نظــرة حزن @nthr_hzn_1

عضوة جديدة

والله مفتشلة منكم بس مالي غيركم..طلبتكم الي يعرف مشاغل فيه هنديات يخيطون بالرياض تدخل

السـلام عليــكم ورحمه الله

شخباركم بنات وشعلومكم..

وشخبار غثا المدارس:09:

امممم..والله اني مستحية منكم
يعني هذا أول موضوع لي .. وقاعده اطلب خخ

طبعا انا لي سنين وانا اتابعكم أول بأول
بس ماكنت اشارك:(
والله استفدت منكم بشكل ماتتصورونه

من ناحية المكياج وخلطات للشعر والبشرة
يعني جد استفدت..

المهم..
انا سلمكم الله تورطت بقماش ساري
يعني نفسي من زمان البس ساري عاجبني :42:

الا الا بشتري ساري وحست على جاهز ولالقيت الي ابيه..
قلت مالي غير القماش وشريت:)

انا ابيه للعيد
بس الورطة اني مدري من الي بيخيطه لي

يعني فلبينيات نو وي استحالة يعرفون:09:

يعني رحت لاكثر من مشغل مايعرفون يبوني انا اشرح لهم
والمشكلة اني اعرف بشكل عام بس هو تفاصيله واجدة
فيه خرابيط يعني مابيفهمها الا الهنود

وابي هندية تخيط وعجزت مالقيت:(

بغيت اوديه لهندي يخيطه بس امي عيّت :30:
قالت خير ان شاء الله ام سبع سنين انتي تودينه لرجال:22:
لان المقاسات بتورط فيها

والحيـــــــن
طلبتكم .. تكفون لاتردوني
الي تعرف مشغل بالرياض فيه هنديات يخيطون تقول لي
مكانه بالظبط والوصف >>طرارة واتشرط خخخخخ

او ع الاقل فلبينيه تعرف تخيط ساري وقد سوته
وربي يعافيها ويرزقها ويسعدها دنيا واخره الي بتقدر تساعدني..

480

يلزم عليك تسجيل الدخول أولًا لكتابة تعليق.

تسجيل دخول

SIMPLICITY • 18 سنة

ممكن تودينها للخياط وتخلينه يكتب لك المقاسات المطلوبه وبعدين تروحين لاي مشغل وهم ياخذون لك القياس..

نظــرة حزن • 18 سنة

SIMPLICITY
اممم والله مهيب شينة الفكرة
شكلي لين مالقيت هنديات بسويها مالي غيرها
تسلميييييييييييين حبيبتي على المرور والرد:)

الـــ عديل ـــــروح • 18 سنة

روحي لاي خياط رجال وعنده خدي المقاسات خلي حد من اهلك معاك وهو يقولك القياس ويكتبه

قوس فرح • 18 سنة

الـــ عديل ـــــروح :

روحي لاي خياط رجال وعنده خدي المقاسات خلي حد من اهلك معاك وهو يقولك القياس ويكتبه

روحي لاي خياط رجال وعنده خدي المقاسات خلي حد من اهلك معاك وهو يقولك القياس ويكتبه

خذي مقاساتك ووديها للخياط
:26:

وحدة فاضية • 18 سنة

هلا اختي..
أنا مب من الرياض..بس بجيكم قريب..
مرة وحدة من قرايبنا وحدت قماشين هندي لخياط هندي...وودت ثوب لها وقميص عشان ياخذ المقاس...
وعطيناه حرية اختار الموديلات...
فوالله سوالها تفاصيل جنان..لأنه يعرف كل قماش وش يصلحله...