هههههه وش هالحتسي .....لاتوسوسين بهالمره مابوه البيت شي الا عدم تفاهم من الطرفين
هي تشد معه وهو يعاندها
لي حتسوه طويلة معتس ياصاحبة المشكلة
بس خذيها مني وتقبليها بما انك طلبتي مشورتنا
واختتس اللي تبي مصلحتتس هي اللي تعلمتس بعيوبتس قبل مميزاتتس

قصتك بتشبه قصة ام الوليد سبحان الله
الله يفرجها عليك وعليها

البنات ماقصرو
ورددي في سجودك اللهم الف بين قلوبنا واصلح ذات بيننا واهدنا سبل الرشاد
يامالك الملك وكلتك همي فبشرني بما يسرني
اللهم ياولي نعمتي ياملاذي في كربتي اجعل ما اجد منه وأحاذر منه برداً وسلاما
اكثري من الصلاه على النبي عليه السلام
اكثري من الاستغفار
اجعلي يومك كله ذكر
وبأمر الواحد الأحد بتزين امورك
اسأل الله لك ولنا السعاده اجمعين🌹

صباح الخير اخيتي ....صاحبة المشورة
مابي اقول مشكلة .....ان شالله مامن مشاكل
اختي ...عزيزتي اول شي مابي اقول الا انك تجددين علاقتك بربتس من صدقة بنية تسخير زوجتتس لتس وقيام الليل والورد اليومي
ثاني شي زي ماقالو الاخوات هنا خوذي حبوب فيتامين د يمكن يكون عندتتس نقص ,,,,
عقب ناظري لمشكلتتس من عين العقل واعتبري زوجتتس ولدك وتبين تتعايشي مع هالموقف
اولها....انفصلي فكرياً عنه بمعنى لاتوقفين له ع الحبة وكل ماقالتس شي شبتي علية واشغلي نفستس كل مافضيتي باطفالك ونفسك واهتممامك واقري كثير كتب قران مجلات تابعي شي ع التلفزيون (المعنى ) انك تشغلين روحتتس جى ولا راح ماتتعبين نفستتس بوه
وهو بعد بيشتاق لتس لمن يشوف منك اهتمااام وبنفس الوقت مانتي شاغله نفستتس بوه...قومي بواجباته كلها ولاتقصرين باي واجب لانها بالاساس حق عليتيس ..... استمتعي بكل شي تسوينه بحيااتك لاتتذمرين من شي تسوينه وتجلسين تعددينه علية عيالتك .... بيتك .. امك ... تمشيتنا ... نفسيتي
تعاملي مع زوجتتس برقي ودلع وحب خلو عنكم حركات المراهقين احضرك وتحضرينه ع الجوال او الواتس كله نفس بعض .....منك ولا منه ناقشية بادب واحترام اذا زعجك باي موضوع ...خلي عنك عتب الجوال ولا رسايل الجوال وبعدها تعطية بلوك
ياسلام يعني تحتسي وتعاتبي وبعدين بلوك طيب له حق يرد وانتي اسمعي منه ..بس لمن هو سواها بتس انتي زعلتي ..غرفة النوم لكم كلكم ان طردك منها قولي ذي غرفتي زي ماهي لك ماتبي تنام نتناقش وزعلنا شي ونومتك هنا شي اخر (واحلفي علية مايطلع) مو عيب لاتوصلون علاقتكم لهالحد
ماتدرين يمكن زوجك مديون مهموم مايبي يرجع البيت ينتظرة موشح من المشاكل والطلبات والهموم .....انا مو ضدك ابداً بس الزوجه سكنى لزوجها واطفالها ومملكتها اذا مالقى منك الحضن والتفاهم والحب بيلاقية وين عند غيرك ؟؟؟
لاتزعلين مني انتي احسك واقفتله ع الحبة .....مرات تقولين اكرههه مابي اشوفه وتزعلين اذا ماطلعك من البيت
ومرات زعلانه ليش بلكك ع الجوال وانتي مبلكته ع الواتس .....ز طلبتي السوق ووداك الضعيف عقب تعاتبيه ليش ماطنش اصحابه عشانك ...وانتي ماطنشتي السوق لانه تعبان ومو طايق نفسة ....تهاوشينه ان عيالك تعبوك بالسوق يعني وش تبينة يرد عليك وانتم اصلاً العلاقة بينكم متوترة ؟
مفروض وهو وداك السوق وبهالوضع كان جبتي له معتس شي اي شي ....ودردشتي معه بكلام لين وحلو (اليوم انبسطنا وعيالك غيرو جو عن البيت ...كان نفسي كنت معنى شفت شي اعجبني حبيت اخذ رايك بوه)
وهاذا مانسيتك من هالشي وعطيتية
مو داخله حرب مع اطفالتتس وابوهم بس مجهزة صواريخ تبي تفجريهم به....ماترتاحي الا بهواش ...ومحد تعبان الا انتي لدرجة فكرتي بالانفصال (وانا متاكدة انك انتي اللي بكل هوشة تطلبي الطلاق لدرجة زوجتتس استصاغ الموضوع ,,,,
ياقلبي عيدي النظر بحالتس محد بيحل مشكلتتس الاانتي
والله ويفقك ويصلح حالك

عشان نفسيتك تعبانه وتراكضين بالشغل والعيال
لا شكر ولا عرفان ولا كلمه حلوه
انتي مليتي من الروتين
هو دوام واصدقاء
وانتي نوم وشغل وعيال
مالك هدف ولا شي اكيد بتملين ويجي خمول زضيقه ونفسيه وتكرهين كل شي وحتى شرب المويه
النفسيه ثم للنفسيه ارجعي لردي وشوفي
لا توسوين بنفسك كل الناس بيوتهم زينه واثاث وسفريات وبخير ونعمه
بيتك مافيه الا العافيه
وكثير مايحب يشغلون قران وقت النوم عشان الصوت
وعموما الرجل لو شاف القران قال موسوسه خاصه لو بعد مشكله
بس لو متعود ان لك ورد يومي وتختمين القران في اقل من شهر ومعوده عيالك ع الاذكار ماقال طفيه