واللي يعافيكم أبي حل ...

السلام عليكم ورحمة الله وبركاته...

أبي آآآخذ أرائكم في مشكله صايره لوحد من صديقاتي..

وأبي أساعدها لكن عجزت أوصل لحل يناسب للمشكله..

الموضوع ومافيه..

إن صديقتي تحب شخص من أيام الطفوله...

ويوم صار شاب فاتح أمه بالموضوع وأمه موافقه على البنت لأنها بنت ناس طيبين ومحترمه ..

وهوه كان يلمح لأبوها إنه يبي يتزوجها..

لكن لأنه بيكمل دراسته بالخارج ماتقدم لها بشكل رسمي..

وشاءت الأقدار إن أمه وأبوه يتوفون..

وصار هوه المسؤول عن أخوانه لأنه الكبير ..

وكلهم أصغر منه ويبيلهم من يهتم فيهم...

المهم...

وحده من خالاته أرمله وجت تعيش معاهم عشان تربيهم..

وبعدين كانت تبي تزوج هالشخص .. يعني تبي تفرح فيه...

وقالت له عن بنت أختها الثانيه..

هوه رفض هالشي لكن خيرته إنه يتزوج بنت خالته أو إنها تترك أخوانه...

المهم إنه وافق وهو مايبي.. والحين هوه يدرس بالخارج..

ويقول لصديقتي مافيه حل إلا إنها ترضى إنها تكون زوجته الثانيه...

وأهلها ماراح يوافقون على إنها تكون زوجه ثانيه...

والحين فيه شخص متقدم لها..

وهيه مو عارفه إيش تسوي ..

تنتظر الحبيب لين يكمل دراسته وتكون زوجته الثانيه...؟؟

أو توافق على اللي متقدم لها...؟؟



أبي رأيكم في الموضوع..

أنا أعطيتها رأيي لكن حسيت إنها مو مقتنعه فيه...

عشان كذا قولت بأدور لها عن حلول ثانيه...

..............................

تحياتي...