حبيبتي....... حركات هذا الرجل مالها داعي والظاهر إنه متورط مع الثانية ويبي يورط أخوياه ولا لو كان مبسوط والله إن يكتم على الموضوع أقلها يخاف من العين .. وياما رجال سووا نفس حركته وبعدين اكتشفنا المتخبي .. ولو عاقل مايقول هالكلام وياكثر الي تزوجوا على زوجاتهم ثم تندموا لأنهم اخسروا الأولى و ماحصلوا الثانية .

لكن ممكن تشغلين كيد النساء لأن بعض الرجال مهما كنتي طباخة مايعجبه الا طبخ الجيران

سوي له طبق مرتب مرة وحاولي إنه يكون جديد وبطبق جديد وقولي هذا من الجيران وشوفي وش يقول .. وبعد فترة صلحي نفس الطبق وقولي أنا صلحته وشوفي الفرق بين كلامه اول وهالحين .. طيب تسألين ليش اللفة الطويلة هذي ؟ أقولك علشان تقنعيه بدليل عملي وواقعي إنه لما يكبربعينه العمل اللي قام به غيرك إن هذي حاجة نفسية وإنه لازم يراجع نفسه عند هالنقطة .. والله يوفقك..

هلا اختي العزيزة وش اقول لك انا مريت بنفس الي تقولين
ولا وانا كنت لسا عروس وكان هذا الرجال قريب لزوجي بنفس الوقت
صديقه المقرب حتى واذكر واحنا كنا بشهر العسل كان زوجي يتكلم
عن زوجة قريبه ويقول شكلها سنعه والله عليها طبخ وانا والله ساكته مادري وش اقول حتى كان
يقول انها زوجة قريبه ودها تعرف عليك تخيلو وانا لسا ماشفتها ... ودارت الايام ويوم تقابلتا
والله انها كانها متوصيه فيني كان بيني وبينها ثار بس تغلطني وتخليني مااعرف قدام اهل
زوجي واشياء كثيرة توجع القلب_ جددتي المواجع ياشيخه_ :: بس تدرين وش سويت رحت وفتحت عالم حواء الله يجزاكم كل خير واخذته من الطبخات الغريبه واللي اشكالها جونان ورحت وطبقتها وكل يوم وانا اسوي شي جديد وصار اللحين ماعمره يجيب طاريهم اصلا حت خفت الزيارت مو مثل اول
بس انتي لا تسوين شي
بس خليك سنعه واخوذي من الطبخات اللي بعالم حواء وزيني شكلها ولله راح ينبهر
ويقول في نفسة انك احلى طبخ منها اهم شي يكون شكلها مرتب وتصير حركه جديدة يعني مثل حركات المطاعم .... وادعي الله اهم شي الدعاء ان الله يبعد عنك شرها ويحفظ زوجك ويتك لك
والله يخليك قرة عينه ولا يشوف من نساء الدنيا غيرك
اللهم امين ولا تنسين دعاء الهم والاستغفار...
خخ تو انتبه ان بربتي كثيرة خخخخ بس اعذريني تفاعلت
******************88

وش ذا الرجال الماصخ اللي يوصف زوجته

السلام عليكم ورحمة الله

اول شي هو مامدح زوجته الا انه هو نفسه فيه نقص

عندي ثنتين صديقاتي

وحده زوجه اولى والثانيه زوجه ثانيه

والله العظيم وعلى مااقول شهيد

انهم مشاااااااااكل سواء اللي الاولى او الثانيه

تدرين وش يسوون ازواجهم اذا كلمو اصدقاهم؟

بس يمدحون في الزواج الثاني

تقول صديقتي ( الزوجه الاولى )

تقول يجي لمي مثلا توه متهاوش معها ( اللي هي الزوجه الثانيه ) ومتذابحين

واذا كلم صديقه يجلس يمدح في نفسه انه مبسوط وان كل وحده تدلعه وتشوف رضاه

وهو نصااااااااااااب

بعدين تسأله صديقتي تقوله ليش تقول كذا لصديقك؟؟

يقول مابي يدرون اني تدبست بالزواج الثاني

وابي ابين لهم اني مبسوط مع اني مانبسطت عشان مايستهزءون فيني واني ماقدر على حرمتين <<< شوفي التفكير

هذا كلام الزوجه الاولى

اما صديقتي اللي زوجه ثانيه تقول

اذا جا لم البيت تعالي شوفي بس يمدح فيني عند اصدقاااه

هذا من ام فلان هذا سوته ام فلان او اذا سافرو يقول ودووني لم المحل الفلاني ان ام فلان موصيتني اجيب لها غرض لاني مااقدر ارجع من السفر وانا ماجبت غرضها من غلاهااا<< وهو يكذب بالاصل مايوديها للسوق ولا يجيب اغراضها الا اهلها واذا قالت ابي شي يقول خلي اهلك يودونك انا مشغوول الى رااسي



تقول والله العظيم انه يقهرني اذا مدحني عند اصدقاه او انه يلبي كل طلباتي من غلاي وحبه لي وهو يكذذذذذذب ليته صااادق بنص الكلام

مشااااااااااااااااكل وبروووووود بالبيت وبالفراش وبكل ششششي

وتقول كذا مره اهوشه اقوله حرام عليك تمدح كذا وانت بالاصل مو مبسوط

يقول الا مبسووط من قال اني مانب مبسوط << يكذب على روحه

تقول حياتنا شي وكلامه لاصدقاه شي ثااااااااااااااني


خلاصة الكلام << بدررري

ان اللي يمدح زواجه الثاني اعرفي انه يكذب ومتدبس وفيه نقص بزواجه الاثنين

ولايبي يقولون عنه اصدقاه انه متدبس بالزواجه الثانيه فيبدا يمدح فيها

وانتي بدورك وصلي له الكلام بطريقه او باخرى ان مايمدح في زواجه الا انه متورط

واسفه ياحبيبتي على الاطاله بس تحمست بالموضوع وطلعت ماعندي...

صدقيني متوهق ويبي يوهقهم مثله