السلام عليكم ورحمة الله وبركاته
وشلونكم يا احلى من الورد...واصفى من العسل
وكل عيد وانتم بخير وصحة وسلامة
وحشتوني ..تصدقون ولا احلف
هذا يا طويلاة العمر على طاعة الرحمن
شفت حركة حلوه من وحده من القرايب بارك الله فيها وفيكم
وحبيت انقلها لكم
هذي وحده من جماعتنا كانت مقصرررره جدآ جدآ في قرأة القرآن وصلاة النوافل
حصل وجمعني الله فيها في هالصيفية ولاحظت شغله
وهي انها قبل تصلي تخلي القرآن على طرف سجادتها ...وتقوم تصلي الفريضة واقفة عادي
واذا سلمت تذكر اذكار الصلاة....ثم وهي جالسه " متربعة " تكبر وتصلي ..صلاة ورى صلاة ..ركعتين ورى ركعتين
وكل ركعة تقرآ صفحتين ثلاث اربع وماتسير من القرآن
وماشاءلله عليها ما يقطعها من الصلاة والقرآن ..إلا شي ضروري او ان المكان اللي هي فيه امتلى ناس وهرج وسوالف فتكتفي او تكون خلصت وردها اليومي
وسبحان الله لاحظت انها اذا اخطآت بالقرآن تصحح لنفسها وتسمع لنفسها..يعني مجتهدة
المهم وتسألها زوجة اخوها وهي تضحك
قالت وانتي بس تصلي وتجلسي يا دبة<< تقولها بحسن نية
فدخلت انا عرض قلت بس ماشاءلله عليها دبة لكن متسابقة منتازة مع كثرة الركاعات اللي ركعتها <<<مدخل ابي اتعمق في تغيير حالها وهي اللي كانت هاجرة القران
قالت والله وش اسوي قرآة القرآن وانا واقفة تشق علي...فصرت اقرأ وانا جالسه
قلت لها بس اشوفك ماشاءلله عليك تصلين!!
قالت يختي في الاول كنت اذا خلصت الصلاة الفريضة..اجلس و افتح المصحف واقرأ صفحات
حتى احس اني مجهده
وتذكر اني ماصليت السنة..فتكيسل منها وما اصليها
وكنت احزن ودي اصلي و ودي اقرأ ..فمكان فيه توازن
الين ربي يسر لي وشفت بعض المشايخ يقولون ان السُنة يجوز تصليها وانت جالس..حتى لو كنت بخير مش مريض
والشيخ ابو اسحاق الحويني يقول :تقدر تصلي 11 ركعة في الليل وبـ آية وحده...وماتاخذ منك ربع ساعة
اهم شي انك وصلت للغاية و طبقت الحديث وصليت الـ 11 ركعة مثل ماكان الرسول صل الله عليه وسلم يعمل
لكن تاخذ نص أجر القائم
7
7
هنا المقطع
http://www.youtube.com/v/Y1uO46f8Ze4&feature=related
WIDTH=400 HEIGHT=350
فقلت ليش ما اقرأ القرآن وانا في صلاة؟؟!!
وشي احسن من لا شيء
تقول: فمن يومها صرت بعد الفريضة اجلس اقول اذكار الصلاة وابدأ اصلي السنة ..سواء كانت صلاة الضحى او الشروق او الرواتب او الليل
وبديت بأية مثل ماقال الشيخ.. وشوي شوي صارت كم أية,,وتطور الامر وصارت صفحة ومع الايام صارت صفحات
فصرت"اقرأ الفاتحة وبعدها افتح المصحف واقرأ منه ماتيسير واذا تعبت ركعت ...وارجع اكمل القرأة بـ الركعة الثانية..بدون تعب..وهكذا
وكله وانا جالسة"
وبكذا جمعت طاعتين في طاعة .. وبأذن الله كسبت الأجرين... وما صرت اهجر القرأن
وتقول انها كانت تقرأ القرآن بشكل عشوائي ..يعني تفتح على اي سورة سواء من اولها او من وسطها وتقرأ
لكنها تقول لقيت الافضل اني اقرأ من اول القران.. وكل مره اصلي اكمل من مكان ماوقفت وهكذا
وصرت أختم القرآن مرات كثير ..أختم وأرجع أعيد من جديد..
قلت كم تاخذين في الختمة قالت على حسب... مره بالشهرين .. ومره بثلاث شهور
فقلت في قلبي سبحان من غير حالك من هاجره الى خاتمة للقرأن :heart:
/
/
فلي منكم يا اخواتي مثلي تحس بالتقصير و انها هاجرة للقرآن ...واللي تستثقل صلاة النوافل
هذي طريقة حلوة وخفيفة تصلح لنا احنا يا المقصرين..نقلتها لكم لعل الله ينفعني واياكم بها
طريقة ندمج فيها طاعتين في طاعة فريضة مع سنة ونكسـب فيها اجرين بأذن الله
.(( لو ركعتين في اليوم..لو ركعة اخر الليل ))
اهم شي يا اخواتي نحاول مانهجر القرآن ولا نترك السنن
وحذري يا اختي تكونين ممن يشتكيهم الرسول عليه الصلاة والسلام عند ربه بهجران القرآن
(( وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا ))
وحطي في بالك يا اختي ان من يتبع سنة النبي عليه الصلاة والسلام في الدنيا هم اللي يتبعونه على السراط
اسال الله ان يجعلني واياكم من أهله وخاصته ..ويرزقنا حـب اتباع سنة نبينا صل الله عليه وسلم على مايحب ويرضى
آمين
WIDTH=400 HEIGHT=350
WIDTH=400 HEIGHT=350
http://www.youtube.com/v/fQa2jFpQkPY&feature=relmfu
WIDTH=400 HEIGHT=350
احبكم في الله
:26: