انا معك بكل كلمه قلتيها

ماعليه ماقلنا لا عرسها وهي ليله بالعمر بس المعازيم اللي جايينك ومقدرينك لهم احترام ولهم تقديرهم خصوصا الكبار في السن

مااتوقع انها اذا تنازلت عن هالأشياء احترام للناس الموجوده بيدمر زواجها ولا تعيش تعيسه مع زوجها طول حياتها

انا اكره دخول المعرس من اصل وشوله يجي يترزز قدام الحريم انت رجال رح انثبر مع الرجاجيل ولا التصوير ويطفون اللمبات وتغطوا تجينها كاشخه وفي الأخير ينحاس المكياج والشعر واذا حصل حر بعد وماتقدرين تتنفسين :09: كملت وكله عشان ست الحسن والدلال تبي تتصور وليتها تقضي بسرعه على قولتك تتمغط

انا هالاشيا ترفع ضغطي بعد تبويس وقلة حيا << وش ذا عما ماعاد فيه حيا ابد

لو انا منك دقيت جوال على زوجي وخذت عباتي وخليت لهم العرس باللي فيه

بس اللي استغرب له العرس للعروس والمعازيم بالطقاق ماعليه تستانس بس بحدود واللي عروسهم كذا ياليت مايعزمون من اساس ويخلون عرسهم لهم ويرحمون حال خلق الله

ويييين خييير حنا بامريكا لاوالله اللي سوته موب عادي الاقلة حيا وقلة ذوق وانا مع صاحبة الموضوع في انتقادها واذا كانو حضرتهم مانين علينا بالعزيمه وبيقلون ادبهم فدامنا ولايحترمون مشاعر الحضور ياختي اجوز بلاهم هم وعرسهم صحيح اللي اختشو ماتو الله يعافيهم ولا يبلانا

اولا حركة البوسه عيب وبعدين هي ما تخاف من العين ناس ما سووا الحركات هذي وما سلموا قعدوا بالشهور عند الشيخ يرقيهم !!!

الله يعافيهم ولا يبلانا ...

انا بزواجي كنت عادي ماخفت ولا استحيت لاني مابعد استوعبت شي فقلت ماله داعي اسوي نفسي خايفه وحالتي حاله

فكنت ابتسم واسولف وعادي بس ماتوصل اني ابوس زوجي قدام الناس احسها قلت ادب على الاقل احترمي الي قدامك

والي تقول موب حرام موب حرام بينهم بغرفة نومهم ماعندهم احد موب قدام الله وخلقه <<< وين الحيا وهي تبوس زوجها عند هالعالم


وانا مع صاحبة الموضوع ماله داعي تقعد تمفط لنا ساعه وهي تمشي والا صار عرسها هي عازمتنا تبي تحترمنا وتشوف خاطرنا والا لاتعزمنا من الاصل

مافيه شي تمشي وتنزف على راحتها بس مو تقطعنا من الساعه وحده الين ثنيتن وحنا نناظرها وهي تمشي ؟؟ عسا ماشر ؟؟

يعني ماتصير الزفه الا الين تقعد تحبي وكنها تمشي على بيض !


وفيه موقف بعد اذكره يومني صغيره <<< عقب الهوشه جا خخخخ

كانت العروس والمعرس عند الباب مابعد دخلو وهي تكرفست وطاحت جزمتها وماكنت واضحه انها متكرفسه بس زوجها اخذ جزمتها وشالها بيعطيها اياه وانهبلنا نحسبه بيضربها فيها لانه جلس يستهبل عليها خخخخ <<< فاضي

قسم بالله عاااااااااااااالم ايش هذا الحين البوسة على الفم قدام خلق الله صارت عاااااادي !!!!!!!!!!!!!
ليييييييييييييه وين عايشين حنا فيه ؟؟؟؟!!!!!!
و إللي تسوي كذا قليلة أدب و وقحة و ماصدقت تتزوج ليش بهايم احنا مافي ذرة حيا !!!!
لا و تجيك وحدة تقول الناس تطورا !!!!!! من أي منطق هذي تتكلم يعني حنا هبل نمشي ورا أي شي متطور بدون تفكير !!!
ويإللي تتكلمون بالحلال و الحرام اصلا لو جيتي للشرع دخول الرجال على الحريم وقت الزفة حرام و أسألوا أي شيخ و شوفوا أيش يرد عليكم ..