والله يابنات إن هذي قصة معاناتي مع شعري ..

السلام عليكم ورحمة الله وبركاته ..

والله ماجيت هنا إلا علشان أفيدكم عليّ أكسب دعوة صادقة في ظهر الغيب ..

أنا أستخدمت خلطة أعشاب للشعر تنعم اللشعر وتخلي لونه أسود كأن أسمها خلطة ( سارة )

نوعية شعري خفيف وعادي مو خشن بس البنات طاحوا فيها فجربت مثلهم لأن بصراحة شفت نتيجتها

فقلت بخوض :)

استخدمتها وفعلا نعمت شعري مو تنعيم تنعيم بس تغير وصار لونه اسود

جلست سنة وبدأت المعانة شعري يتساقط بشكل فضيع وبدأ يتقطع وصلت لمرحلة المعاناة

شعري قليل بشكل متعب ويعقدني والله ما أقدر لا اسوي فيه شيء ابداً ماخليت ولازيت إلا وأستخدمته

صار كأنه محروق لما أروح المشغل لازم الكوفيرة تعلق وتقول أستخدمي الثوم وبإذن الله يتعدل تعبت وتعبت

نفسيتي جلست على هالمعانة تقريبا سنتين أو ثلاث في الأخير قلت بروح أخصائية لأني عارفة شعري تعبان

لازم اعالجة رحت المستشفى قالت الدكتورة اكيييييييييييد فقر دم على طول حللت وطلع فعلاً فقر دم حاد

مع إني ماقد لاحظت على نفسي قالت لازم تعالجيه قلت طيب وشعري قالت بعطيك بخاخ وحبوب وبإذن الله يرجع

قلت شعري ماينفع شيء معاه قالت لأ بينفع إن شاء الله مثلك مثل غيرك وفعلاً ولله الحمد أنا جلست على

العلاج سنة تقريبا ويارب لك الحمد شعري كثر ويوم عن يوم يتحسن وماصار يعيبه شيء

فنصييييييييييييييحة يابنات ماتقولوا خلطات وزيوووووت أول شيء روحي شوفي فقر الدم وعالجيه وتشوفي

النتيجة البخاخ اسمه ( هيرجو 20%) كان له دور كبير بعد الله في فعالية العلاج ..

بس ماتستخدموا شيء من غير وصفة الطبيب تحذير وأستمروا ومار تندموا ..


ملحووظة / أنا ما أجزم إن شعري انعدم بسبب الخلطة بس كان لها دور أعرف البنات اللي استخدموها ماصار لهم مثلي بس تقصف بس نصيحة ابعدوا عنها وخصوصاُ اللي شعرها خفيف
والله يوفقك الجميع يارب ..