووووووووو وعدم الجماع بطريقة (ان المرأة تعتلي الرجل ) اتمنى ان الفكرة وصلت لأن هذا سبب رئيسي في خراب الأرحام على قولها وعدم رفع الأشياء الثقيلة والجري على الدرج
وفي الختام اتمنى اني ما طولت عليكم ومللتكم بكلامي ............