السلام عليكم ورحمه الله وبركاته
كيفكم ياحوامل وياغير الحوامل
امس كنت بالسياره << احلفي
وكنت اسمع برنامج بيوت مطمئنه في اذاعه القران الكريم
وكانوا مستضيفين دكتور حق اعشاب واله نسيت اسمه بس يشتغل في مستشفى الملك فيصل التخصصي
وسمعت معلومات اصابتني بالدهشه:09:
حقلكم الاتي والله يسعدكم وصلوه لكل اللي تعرفوه
والله العظيم مانقلت الا الللي سمعته من الرجال <<<< اقصد الدكتور
المره
انتبهوا تشربوها يابنات تسبب انخفاض هائل في السكر يؤدي للوفاه وذكر الطبيب قصه فتاه كانت تشرب مره وكان السكر يوصل عندها من 5 ونص الى واحد ونص وحللو لها بول وطلعت مكونات المره في بولها اعزكن الله وتقول كانت تشربها لما لها من فوائد
الحلتيته
عشبه خطيره جداجداجدا
على قوله الدكتور وقال انها تؤدي للوفاه حالاا
واتصلت بعدين حرمه تقول ان مدرسه اصيبت بالزكام واخذتها وعلى طول ماتت
احذروها يابنات
القرنفل (المسمار)
يقول هذا خطير جداا في بعض الناس يحطونه على جلدهم والجروح يقول يسبب تهتك في اللحم ويوصل للعظم حتى اذا اخذه الانسان على شكل توابل لايكثر منه مره قليل ومو كل يوم
اليانسون -الكمون
يقول هذي تسبب فشل في الكبد اذا اخذها الانسان بصوره يوميه يقول لاتكثروا منها
العسل
ممنوع للاطفال منعا باتا لدون السنه والنصف
السمسم
ممنوع للاطفال دون سن 6 اشهر
ومفيد جداا للتسمين وزياده الوزن
*******
خلطات الشعر اللي طايحين فيها التاجرات هنا يبيعوها
خلطه الفرد والتنعيم
حذر منها جداا جداا
لاانها تحتوي على الحديد والرصاص والزرنيخ
وهي مواد ضاره وسامه
وتؤدي للسرطان وفشل الكبد ووظائف الكلى
******
ودحين نجي للاعشاب المفيده واللتي اثنى عليها الدكتور ومدحها
الحلبه
مفيده جدااجداا لمرضى السكر
يقول يااخذالمريض 3 ملاعق صغار حلبه قبل كل وجبه ومثلا علاجه حبتين سكر يااخذ حبه وحده بس
الميراميه
مفيده جداا لعلاج جرثومه المعده يؤخذ مقدار كوبين في اليوم لمده اسبوعين فقط
الثوم
يقول طارد للفيروسات ويحاربهاا
بس حذر من الاكثار منه
ويقول انسب طريقه له طحنه مع الاكل
او وضعه في الزبادي او السلطه
وحذر من وضعه بشكل مباشر على الجلد او الشعر لاانه يسبب تهتك شديد وحار على الجسم
الزنجبيل
مفيد جدااا
الكركم
هذا قعد ساعه يمدح فيه
يقول مفيد جداا لمرضى الروماتيزم
يقول تجيبين اعواد الكركم مو المطحون وتطحنينه في البيت
وتوخذ ملعقتين في اليوم قبل الاكل
يعني ملعقه قبل الفطور
وملعقه قبل العشا
واللي عندهم روماتيزم ووزنهم كبير لازم يمشون نص ساعه في اليوم
لااااازم حتى لو تعبوا لااااازم يمشون عشان جسمهم يتعود عالمشى ويخف وزنهم وبالتالي يخف الروماتيزم
لمرضى جرثومه المعده
ملعقه صغيره عسل مذوبه في نص كاس ماء دافئ سبق غليه وتشرب قبل الافطار بساعه
علاج فعال
مع ماذكرته انفاا مع الميراميه
الحبه السوداء
طبعا غنيه عن التعريف
يقول مفيده جداا لمرضى الايدز والسررطان
اعاذنا الله واياكم
سمعته يقول خذ ملعقه خل التفاح مع ثلاث ملاعق زيت زيتون بس والله مدري هو لمرضى جرثومه المعده او غيره
واتصلت عليه وحده تقول ولد اخوها صار عليه حادث وصار بغيبوبه
ايش ينفع معاه
قال الابر الصينيه ممكن تنفع
هذا اللي اتذكره حاليا
طبعا مده البرنامج كانت ساعتين وهذا اللي قدرت اسمعه من دوشه عيالي الله يصلحهم
**********
محبتكم
برستيج المحبه
برستيج المحبه @brstyg_almhbh
كبيرة محررات
يلزم عليك تسجيل الدخول أولًا لكتابة تعليق.
خالة لمو
•
مشكورة حبيبتي على التنبيه جزاك الله خير
بصمة عز
•
مشكورة على نقلك الرائع
جعله الله في ميزان حسناتك
مشكلتنا مانستوعب إ ن الأعشاب مواد كيميائية
يؤخذ منها بقدر بسيط جدا ولفترة قصيرة
الله يستر على الجميع ويديم عليهم الصحة والعافية
جعله الله في ميزان حسناتك
مشكلتنا مانستوعب إ ن الأعشاب مواد كيميائية
يؤخذ منها بقدر بسيط جدا ولفترة قصيرة
الله يستر على الجميع ويديم عليهم الصحة والعافية
الصفحة الأخيرة