والله يابنات انكم دلوعات طول الشعر عندكم وماتبونه

السلام عليكم يالربايع

وشلونكم لاشان لونكم

الصراحه يبنات تسمحون اقول لكم قدام كل الناس وبدون غرور انكم دلوعات

وفاسقات << من البطر

اجل تدورون خلطاتن مدري وش قايله حق طول الشعر والحل بسيط

وانا امكن وراكم وشفيها الحنــــــه ولله مافي اطيب منها انا عندكم وربي

ماطول شعري ولا سنعه غير الحنه ولا اضن في بيت يخلا من حنه

ابكم حتى الحجاج لما يجون من الحج يجبون لكم كياس حنه لا هنتي حطي على راسك شويه بس

ترى وربي مافي اطيب من الحنه ولا احسن منها ولا ازين من ريحتها

ولا هي اللي تجيبن خلطتن مدري منين قايله ولا مدري منين جايه وخبصيها على شعرك

كلها 4 ملاعق حنه + ماي حسب الكميه +شاي (تكونين طابخته) واللي بيزيد بيض ترى ازين له للمعه

وأختاري لك يوم بنهايه الاسبوع مثل الخميس حطي الحنه فيه ولا يطول عليك اربع ساعات

واذا انتي ماتقدين تصبرين عندك جهاز البخار للشعر حطي لحنه ثم اجلسي تحتها نص ساعه واغسلي شعرك

ويشهد علي شعورنا يوم كنا صغار وامهاتنا تمرخنا بالحنه

حتى ولله بريول المدرسه وشعور امهاتنا وش كان يحطون بيض ولا طماط ولا ماينيز ولله مايعروف غير الحنه والرشوش

ولله ثم ولله ان ماتسنع شعرك وصار يجيب العافيه ماكون بنت ابوي

اي وعندكم بعد زيت الخروع تروحين تحطين دهونات مدري وشلون قايله

عليك بزيت الخروع يوم وترك تحطينه ومع الحنه نهايه ااسبوع ولله ان شعركم

يصير غضب عاد تدورون زيت يطيح شعركم

هذا ولله نصيحتي للبنات حطو حنه + زيت الخروع

وبشروا بالسعد << نصيحه عجيز

بس ولله من حر مافيني

انا ولله جربت خلطات ماخليت وحده مانشدتها ولا جربتها صحيح فيه فايده بس تتعبين ولله وانتي مغير تعجنين وتحطين وتنطرين

وهم بعد يابنات لابغيتو تغسلون شعركم بشامبو لاشامبوات ولاخرابيط

والله مافي نثل صابون الرقي (الغار ) ويشهد على كلامي شعور الشاميات ماشالله

بس مايغسلون شعورهم غير بصابون رقي ولله اني انا جربتها لي سنه من اسويها قسم بالله شعري يجيب العافيه

وشعور بعد بنات اخوي مانغسلها غير بصابون الغار

اشياء بسيطه وسهله بس حنا فساقه نبي الشي الصعب وكل ماصار صعب نظن انه صار احسن

ولله يالربع هذا قولي لكم ونصحتي لكن وانا ابي لكم الزين

والزين ترى غسال ايدين اهم شي الصلاح ورضى ربي ثم رضى الوالدين

ويالله طق باي