السلام عليكم بدخل بالموضوع على طول
انا اخوي الكبير متزوج من وحده الله يهديها مدري وش تحس تموووووووووووت وتسوي معنا مشاكل بدت ببوي وتشكت منه وخلت اخوي يفتحلها باب خارج البيت بحجة انا ماتبي عيالها ينزلون لاهلي تمام قالو احسن اصلا عيالها لو تشوفونهم يحزنون ماهم عيالها غير بالتسوق على قولت خواتي انواااع الملابس والا حالهم يزري نحااااف ومهملتهم في الشارع والا عند اهلي بعد ماسدت الطريق الي داخل البيت وصارو يخرجون الشارع والا عند اهلي المهم صارت مشاكل بيني وبين اخوي بسببها اني مابيها وانا والله يابنات انها يوم تروح فرح مع امي امسك عيالها هذا اول بعد ماعرفتها سحبت عليها وقعدنا حول السنتين مانكلم بعض ولا حتى اسلم عليها وماكذب عليكم مني وتوسط ابوي لها عندي وقال مايصير تقاطعينها وانا مابرد ابوي بس قلت يابوي والله لو تكلمت معها بتقلب الهرج وتسببلي مشاكل يوم قاطعتها مرره الحمد لله مالقت كلام تقوله علي
ومره تبلت على زوجي انه هاوش ولدها بالمدرسه وبالفصل وراح اخوي وسب زوجي وبغت تصير مضاربه بينهم لولا اهل اخير زوجي زعل وقال والله ماسيبه راحو الاثنين المدرسه ومعهم ابوي واخو زوجي والمدرس شهد بالحق قال والله لاكلمه ولاشئ فقط دخل ولده الفصل لانه متاخر واعتذرلي عن التاخير واخوي بعدها هاوشوه اهلي وجو واعتذر من زوجي ومني
والله والله يابنات ان اخوي حبيب وطيب وكريم واذا طلبتيه ثوبه الي عليه مابخل عليك وحنا نحشمه بس الطيب ما خذ وحده مثله
لاتقولون يمكن مو هي الا اخوي قال زوجتي كلمتني ان فلان سوا في ولدي كذا بالمدرسه والولد يشتكي منه
المهم بلعتها وقلت يابنت عشان اخوك وتوسطلهم ابوي وقال لازم تسامحين معها عشاني عشان ماتحطك براسها وامي قالت هي تبي تفرق بيننا اكسبي اخوك بصفك
قلت تكرم بها يبه انت وامي بس سلام والاحوال طيب قالو طيب
صارو عيالها عندي في اي وقت وهي ماغير نااااااااااايمه او عند اهلي في الظهر في العصر في الليل تخيلو ماشاء الله اولادي انيمهم بعد صلاة العشاء واسوي العشاء بعد المغرب عشان يشبعون نوم والفجر يصحون وعيالها يجوني الساعه 11 ونص يبون يلعبون مع اولادي انا وزوجي منهبلين زوجي يقول حرام يصير فيهم كذا بنشف مخهم من قلة النوم ووالله اني مو منه بس حرام يجوني جيعانين ويفتحون الثلاجه اني اباشرهم مثل عيالي صرت اول مايجوني اعطيهم ياكلون مع اولادي مع ان اخوي مايقصر عليها واسالهم حبيبي امك مو صاحيه المغرب على اذان يقول لاامي نايمه
ياربي وش هالناس اول تقولي انا مابي ادلع عيالي مثلك اي شئ اسويه ياكلون لاني استشيرهم وكلا على هواه تقول انتي تخلينهم يتمردون عليك وش هالتمرد الله لايبلانا
واخر ماتوصلت اليه انها تطرد اولادي اذا راحو مع عيالها انا اقول لاتروحون عندهم خلو عندكم كرامه ياماما ماتبيكم يقولون جدتي ماتبي الكوره وحنا نروح معهم نبي نلعب معهم طفشنا من بيتنا
