مرحبا اخواتي
انا مجرد قارئه وارد اكثر من اني اكتب مواضيع
لكن الي جلست اقراه خلاني اجزم على كتابة هالموضوع
الي لاحظته بهالقسم ان كثير من الحريم يستشيرون في مواضيع تكون بينها وبين زوجها
وتعطي كل وحده من العضوات رايها على حسب وش عندها من زوج ولااخ ولااب ولاولاولا
يابنااااااااااااااات
كل وحده اعرف بزوجها وطريقة التعامل معه
يعني مو كل زوج تمشي معه المقول تغلي عليها تزيدين غلى
او ازعلي يجيك يراضيك وبيحس بالذنب
او روحي كم يوم لاهلك عشان يجيك ولهان
او لاتتكلمين بكلام الحب كثير يتعود عليه
يابنات كل واحد وزوجها فيه رجال يمشي معهم هالطريقه وفيه رجال لا
زي الليالي الرومنسيه
فيه رجال يستاهل التكلف وفيه رجال مايهمه
ويحب طريقة ابداء الحب له بطريقه ثانيه
سواء طبخ
او تودد لاهله
او يطلب الشئ يلقاه على طول جاهز
او تمتعينه بحقه الزوجي
اواواو
او مره قريت مع احترامي لصاحبة الموضوع
سوي حركه لزوجك تبين حبك عنده
انك تخبي بالدولاب واكتبي ورقه اني زعلانه عليك ورحت لاهلي
وخليه يدور عليك لين يتعب بالبيت وبعد شوي اطلعي
انا اتخيل نفسي اسويها طبيعي موقف زوجي عينكم ماتشوف الاالنور:35:
غير ممكن يموت ويركض ركض يسابق الريح
ممكن وحده ثانيه يقول احسن ويبدى يتكلم بكلام يصدمها طول العمر:06:
لذلك قيسي قبل كل شئ على زوجك وش يحب
والذكيه تعرف تتعامل معه
اياك واياك النصايح الي مدري وش تبي
خذي المناسب وارمي الي مايناسب
والرجال ماهم واحد زي مالحريم واحد
اتمنى موضوعي خفيف عليكم وحبيت اكتب كم كلمه من غلاكم عندي
الله يسعد الجميع مع ازواجهم
= محد قدي = @mhd_kdy_2
عضوة فعالة
يلزم عليك تسجيل الدخول أولًا لكتابة تعليق.
اسى2008
•
والله يسعدكي ***** الله انتي كمان فعلا كلامك صح ميه بالميه دايم لاما اقرا بعض مواظيع تتعلق بمناسبه بين الزوجين او افكار غريبه شوي مااتخيل اني اطبقها ولو طبقتها ماراح تعجب زوجي ابدا لان على قولتك اطباع الرجال تختلف مشكوره على الموظوع الرائع
صااااااااااااااااااااااااااااااااااااادقة والله
احيانا اموت قهر من بعض الردود احس انها بتخرب البيت مو تبنيه
الله يهدي الجميع والعاقله بتعرف تاخذ اللي يناسبها
احيانا اموت قهر من بعض الردود احس انها بتخرب البيت مو تبنيه
الله يهدي الجميع والعاقله بتعرف تاخذ اللي يناسبها
الصفحة الأخيرة