السلام عليكم ورحمة الله وبركاته
انا وزوجي متزوجين من ١٤ سنه
اول ٧ سنوات مشاكل بسبب انه ابي زوجي يقلل سهر وسفر
يلتفت لنا يطلعنا وفعلًا صار يسفرنا ويمشينا بين فتره وفتره وليته مايمشينا معصب ومنفس وكأنه يقول اخلصو علي انا اتنكد معاه وماعمري انبسطت لا وبعد فوقها بالمقابل بعد كل سفره يسفرنا او يطلعنا يمشينا يكون لها سفره مع اخوياه انا كبرت راسي وخلاص عشت حياتي الحالي
خليته للسهر بالاستراحات والسفر بالشهر مره لازم يسافر هذي غير دورات العمل اللي كل سفره يسجل اسمه عشان يروح على حساب دوامه انا ماعاد يهمني لانه حتى اذا سفرنا يكون منفس واهم شي تمر ذا الكم يوم عشان يرجعنا ويسافر الحاله هذا غير التنكيد والهواش وبعض الاحيان يضغط على نفسه عشاننا ويمسك اعصابه ويمشيها،،
قلت ياحرمة غيري جوه وعزمته على سينما والله ماجلس نص الفيلم قال سخافه
طلعته مطعم وتعشينا تحسونه مو مبسوط بس يبي يمشي ذا الكم ساعه ويرجع استراحته
مافيه اي انسجام بيننا والله العظيم مابيننا اي سوالف تجمعنا هو شرق وانا غرب اهتماماته غير عن اهتماماتي بتقولون لي صباح الليل توك تكتشفين ، بقولكم مكتشفه وعارفه ومطنشه لكن مليت والله مو حاله وضعه مريب وغريب قلبي مو متطمن انا خايفه من نهاية هاالبرود اللي بيننا صار يستحي مني كاني امه او اخته من كثر انه مابيننا اي ميانه او نقاش يجي يقول وش فيك ساكته سولفي اسولف يقول اصبري بشوف ذا المقطع بالجوال ومقطع ورى مقطع ويسحب والحين صار اذا قال سولفي اقول والله ماهنا سوالف وصرنا على الصامت حياة غريبه ومخيفه احس بعدم راحه ابدا
تدرون انه في ذا الثلاث شهور الاخيره سافر ٦ مرات
في منها برى ومنها من دوامه تخيلي بمعدل كل شهر سفرتين شي مو مريح انا احس بعدم راحة وبنفس الوقت اقول بالطقاق بس قلبي ممغوص احس حياتي مو طبيعيه فيها شي غلط مهما كابرت
رغدهـ @rghdh_3
محررة ذهبية
يلزم عليك تسجيل الدخول أولًا لكتابة تعليق.
رغدهـ
•
بختصار احس بعدم أمان ،، خصوصًا انه احس في نظرت عيونه شفقه علي تأنيب ضمير وهذي النظره مخوفتني منه
h
•
ياروحي ربي يكون بعونج والله اغلب الحريم جذي نفس حالتج متحملين عشان عيالهم والله وقبل الامهات يصبرون على بلاوي والله اصبري وتحملي ودام لما يقعد معاج تصير مشاكل او يعصب احسن شي انه يطلع ارتاحي انتي واهتمي بنفسج استانسي ترا حياتج مو بس فيه هماً عندج عيال حلوين يحبونج واذا جا رحبي فيه وكوني كاشخه حتى لو مايطالعج بطقاق المهم انتي ارتاحي من داخل والله العظيم اعرف وحده اقسم بالله ترقص رقص اذا درت زوجها بيسافر تقول يابنات طاقته سلبيه وانا وحده مالي خلق عوار راس ومشاكل وربي ماتشوفين فرحتها تبارك الله وكل يوم صارت تقرا سورة البقره ويس وتدعي ربها وربي حرفياً صار خاتم بايدها تعدلت امورها معاه ف انتي اقري سورة البقره يومياً او يس وادعي ربج يهديه واستودعي ربج قلبه وعيونه وادعي انه يغير شغله وربعه ترا بعض الربع اهم الخراب بس انتي ادعي ولا تهتمين له سواء جا او راح خلاص اذا يسوي مشاكل طفي مخج وارتاحي منه وخليه يسوي الي يبيه اذا شافج تلحقين وراه ماراح يرتاح ف خليه على هواه خليه يحس انج متغيره وعادي صار عندج اي شي وتحمليه عشان عيالج والله وربي يجبر بخاطرج ياروحي 🤍🤍🤍