بلشت مع عيالي عيو يفهمون علي وما لومهم صغار وانا لو تشوفون بيتي النجف الكرستال صابه تساقط من كثر مايحذفونه بالكوره بس احب على قلبي عيالي اموووووووت فيهم ومابي اقيدهم لو ماخذو راحتهم في بيتهم وين يرتاحون بالشارع وهي اهم شئ البيت التحف النجف والله ان عيالها احيان يجوني يكونون اولادي مو موجودين ويلعبون عندي كوره بالصاله واخليهم احزن عليهم وولدي يقول اطردهم زي ماطردتني امهم اقول لالالالالالالا انت رجال والرجال مايطرد ضيفه هي سوت باصلها وانت تسوي باصلك
بس زاد حالها يوم يقولي ولدي يمه البارح رحت معهم بلعب سوني صكت في وجهنا الباب انا هنا خلالالالالالالالاص خير وصلت تصك الباب في وجه عيالي كوره وقلنا تكسر القصر الي عايشه فيه والسوني كمان ممنوع
ههههههه هي ماحنت على عيالها من لحمها ودمها عشان تحن والا تستحي على عيال الناس
قلت لزوجي بمنع العيال مايروحون عندهم الولد تعقد منها قال زوجي هذه وحده مريضه الله يعين اخوك عليها انا لو منه احط عندهم شغاله والله ابرك منها
للعلم اخوي قد طلقها ويرجعها عشان العيال ولافيها فايده
الان وش اسوي معها ارجع اقاطعها واقول لاخوي الي تسويه مع ان امي قالت هو يدري مره طردتهم هم وعيالك وهو موجود بس سكت وراح معهم ودخلهم البيت وهي تهاوشت معه
انا مابي اسوي مشكله لاخوي طيب ومايستاهل بس عيالي كمان ازعل فيهم والصغار مايفهمون يوم يتجمعون يبون الوناسه وبس مايفكرون مع اني نبهت عليهم عيالي كثييير بس الله اقوى
دلوني انا راسي بينفجر مابي اطرد عيال اخوي ضعيفين والله حشمهم بحشمت اخوي وعيالي يبونهم يلعبون معهم ومقههههوره منها بالله انتم حطو نفسكم مكاني مرت اخوك لاطه عيالها عندك ويوم يروحون لها تطردهم وبهمجيه
ولدي الكبير الله يحفضه حسسسسسسسساس مره ويتوعد فيهم يقول هم ماهم برجال ننطرد قدامهم ولا يعبرونا ويجونا وحنا نكرمهم وهم مايكلفون نفسهم يدافعون عنا ويدخلونا ماعاد ابيهم ولا ابي امشي معهم هذا الكلام قبل يومين وانا مدري محتاره ويلي ولدي ويلي اخوي مابيه يزعل ويقول تطردون عيالي
ادري طولت عليكم بس الله يخليكم شورو علي ياخوات
خلصت الاسامي ياهوه @khlst_alasamy_yahoh
عضوة فعالة
يلزم عليك تسجيل الدخول أولًا لكتابة تعليق.
يختي دقي عليها وهزئيها والله تطرد عيالك وتسكتين
كل شئ ولا عيالي
وبعدين لاتقولين اخوي ومااخوي اسمحلي اخوك ماله شخصيه
وهذي تبي احد يوقفها عند حدها لو اخوك يشد عليها عرفت تتأدب
من جد شئ يقهر حرام والله عيالها مساكين
كل شئ ولا عيالي
وبعدين لاتقولين اخوي ومااخوي اسمحلي اخوك ماله شخصيه
وهذي تبي احد يوقفها عند حدها لو اخوك يشد عليها عرفت تتأدب
من جد شئ يقهر حرام والله عيالها مساكين
الله يعينك ...... ماحب اختلط مع هذي الاشكال ابد
ابعدي اولادك لاعاد يروحون عندهم واولاد اخوك مافيها شي لوجو عندك اكرميهم ويمكن تاخذين فيهم اجر اذا على قولتك ماتدري عنهم واخسريها
ابعدي اولادك لاعاد يروحون عندهم واولاد اخوك مافيها شي لوجو عندك اكرميهم ويمكن تاخذين فيهم اجر اذا على قولتك ماتدري عنهم واخسريها
الصفحة الأخيرة
ويهدينا اجمعين