والله مقهوررررررررره جعله ما يذوووق النوم مثل مانكد علي انا وامي واخواتي

تعديـــل اخيــر

السلام عليكم ورحمة الله وبركاته

اسال الله لكل من واستني بكلمه او دعوه او نبهتني على خطأي اسال الله لها الفردوس الاعلى من الجنه واساله ان يبلغها رمضان ويجعلها من عتقائه ويبشرها بما يسرها ويكشف عنها ما يضرها ويعطيها سألها ويجعلها ووالديها وكل من تحب في جنات النعيم

أمـــا ...الأخوات الي أساءوا الظن ...ووصفوني بما يليق ..
فوكلت امري للعزيز رب العزة والجبروت وابقولكم كلمه جعلكم ما تذوقون القهر والظلم


اضطريت احذف الموضووع لأن والله بعض الاخوات هداهم الله
جرحوا فيني ووصفوني بالحقوده والحسوده واني نشبه ومدري ايش

يشهد الله الذي شق سمعي وبصري وخلق لي انامل اكتب بها
اني ما اكره اخوووي واني احب له الخير مثل نفسي وان عمري ما بينت لأمي تقصيره
او قهره لنا يشهد الله علي ان عمري ما رفعت صوتي عليه او على زوجته وعمري كله ما جرحتهم بالعكس والله انها بمثابة اخت لي ويشهد ربي على كلامي ...
بحكم ان اخوي هو الوحيد فشايلينها على كفوف الراحه وما نطالبها باي شيء
كل شيء مستقل حتى والله طلعاتها ما نتحكم فيها ولا نقول شيء تروح وتجي متى ما بغت

بس الي انا قلته اني انقهرت هي مسمووووح واحنا لا ممنوووع
هي تجلس عند اهلها لحد الساعه2 او 3 واحنا يادووب نروح عقب صلاة العشاء ونرجع بدري
ياعمري امي بتطلع للأستراحه جاهزه مره بس تلبس عباتها قال لها مو موديكم وطلع وخلاها
ياعمري انكسر خاطرها

انا والله ما قلت شيء بس امي يا ناس يا عالم هاذي امي
اسألكم بالله الي تحكوا فيني وسؤال اشهد الله وخلقه عليه يوم القيامه

اذا وحده منكم امها نامت وهي مقهوره
اذا وحده منكم امها نامت وهي وجها اسوود من الهم
اذا وحده منكم شافت امها ضايق صدرها ومتكدر خاطرها

بالله عليكم بتكونون مثل الاحجار ما يهمكم ولا بتعصبووون وتنفعلوون وتغضبوون
ولا بتقولون صرمحه مثل قوولة وحده من الاخوات وكثر الله خيره انه وداكم

على فكره مو انا الي ابي اجلس امي هي الي طلبت انها تجلس وتشووف امها وخواتها لأنها ما تشوفهم الا يوم بالاسبووع

والله انكم ما راعيتوا مشاعري وما رعيتوا حق الاخوه في لله واذيتوني بكلامكم
ويعلم الله ان حتى النوم طار من عيوني افكر هل معقوله انا غلطت هل كلامكم صح وانا الي غلط
قمت من فراشي وفتحت اللاب وقريت ردودكم مره ثانيه

اعترف لكم اني غلطت بخصوص اني دعيت عليه والمفرووض اني ادعي له

انا وحده ابوي الله يحفظه ويطول عمره كبير يادوب يمشي 5 دقايق وعقبها يحس بتنميل برجله
مايقدر يمشي
انا وحده بالبيت جالسه لا طلعات ولا روحات الا لأهل امي وعمتي احيانا
هو اخوي الوحيد وش اسووي يعني اذا ابوي ربي يحفظه رافض مبدا السواق انا وش بيدي اسووي
اطير وش اسووي علموني يا الي قالوا وحكوا فيني



لكل من حكت فيني وما راعت مشاعري وما راعت حق الاخوه بالله
وكلت امري للعزيز لرب السموات والاراضين هو القاضي بيننا
واسال الله ان ما تعيشون الي عشته ولا تذووقوون الحسره ولا تذيقون القهر
لانه اشين شيء بالحياة القهر ومن الي قاهر اخوك يقهر امك

الله يرفع عنا الضرر ويهدي المضل لطريق المستقيم


اعتذر للجميـــع ....