رغدهـ
•
h :
ياروحي ربي يكون بعونج والله اغلب الحريم جذي نفس حالتج متحملين عشان عيالهم والله وقبل الامهات يصبرون على بلاوي والله اصبري وتحملي ودام لما يقعد معاج تصير مشاكل او يعصب احسن شي انه يطلع ارتاحي انتي واهتمي بنفسج استانسي ترا حياتج مو بس فيه هماً عندج عيال حلوين يحبونج واذا جا رحبي فيه وكوني كاشخه حتى لو مايطالعج بطقاق المهم انتي ارتاحي من داخل والله العظيم اعرف وحده اقسم بالله ترقص رقص اذا درت زوجها بيسافر تقول يابنات طاقته سلبيه وانا وحده مالي خلق عوار راس ومشاكل وربي ماتشوفين فرحتها تبارك الله وكل يوم صارت تقرا سورة البقره ويس وتدعي ربها وربي حرفياً صار خاتم بايدها تعدلت امورها معاه ف انتي اقري سورة البقره يومياً او يس وادعي ربج يهديه واستودعي ربج قلبه وعيونه وادعي انه يغير شغله وربعه ترا بعض الربع اهم الخراب بس انتي ادعي ولا تهتمين له سواء جا او راح خلاص اذا يسوي مشاكل طفي مخج وارتاحي منه وخليه يسوي الي يبيه اذا شافج تلحقين وراه ماراح يرتاح ف خليه على هواه خليه يحس انج متغيره وعادي صار عندج اي شي وتحمليه عشان عيالج والله وربي يجبر بخاطرج ياروحي 🤍🤍🤍ياروحي ربي يكون بعونج والله اغلب الحريم جذي نفس حالتج متحملين عشان عيالهم والله وقبل الامهات...
فعلًا انا من سبع سنوات مكبرة راسي ومطنشه وماقام عندي ولا قعد ،، لكن نفس ماقلتلك صرت أخاف أحس بعدم أمان ما اعرف وش وراه جواله حتى عياله مايخليهم يمسكونه من كثر حرصه عليه الرجال ماعاد صرت اعرفه صار مثله مثل اخوي ولد اختي مافيه ميانه فيه حدود ابوي امون عليه اكثر من زوجي شي غريب وضعي صار يخوف واللي يخوف اكثر انه صار يحس انه مقصر ويقول انتي زعلانه صح انتي متضايقه مني صح وفيه تأنيب ضمير بعيونه وبنفس الوقت لو بقوله ايه زعلانه انت فيك وفيك وفيك ولازم تتغير يزعلل ويقول مو عاجبك الباب ياسع جمل روحي اهلك انا ماقصرت معاك بشي وهذا حدي واللي أقدر عليه عجبك ياهلا وسهلا
h
•
رغدهـ :
فعلًا انا من سبع سنوات مكبرة راسي ومطنشه وماقام عندي ولا قعد ،، لكن نفس ماقلتلك صرت أخاف أحس بعدم أمان ما اعرف وش وراه جواله حتى عياله مايخليهم يمسكونه من كثر حرصه عليه الرجال ماعاد صرت اعرفه صار مثله مثل اخوي ولد اختي مافيه ميانه فيه حدود ابوي امون عليه اكثر من زوجي شي غريب وضعي صار يخوف واللي يخوف اكثر انه صار يحس انه مقصر ويقول انتي زعلانه صح انتي متضايقه مني صح وفيه تأنيب ضمير بعيونه وبنفس الوقت لو بقوله ايه زعلانه انت فيك وفيك وفيك ولازم تتغير يزعلل ويقول مو عاجبك الباب ياسع جمل روحي اهلك انا ماقصرت معاك بشي وهذا حدي واللي أقدر عليه عجبك ياهلا وسهلافعلًا انا من سبع سنوات مكبرة راسي ومطنشه وماقام عندي ولا قعد ،، لكن نفس ماقلتلك صرت أخاف أحس بعدم...
