زيت الخروع مررره حلو بس استمري عليه

الله يهديك بس
استخدمي دابر املا أواستخدمي خلطه حور الجناان

أختي العزيزه يمكن كلامي ماراح يعجبك اويعجب ألأخرين ولكن ابقول الي عندي ,,,انا كان شعري جدا ناعم وكان طوله زين مش طويل مره ولاقصير بس اكثر شي فيه هو النعومه لدرجه اني اغسله وانفظه مندون ما امشطه ويطلع جنان وقصيته أيام كنت ادرس في المتوسط والله اني ما أنسى البنات وشكثر انهبلو على شعري الي تقول عطيني مشط امشطه والي تلعب فيه بيدينها والي تقول انتي تستشورينه وانا من حسن نيه اقول لها لا هو كذا والله يابنات بعدها تغير بشكل واذكر الحيت على أختي انها تقص منه شوي وكانت تقنعني وتقول كذا حلو واقول لها لا قصيه ماراح أرتاح لين تقصينه ومن بعدها صار يتساقط وجاني الشيب بدري من سنه اولى ثانوي وصار شعر مهب شعري ألاول ...وتحسفت على قصه وقالت لي أختي سبحان الله شكلها عين ....انا ذكرت قصتي علشان أقولك يمكن الي فيك عين والدليل شعرك وقف على طول معين ارقي شعرك أختي الحبيبه والله يوفقك واسفه جدا على ألأطاله

اتهني فيه وهو قصير والعمر قدامك ان شاالله يطول ماأحد حاس بمعاناتك وقهرك مثلي
انا اموت في شي اسمه شعر اهتميت في شعر بنتي من عمرها 4 سنوات الى ان وصل لنهاية ظهرها
والله يابنات كل من شافه ذكر الله ويقول حرام لاتقصينه ابد وتدرون وش ارد اقسم بالله العظيم اقول ان شالله تنقص ايدي قبل مااقصه

والعام ايام نتايج المدرسه استشورته وزينته وتركته مفكوك وراحت تستلم الشهادة صف اولى ابتدائي
وكل المدرسات حبوها وقالوا لها قولي لماما لاتقصينه ويوم قالت لي قلت لها ليه ماقلتي لمدرساتك ماما مستحيل تقصه

وشوفوا يابنات بلحظة ضعف وبليلة العيد تاريخ 29\\رمضان\\1430 قبل شهرين يعني رحت للمشغل ابي اصبغ شعري
وشافت بنتي وحده صغيرة قاصة شعرها فراولة وحيل اعجبتني وقلت لبنتي وش رايك نقص مثلها قالت ايه

والله يابنات اني قلت للكوافيرة قصي شعر بنتي فراوله اقسم بالله رفضت قالت لا حرام ماعمري شفت مثل شعر بنتك
حرام تقصينه واقسم بالله قالت روحي لمشغل ثاني وعييت قلت لا المشغل لزوجة اخوي وكانت وقتها بالسووق
حاولت بالكوافيرة واخيرا قالت خلاص لكن شوي بس قلت لها خلاص زين المهم كل ماقالت خلاص اقول لها لا القصة مو باينة
لما وصل شعر بنتي لاكتافها والله يابنات يوم رحت للبيت انواع التهزيئ من امي وخواتي
والصبح كان اول يوم العيد وكل من شاف شعر بنتي انجن وصرخ
والله يابنات اني متحسفة حسافة على اكبر غلطة سويتها بحياتي والله اني احيانا اقعد ابكي من فعلتي اللي سويتها بلحظة ضعععععععععععععععععععععععععععععععععععععف
والحين اخفف على قلبي اقول خليها تتهنى فيه وهو قصير والعمر قدامها ان شالله يطول