~*~ السنعة ~*~ :

ههههههه لولو حلووووة سالفه البزر اجل بخلي بنت اخوي تهبل فيك

ههههههه لولو حلووووة سالفه البزر اجل بخلي بنت اخوي تهبل فيك

لولو كاتي :

عدنا اليكم من جديد وهذي الحلقه بين اناملكن فديرو بالكن عليها ****************** آآآآآآآآآآآآآآآآآآآآه سالفه الاسم سالفه خلوني اشكي <<<الحمد الله والشكر من كان حالف عليج تسمين هالاسم المهم ذلك اليوم يا طويلات العمر لاعت جبدي من كثر ما انا اتفرفر على المنتديات وبس اقرا وكنت بذيك الفتره مطيحه طيحه قشرا هنيه بس ما سجلت لاني شايله فكره المشاركه بالمنتديات من بالي نهائين المهم قدر الله وما شاء فعل وعجبني عالم حواء واشتركت فيه طبعن من قرادت العضوات انهم اقبلو عضويتي وفعلناها وقضا شرنا بس يوم جيت اسجل قالو الاسم انا هنيه تنحت!!! شكتب الحين وشختار؟؟!! قعدت اتلفت يمين ثم يسار فوق ثم تحت ولا تطيح عيني على دفتر لبنت اختي عليه رسمت لولو كاتي وطرا فبالي ليه ما اكتب لولو كاتي<<<انا لو داريه بالمشاكل الي راح تجيني من وراه جان ما سميت هالاسم ما علينا سجلنا وقضا شرنا وهذي اسباب التسميه للي يحب يعرف انا ليه اخترت هالاسم <<<<اذا عندكم اسم سنع هلمو به يا فتيات العرب وفكونا من هالاسم المهم نجي للمشاكل الي جتني من وراه ذاك اليوم من ايام الصيف الي تحرق حراق وانا قاعده بغرفتي تحت المكيف فتحت النت وعلى طول نط بوجهي البوكس مال المسجات الي يقول ان فلان داز لك مسج واستغربت من المرسل لان الاسم اول مره اشوفه طبعن ما تعوذت من ابليس لاني خفت اختفي وانا ما قريت شسالفه الرساله المهم فتحته باطار بروحه قلت خليني اتفضا له وهذا نص الرساله الي وصلت<<<< للسريه راح امسح اسم المرسل طبعن شفتو الرساله وعلى فكره ترا الايقونات اكثر من جذيه بس قوانين الاداره خلتني اشيل الاغلبيه المهم انا من شفت هالمسج قعدت اضحك.... ولا تسالوني على شنو كان شعوري ....بالفرح من ان عندي معجبين <<<يالله العقل وبالخزي ايه الخزي والفشيله لان اسمي يفشل ومال جهال مو مره عمرها بيصك 22 بعد كم شهر الصراحه نقدت على نفسي وقررت اني اغير اسمي بعد ما تخلص هالسالفه واشوف شاخرتها ما علينا انا قلت الي دازه هالمسج وحده من ثنتين يا عبيطه وتستهبل على لانها شافت اني فني وكووووول<<<مدري شفيني على الاعنقريزي هالايام او انها مو صاحيه بالمره وفيها بلا قلت بدخل على ملفها واشوف مشاركاتها<<<زين اني طلعت فطينه وفكرت ولا بالعاده ارد ولا ادري عن هوا بالي دخلت على مشاركاتها وشفت ان الي تشارك بهالاسم وحده كبيره مره ام عيال ومشاركاتها وردوها رزينه يعني مو مال خبال واستهبال قلت خليني ارد عليها رديت عليها باسلوب ذكي<<ما شاءالله علي تبارك الله قلت لها وتوقعو شنو طلع؟؟!! طلعت البنت داخله على الموقع وامها مو موجوده ومغريها اسمي الله يغربل عدوه ودازه المسج<<<وعلى قوله الام اسمج اغراء ودزت امها تتاسف وقلت حصل خير بس والله مت من الضحك ومن يومها وانا كل ما احد جاب طاري اسمي اتهدد اني اغيره وكنت بغيره بس سالت رفيجاتي اغيره وطبعن قالو لا حنا عرفناج بلولو وبيني وبينكم انا ما ودي اغيره احس ان لولو صار مني وفيني ولا انتو شرايكم؟؟؟

عدنا اليكم من جديد وهذي الحلقه بين اناملكن فديرو بالكن...