والله مليييييييت ياناس !!حياتي بتنهار!!!

الله يعينج يا اختي
اختي يمكن زوجك مب متعود على الرومانسيه..........فاصبري عليه
وعن قلة اتصاله ....اتصلي انتي ......اي حاولي اتصرفين مثلها
وادعوا الله ان يفرج لج همج.............

ياقلبي عليك وربي انتي مثلي انا رومانسيه لابعد حد لكن عندي زوج
مايحس يعني انا مجنوووونه فيه وهو ولا معطيني بال مرات احس اني انهان بسبب
حبي الزايد مع انه مايستحق كل هالحب لاني ماهميته مره بس ان شاء الله باحاول اني
اطنشه ومااهتم عشان هويصير يهتم
بس حبيبتي حاولي تسوين مثلي اكتبي مشاعرك بالورق وطنشيييي لان الرجال يحب الحرمه
الثقيله اما اللي تحبه وتلاحقه ماتهمه حسبي الله ونعم الوكيل والله يعيننا

اختي الغاليه ..

لا تتعبين نفسك وصحتك .. ماراح يفيدك البكي .. انا بعد نفسك حساسة جدا جدا جدا
بس عادي في رجال طبيعتهم جافيين ..
اول شي خليكي ريلاكس وعالجي الامر بعقل ورويه ..
وانتي تقدرين تغيرينه .. ولا ثم لا تطلبين الطلاق هذا زوجك وانتي تحبينه وهو يحبك وهذي قسمتك ونصيبك ..
وكل ما عاملك بجفاف انتي عامليه برقه وحب .. حتى لو قالك شي يغثك قوليله (احبك ) بكل بساطة..
صدقيني مع الوقت هو بيصير نفسك تلقينه من داخل وده يعطيك روحه بس طبعه كذا..
وعادي ارسليله كلام حلو لو مختصر اي كلمة معبره .. ولا تفكرين بزوجته الثانية حرام لان لها نفس ما لك واحتسبي الاجر اذا سوت شي يضايقك..
وفي الاول والاخير الله ماراح ينساك وهو عارف اللي في قلبك ..
لا تفكرين ليش زوجك ما يقولك ولا ما يسويلك فكري انتي شلون بتسعدينه لي رد لك البيت..

والله اتمنى لج السعاده من كل قلبي ..

وخلي تفكيرك دائما ايجابي

حبيبتي .. انتي مشكلتج الحساسية الــزايدة ..
و هاي مشكله تواجهها معظم الحــريم ..
بس يا عمري الواقع غيـــر
اول شي :
لازم ترضيـــن بالحياااه اللي كتبلج اياها ...
و لا اتمين ترديين (لو كنت اعرف ان هذا بيصير ما تزوجت)
حتى لو بينج و بين نفسج .. لأن هالنوع من السلبيه بتترجعج ورااااااا

الشي الثاني..
لا تربطين تربطين التعدد بجفا زوجج او عدم وجود الرومانسيه ف حياتكم ..
ترى وايد حريم معرساااات و مايشوووفون الرومانسه مع ان ازواجهم مب متزوجين عليهم ..
و وايد حريم رياييلهم معددين بس شايفين احلى رومانسيه و حب
يا قلبي انتي مب فلانه و فلانه غير علانه
كل حد له شخصيته و ظروفه و طبيعته و حياااته ..
فلا تربطين شي بشي ..

الشي الثالث :
انت تغيـــــــــــــــــــــــــــــــــــــــــري
لا تهددين بالطلاق و لا تطلبين الانفصال ابددددددددددددا
ابدا
ابدا
اذا تحبين ريلج صدق و ناويه تغيرينه ..
هذا شي كبير ما يجوز نستخدمه كل ساعه و حيــــن
الحين انتي تقوليــن ..


يمكن مشكلتج سببها الحساسية الزااايدة و الرومانسيه المفرطة ..
خفي شوي من المسجااات ..
خليه يفتقدج و يتوله عليج
خليه هو اللي يسأل و يتصل ..
و اذا اتصل لا تسووويله طاف و تحقرينه لا ..
بالعكس حسسيه انج مشتاقتله بس ما بغيتي تزعجينه ..

و بالنسبة لج انتي .. يا عمري لا تربطين حياتج كلها بريلج
عشان تخففين على نفسج
تقربي من الله سبحااانه و تعالى
تذكري ان في اشياء اعظم بعد هالحياااه ..
اشغلي عمرج بالبيت
بالترتيب بالتظيف غيري ديكووور البيت
غيري نظام الاثاث
اهتمي بعيالج و العبي وياااهم و قضي وياااهم اوقات تفرحهم بعيد عن الروتين اليومي..
زوري اهلج اوصلي ارحااامج ..
خذي دورات .. سويلج مشرووع صغير ,,
اي شي المهم تلتهين ..
حبيبتي .. مشكلتج هي الحساسيه .. و اللي يزيدها انج قريبه من مثيرااات ف حياااتج اللي هي الزوجه الاولى و بعد ريلج عنج و احساسج انه مهتم فيها و مب مهتم ف مشاعرج ..
فانتي عشان تخففين هالحزن و الآلام و الضيج
اشغلي وقتج ..
و خذيها نصيحة مني .. لا تقعدين تسوين جلسااات صراحة ويا زوجج
و تتكلمين و تصيحين و اتعبين عمرج
انتي بروحج اللي بتتعبين
لأنه ما منها فااايده و الله غير انها تفتح جروح الحرمة
و الدليل انج تقولين ان زوجج يرجع مثل اول و لا كانه وعدج
اتمنى اكووون قدرت افيدج
و الله يوفقج و يريح قلبج و يهديلج زوجج و يحنن قلبه عليج
و السموحة منج اذا كلامي غثج او ضايقج ..

http://forum.hawaaworld.com/showthread.php?t=450024
جيكي هاللنك
موضووع للأخت حووورية
عن تجربة زواجها
فيها نصااايح اكثر من راااااااااااائعة صدقيني بتنفعج ..
يزاها الله خير ما قصــــــــــرت
و الله يوفقج ان شالله