فعلا تجيب الكابه مافيها مضمون ولا هدف
وكل جلسات الحريم شفتي ها المسلسل وتابعتي ذاك المسلسل
والمشكله في بناتنا لما يتاعون الله يستر عليهم

المعادلة الي عند منتجي المسلسلات :

عنف + إنحلال اخلاقي = شهرة وفلوس

إيش الهدف من إظهار حسنات المجتمع في مسلسل درامي هل الحسنات محتاجه لمعالجة أو تسليط الضوء عليها كفاية الغرور اللي فينا إحنا مافي مننا نصلي ونصوم ونتصدق ونلبس الحايب وشفنا نفسنا مافي مننا إحنا بس مو حاسين بغيرنا وفعلا لما يقولك اللي يده في المويا مو زي اللي يده في النار في حريم تنجلد من أزواجها وفي بنات ينكرفوا ويتمنعوا من التعليم ونشوف في الواقع حالات كتيره في المدمنين والمحششين والمغتصبين كللللللللللل شي موجود قد يكون في مبالغه لكن يضل أحسن من تهميش الموضوع والكذب على الذات إنه المجتمعات العربيه مثاليه حتى وإن كان المسلسل مايوجد حلول المهم إنه يسلط عليها الضوء لأنه في بعض المشاكل ماتحتاج فلان من الناس يحلها قد ماتحتاج تكاتف كل فرد في المجتمع عشان نقضي على أي ظاهرة متفشيه عندك مثلا الشذوذ كل ماله بيزيد يوم عن التاني هل الحل بيد الكاتبه هيا فقط تبينلك ولغيرك إنه الأسرة هيا اللبنه الأولى وعلى الأم الفاهمة تشوف شغلها إيش الفايده من تزييف الواقع وإظهاره بصورة منمقه بل بالعكس يمكن يكو أشد مراره قبل كم يوم داده عندنا في الكليه حرمه كبيرة في الخمسين تخيلي إنه كانت حتنخطف من واحد دنيء وتروح فيها هل دي الحادثه نادر وجودها كل يوم بنسمع عن قصص مماثلة

وبرضو في النهاية أرجع وأقولك أنا مو مع كم النكد اللي ينقلوه لكن ممكن تكون موازنه بين الإيجابيات والسلبيات حتى حيتحفز المجتمع على التغيير

فعلا ماشفنا من وراها الاقله الادب والعنف زاد بشكل كبير وكله من المسلسلاتى والحمدلله ربي عافاني منها ولا اتفرج

المشكلة يالغالية موفي منتجي تلك المسلسلات ولا الممثلين , المشكلة في الاتي يشاهدون ذلك القرف والسموحة منك , يا أختي لو كلنا قاطعناها راح تبووور تجارتهم بس إحنا الي مخلينهم اشتهروا وصاروا نجووووووووم العفن الفني قصدي العمل الفني .