والله يا بنات مابتصدقوني ان قلت لكم البشاره الثانيه

السلام عليكم
والله يا بنات اقول لكم شنو صار من غير اضافات
دعيت لكم امس بالليل كل اللي شاركوا بالدعاء لي سواء كتبوا او ماكتبوا مثل ما وعدتكم ودعيت لنفسي اشوف حقي بوحده من اللي ظلموني بلسانها وتيقنت الاجابه قبل لا انام حمدالله احساس قوي من ربي اني بشوف بعيني
وربي حمدالله استجاب
اليوم يت اللي شافتني وانا طايحه بالارض بعد مانطقيت وسلمت علي ورديت السلام وانا علاقتي فيها مقطوعه فقامت تبي تفتح مواضيع تسولف معاي مافيه بالدوام غيري انا واهي والمسئوله مسكره باب مكتبها عليها جان تناديني باسمي انا طبعا قلت لها نعم !! باستغراب واستنكار جان تقولي ساعديني وكتبي التقارير عني وتضحك فقلت لها الله يعينج من باب الادب واني مااحب احرج احد فقامت تسولف بمواضيع مختلفه وتروح وترد علي وانا مالي خلقها لين فتحت بنفسها الموضوع اللي حصل وقمت سحبتها على بوزها عشان اقررها فيه حصل او لا موضوع الطق والسب اللي انتوا عارفينه اهي الشاهد الوحيد على اللي حصل فيه سمعت الروسيه تسبني بكلام وخل بس ماشافتها تطقني بس شافتني طايحه بالارض
قالت لي انا الحين اقدر انام وانا مرتاحه بعد ماصفت القلوب بينج وبيني والباقين لانه احنا كذا وحده قطعنا علاقتنا فيهم من بعد ظلمهم لنا ولمن يت تتمسح فينا مارديناها ولا احرجناها ولاني عطيتها مجال تسولف معاي اليوم وانا صحيح مو قادره اردها لاني انحرج ومااحب بس من داخلي احترق ليش سوت فيني اللي سوته وسكتت على ظلمي وماشهدت بالحق بالي شافته !!!
جان تقول الحلو بالمسئوله اليديده انها صفت القلوب قلت لها مو كل شي ينسي واللي له حق بياخذه ان شاء الله من الله جان ترد اي اكيد جان تقول انا زعلانه منج قلت لها شنو سويت فيج وانا عزا ابوج ماقصرت فيه وهم لمن رديتي الدوام ماغلطت بحقج خير شر وانا ممكن انسى لكن الا الروسيه اللي طقتني قالت انا ماشفت اللي حصل قلتلها بس شفتيني بعينج طايحه بالارض قالت اي شفتج وانا قلت للروسيه ماكان له داعي توصل لهالمواصيل !!!!!!!!!! (شوفوا يعني اهي عارفه انها فعلا طقتني ومتاكده من هالشي وقالتلي اهي كانت معصبه وايد وصار اللي صار طيب وحقي انا يضيع عشان اهي عصبت وطقتني وسبتني وين ضميرج ماشهدتي بحق تبررين لها وانا طاااااااااااف )شفتوا بنات تبي ضميرها يرتاح وتنام براحه وين تنامين براحه وانا قلبي محروق على حقي والظلم اللي شفته هذي وحده
الشي الثاني البنت هذي كلنا كنا نشوفها ويها فيه شي متغير استغفر الله الله مسوده وهالشي انا كنت اسال فيه كذا وحده يقولون لي نفس اللي اقوله المره اللي طافت والمره هذي شفت ويها منور وهم سالت وحده وقالتلي فعلا حتى اهي قامت تطالع فيها بس خافت البنت تشوفها معقوله يا بنات ضميرها صحى وتبي الله يسامحها ؟
وشنو اسوي يا بنات اقول لها تبين ضميرج يرتاح وابطل ادعي عليج ليل نهار روحي شهدي باللي شفتيه بالحق مابي اكثر بصراحه ماني مستحمله اشوفها واكلمها عادي وبقلبي حسرتي واهي سبب في ظلمي انتظر ردكم بنات وسوري على التطويل