كيفكم وعلومكم
بالصراحه الصريحه في قصتن اعجبتني من قصص احد جداني اللي انا حفيدته <<قولي قصم <<مفضوحه:icon20:
القصه قد قالي ايها جدي الي على طول <<افهموها عاد:icon20:
يعني جدي اللي الحين ابو ابوي موب التاسع مدري العشر طعش كان يحكيها عن جده اللي هو مفرج
القصه معروفه مره بين القبايل منذ مبطي وانا ابي انزلها بس احس الاسلوب اللي مكتوب فيها القصه ممل يجيب النوم
قلت خلني انزلها الحين اغير الجو مواضيعكم كلها عن اللي مخنزرين <<اندبت تسبدي :icon20:
وكتبتها باسلوبي القصه مره روعه لباه ولبا نسله <<بدينا نهايط :icon20:
ارب بس ما انـشات انا وقصتي
القصه فيها وفاء وشهامه موب طبيعيه انصحكم تقرونها بتستمتعون
اخليكم معها
ابطال قصتنا
الاول /مفرج العماني شيخ قبيلة بني عامر من سبيع
<<اللي هو جدي المدري كم :icon20:
الثاني والشيخ/ محمد المهادي من الفضول
تسان يامتسان في قديم الزمان وسالف العصر والاوان وماكان وكان <<اخلصي :icon20:
كان جدي مفرج عنده بنت عم يعشقها <<والله انه موب هين حركات اسمها عمووش (عمشاء) :icon20:
وكان قصده شريف يبي يتزوجها <<مب حب هالايام خرابيط وخنبقتن عالفاضي
كانت البنت ياقلبي عليها يتيمه ماعندها لا ام ولا ابو وكانت عايشه عند عمها اللي هو ابو مفرج
كان مفرج حاط عينه عليها وبيبها ويتمناها والكل يدري
المهم جا يوم ونزل عندهم ركب من الفضول وكان بينهم رجال معروف بشهامته عند العرب اسمه /محمد المهادي
المهم جا يوم من الايام شاف محمد عمشاء وراح وطي
اقصد اعجبته بس ماكلمها ولا كلمه
المهم راحوا ربعه الا هو قعد قعده حبه لعمشاء يمكن تكون من نصيبه هالبنت اللي ساحبه عليه موب معطيته وجه
لان كان عندها اللي اجدر فيها من محمد
عاد محمد احتار لمين يشتكي موب عارف
راح تظاهر ان فيه الصرع
بس انه احتار كيف يروح يخطبها وهو ضيف توه جاي مايعرفون عنه اللي شي بسيط ومن اللي بيساعده وبيخطبها له ؟؟
المهم يوم فكر لقاها قال مافيه الا اروح عند مفرج لانه شاف فيه الرجوله وشجاعه وملامح النخوه والشهامه بس انه مايعرفه زين
راح يبي يختبره العرب اول عندهم كذا طريقه يكتشفون معادن الرجال<<اذا هو رجال صدق ولا خنبيقي
راح محمد ورجع البيت واجتمعو الرجال
راح وجلس يمين مفرج وتسند عليه فتره طويله <<متعمد
ومفرج ماطلب منه ابد انه يرفع كوعه
قعد يتحمل مفرج الوجع عشان يرضي ضيفه ومايزعجه
محمد شاف مفرج ماقال شي راح وزاد ظغطه بس مفرج ماحرك ساكن
المهم يوم راحوا الرجال وفضى المجلس
قال محمد لمفرج انا شفت فيك ونعم الرجال شفت فيك الشجاعه والشهامه وابي فزعتك في احد اموري
قال مفرج حتى انا شفت فيك الرجوله والشهامه
ودامك اخترتني من بين الرجال ابشر بعزك اعتبر امرك انحل
راح محمد وقاله سالفه البنت اللي شغلت تفكيره وانه يبي يتزوجتها ويبي فزعته عشان يتم هالزواج
وشبيقول مفرج لمحمد وش توقعون
هل بيطرده ولا بينصدم ولا بيزوجه ولا ايش<<تسمع باسلوب التشويق :icon20:
الجزء الثاني<<مصدقه عمري اني اكتب قصه مسويه اجزاء
راح مفرج ووعده خير قاله وانا اخوك لا اصبح الصبح بروح انا وياك ودلني عليها
عاد اصبح الصبح الا ومحمد يشوفها رايحه عند الماء وراح عند مفرج وقاله هذي هي البنت
اللي هي عمشاء بنت عم مفرج اللي خلاص على وشك يتزوجها بعد قصة حب بينه وبينها
راح مفرج يوم شافها قاله ابشر بالخير بس عطني يومين اكلم ابوها
بعد يومين رجع مفرج لمحمد يبشره انهم موافقين
تم الزواج وكل شي
وبيوم الدخله لما دخل محمد على زوجته لقاها تبكي بكى موب صاحي <<ياقلبي عليها
تبكي بحراره استغرب هو قالها ليه تبكين وانتي موافقه علي
قالت له القصه انها بنت عم مفرج وانهم يحبون بعض وانهم على وشك زواج
بس يوم طلبت انت المساعده منه ماقدر يقولك شي وفضل يترك بنت عمه اللي يحبها ولا يرجعك خايب
كبر مفرج بعين محمد مره وقالها يابنت الحلال ابشري بالخير انتي الحين زي اختي وبعد يومين برجعك عند عمك
بعد كم يوم راح ورجعها لبيت عمها وطلقها ورجع لدياره وقال لمفرج انه يزوره واذا احتاج شي لايرده الا لسانه لانه سواله معروف مستحيل ينساه
بعدين راح محمد المهادي لديرته ومفرج تزوج عمشاء وجابو عيال
لحظه اباخذ بريك تعبت
اللي متابع ابوزع عليه
حلاو ابو بقر:icon20:<<شتحسين به
لحدن يرد ليمن اكمل قصتي