عادي ياروحي استصغري الاسباب عشان ترتاحين يعني اذا عن سالفة التلفون قولي بداخلج عادي بطقاق وانسي الموضوع عشان راحتج والله وهماً الرياجيل بطبعهم مايحبون هالشي ف لاتحاتين والله واذا عن سالفة الامان غيري هالشي فيج يعني هو زوجج مهما يكون ماراح يضركم انتي وعيالج ارتاحي جدامه خلج عادي والعبي مع عيالج خليه يتعلم منج انه يلعب مع عياله .. واكثر الابهات جذي همهم ربعهم والسفر والله العظيم عادي قبل ابهاتنا جذي بكثره ولما كبروا تمسكوا اكثر بامهاتنا لان عرفوا الحياه الصجيه ياروحي لا تحاتين ونفس ماقلتلج ارتاحي واستانسي مع عيالج واذا قال زعلانه قوليله ليش ازعل ياروحي انت مو مقصر بشي وعسى ربي يخليك لنا .. اهو راح يستغرب ونفس الوقت يستانس انج قلتيله شي حلو مو كله زعل وضيقة خلق هذا الي يخليه يطلع والله خلج عادي واستانسي وتقبلي الامور برحابة صدر وتذكري دايماً دام تقدرين تمشينها مشيها ودايماً طالعي الي تحتج شوفي في بنات يعانون ويتمنون رياجيلهم يطلعون ف حمدي ربج ونفس ماقلتلج اقري يس والبقره وادعي له ولا تكونين زعلانه ابتسمي بوجها اول مايدش قوليله شلونك تبيني اسويلك شي تاكله ومن هالكلام واذا قال انتي زعلانه نفس ماقلتلج تردين عليه وشوفيه بيتغير باذن الله ترا مو اول واحد ولا اخر واحد يصير جذي قبله واجد والحريم تحملوا وربي يسعدج ياروحي🤍
h
•
رغدهـ :
فعلًا انا من سبع سنوات مكبرة راسي ومطنشه وماقام عندي ولا قعد ،، لكن نفس ماقلتلك صرت أخاف أحس بعدم أمان ما اعرف وش وراه جواله حتى عياله مايخليهم يمسكونه من كثر حرصه عليه الرجال ماعاد صرت اعرفه صار مثله مثل اخوي ولد اختي مافيه ميانه فيه حدود ابوي امون عليه اكثر من زوجي شي غريب وضعي صار يخوف واللي يخوف اكثر انه صار يحس انه مقصر ويقول انتي زعلانه صح انتي متضايقه مني صح وفيه تأنيب ضمير بعيونه وبنفس الوقت لو بقوله ايه زعلانه انت فيك وفيك وفيك ولازم تتغير يزعلل ويقول مو عاجبك الباب ياسع جمل روحي اهلك انا ماقصرت معاك بشي وهذا حدي واللي أقدر عليه عجبك ياهلا وسهلافعلًا انا من سبع سنوات مكبرة راسي ومطنشه وماقام عندي ولا قعد ،، لكن نفس ماقلتلك صرت أخاف أحس بعدم...
في شغله نسيت اقولج اياها ياروحي البيوت الي تشوفينها ماليه الشارع ما انبنت بسهوله ترا لازم شوية تعب وشوية راحه وصبر لو كل وحده بتزعل على نفس الاسباب والله البيوت هذي ما انبنت واذا عن الميانه عادي والله الكل جذي مارده بيتغير هالشي قولي فتره وتعدي وخلج دايماً مبتسمه بوجها لا تعاتبين على شي صار وخلص خلاص لان ماراح يتغير هالشي اساساً راح يعاند اكثر ويطول بوضعه وربي يسعدج يارب
الصفحة الأخيرة