وعطله سعيده
هلا بحبوبات قلبي
لي كم يوم ماني خوش .. تعبانه شويات رشح وهده حيل مو طبيعيه
لدرجة اني ذاك اليوم اسولف على بنت عمتي بالبي بي واخر شي
اسألها شخبار النوم تعدل ذاك اليوم بغيت اسويها دعابه واكلم عمتي
تصحيك العصر بدري قالت وش دخل عمتي
قلت انا ذاك اليوم قلت اني بكلمها قالت اهاا
المهم وامس اكتشفت اني اللي اكلمها اختي مو بنت عمتي :06:
رغم ان الاسمين مختلفات
وارسلتلها كش عليك احسك خذيتيني على قد عقلي .. قالت انا :06:لا والله ليش
قلت ذاك اليوم احسبك فلانه طلعت انت وارسلتلي ضحكه طويله :hahaha:
قالت والله احسبك تكلميني والنوم احسبه عشان ولدي انه طفشني
وعمتي انا استغربت بس احسبك تسولفين كذا علي
قالت لاااااااا شكلك بالحيل تعبانه خخخخ
المهم
لما صار بالليل قررت قرار خطير ..
اسمع ان الناس يقولون
الفقس زين واحيانا زوجي يجربه والعيال احيانا ادهن رجولهم
اذا في حراره .. او حلقهم اذا تعبان
قلت وانت ياحرمه على راسك ريشه:mad: جربيه يمكن تصيرين احسن
والله وبما ان عالم حواء صاير يرفع الضغط جيت وطفيت اللاب
وافرش فرشتي واجهز لحافي واعمل احتياطاتي كامله
واجيب علبة الفقس واتدهن مايمكن تدهينه خخخخ
واتلحف زين زين .. واتنفس احس اني اطبخ احس اني داخل علبة الفقس
من قو الريحه ههههههه>> تذكرت العيد والبخور والحركات خخخ
المهم
اتخيل بنتي الصغيره تلصق فيني لما تصحى من كثر ماتحبه
واصحى الصبح الا انا مثلما انا تعبانه قلت والله انه خرطي ومافيه فايده
ولما راحوا العيال للمدارس قعدت شوي عليكم خخخ قصدي على عالم حواء
وبعدين رحت نمت .. وصحيت عالوحده الا ياسلااام يالنشاط
سويت الغداء وتحممت وزبطت الشغل
قلت يابعدي يالفقس والله اني ظلمته ... بس يمكن ما اخذ كفايته
والحمدلله من امس وانا احس اني احسن بكثييييييييييير
طبعا وكل هالشي بأمر الله تعالى واذنه
عاد قلت لازم اقول هالتجربه الجهنميه للغاليات
بما ان هالفتره الاغلب يعاني من هالموضوع .. ابد ماعليكم
الا انكم تدهنون او تتغمسون بالفقس هههههه
وسلامة كل مريضه وتعبانه
********
كم هي كبيره حجم النعم التي نغفل عن شكرها
فقط
لأننا اعتدنا عليها ولم نجرب الحياة بدونها
الحمدلله
لا اله الا الله
لاتنسين حلاوة الفيكس كمان
والشامبواللي لماتتحممين به تحسي بالانتعاش للجذور
هههههههههههههههههههههههه