اختي اتفهم ضيقك

وتاكدي لو الشغاله بتصلح فيك شي كان صلحته من زمان
لكن لاتخلين هالموضوع يسبب لك اي شوشره بحياتك
صارت بينكم مشكله لكن زوجك قلعها ورجعك لبيتك
خلاص تجاهلي هالموقف حتى اخت زوجك لا تناقشينها ولا تجيبين طاري الشغاله
اعتبريها شغاله جديده
حتى اذا جابتها عشان تستفزك لاتخلين هالشي يأثر عليك وخلك واثقه من نفسك ولاهمك
ولاتضيقين صدرك على شي مايسوى
دامك انتي واهلك وعيالك وزوجك بصحه وعافيه وامورك مستقره مافي شي يستاهل كل هالضيقه والنكد الي معيشه نفسك فيه

ان شاء الله ترجعين بالسلامه وينتهي هالموضوع على خير
ولا تنسين التحصين سواء الشغاله فيه او لا
:)

اختي ريحي بالك انا اعرف وحده شغالتها مبهذلتها وسفرتها وعقب فتره تطلقت صاحبتي وجاب زوجها الشغاله عنده في البيت تخيلي
الله لايبلانا جالس في بيت هو وشغاله بس وتجيب الهم بعد
واذا ارسلت صاحبتي اولادها لابوهم تقول تتلثم عنهم لايعرفونها بس عرفوها
اقولها بلغي الهيئه عليه وتقول بسلامته ابي حق عند الله
هذا الغبن صصحيح

صح موقفك صعب
بس انتي مثل ماقالت وحده من البنات قولي لاخت زوجك اذا شفتيها قولي خلصت كل اندونيسيا ماجبتي غيرها واضحي قولي الله يكفيك شرها لاتكون ساحرتك او خليها تجي من زوجك لانها اخوها ووضحي عند زوجك موقف اخته وخليه هو يكلمها لانه اخوها ومارح تحقد عليه افضل من يجي منك
لان حركتها سخيفه جدا
وبخصوص اسرارك لايهمك احد اللي عنده لك رزق يقطعه
والشغاله انتي عامليها عادي انتبهي يبان عليك

بس خليها بين زوجك واختك يقولها وانا اختك ضاقت اندونيسيا الا تجيبين وحده انا طاردها خله يفشلها ويقولها احذري منها

وهدي اعصابك وتذكري سالفة صاحبتي

انا مع الاخت ندى الايمان وخليها تدوق اللي دقتيه

ياقلبو ..ماتستاهل كل هالقهر منك ..وماتستاهل تزعلين نفسك علشانها ..

عادي شغالة وسفرتيها واستقدمتها اخت زوجك ..

وين المشكله ..؟؟؟

ولاتوسوين أنها بتسحرك ولاشيء ..لو كانت بتسوي لك شيء كان سوته وهي عندك ..أو يوم راحت بلدها ..

أذا كنتِ للآن خايفه منها لاتدخلينها بيتك تحت اي ظرف ..

أما اخت زوجك والله والحق لله مالك حق عليها ..

الحرمه عاجبتها الشغاله بخيرها وبشرها ..مالك حق تقولين غدرت فيني ..>>كبيره هالكلمه عند الله ,..

وهي ماأخذتها من بيتك ..ترها أستقدمتها على حسابها ..

وياما والله نشوف ناس عادي يستقدمون شغالات بعض ..الشغاله حرة نفسها ماهي ملك لأحد ..!!

أن كان قصدك تحذرينها منها ..فهي ماشاورتك يوم أستقدمتها ..هي مقتنعنه باللي سوته ..

ومالك حق تشرهين على أحد ..من حق أهل زوجك يحبون أو يكرهون أي شخص بالحياه بدون مايرجعون لك ..

حتى وأن كرهتي أنتِ الشغاله أو تهاوشتي معاها أو أو أو ..يبقون أهل زوجك خارج الموضوع ..

مشاعرهم ملك لهم وحدهم هم أحرار يحبونها أو يكرهونها ..

وهذا الشيء المفروض مايأثر على علاقتك لافي أخت زوجك ولامع أهله ..

والله يحفظك يالغلا ..من كل شر