والله يابنات اكتب وانا ابكي واحس اني بأي لحظه انهي حياتي

كيف أبدأ يابنات
حملي اللي فات كنت انتظر الولاده بفارغ الصبر حتى اقدر اتمشى واعيش حياتي من اول وجديد
لكن ماتمت الفرحه اخذذها الغراب وطار
اخوي جاي يدرس فتره ويروح
وولدت واخذت امي فترة اسبوع وشوي ورجعت لظروف طارئه
ومن بعدها وانا بحاله مايعلمها غير الله
سهر لين قبل الفجر بساعه واموت نعاس الا اتذكر اخوي المصون لازم اصحيه
مستحيييييييييييل يقوم من نفسه واستناه لين يلبس ويجهز نفسه ويطلع شوفوا متى
والشغاله كل يوم تجي اروح افك واصك بالباب من غير الطبخ والقومه والقعده
يعني بالعربي مافي راحه وكتمت بنفسي
والله احس اني مرهقه من طلعت من نفاسي
غير انا ماحنا ماخذين راحتنا صحيح ان طول وقته برا لكن متقيده باللبس والخرجه ولازم له وقت معين يرجع فيه والا مايدخل البيت
المهم بعد دورة الاربعين مدريت الا اني تعبانه واحلل واطلع حاااااااااامل:( الحمدلله على كل حااال
ووحاااامي النوم
والروائح مااطيق شي اموت لو اشم شي حتى الصوابين اكرهها واكره التروش
هالفتره خلااااااااااااااااص يابنات ماني قادره اتحمل اخوي حابسنا مااقدر اتمشى ياناس والله بموت لي سنه وشوي ماشميت هوا والله احس بضيق بصدري
واخوي الله يهديه يكت العطر كت والله ادوخ يوم افتحله
ويوم اشتكي لأمي تقولي اصبري ماهو الا اجر
طييب ياناس ساعدوني ساعدوني والله ماذوق النوم مانام غير على الساعه7الصباح لين الساعه1 وكله متقطع عشان اعطي الحليب لبنتي ارضعها
وبنتي الثانيه من كثر عصبيتي صايره بس اضربها
والله مكتئبه احس اني بأي لحظه ممكن اذبح نفسي وربي:44: حتى الصلاه بالغصب اصلي والقرآن احس اني مو قادره اقراه مدري شصاير فيني وبس ابكي
انا جاني اكتئاب بولادتي الاولى بغيت اموت منه
والله مرات ودي امسك بنتي اللي ارضعها واصفقها بالجدار
ياناس والله ماكنت كذا كنت حنونه
بس الدنيا ضاقت بي
وبالليل ارسل بناتي على اهل زوجي لكن يااحد يتصل يااحد يجي يدق الجرس زي اخوي
مااحد همه
يابنات مين جاها اكتئاب بحملها واخذت مهدئات مو قادره اصبر ابغى دكتورتي تصرفلي شي ولا اضيع
بمووووووووووت من كثر ماابكي
شوروا علي انصحوني