اول موضوع لي وان شاء الله مايكون الأخير :27:
وحبيت يكون مجموعة بسيطة من الحلويات اللتي لايمكن
ان نستغني عنها بتاتا
حلوياتي هي ..}
كيكة السينابون
كيكة الايسكريم
كيكة الطبقات
حلى الجوزاء
..كيكة السينابون..
المقادير:
1وربع كآس طحين
1كآس سكر
1كآس حليب سآئل
ربع كآس زيت
1ملعقة باكينج بآودر
1ملعقة فآنيليآ
بيضه
الحشوة..ملعقتين سكر بني ملعقتين قرففه ولوز مجروش
التغطيه..نستله جبن كيري هيرشي شكولاته
الطريقه..نخلط مقادير الخلطه جميعا ونضع نص الكميه في الصينيه
وبعدين نضع الحشوه وبعدين الكميه الباقيه من الخلطه وندخلها الفرن
من تحت وبعدين من فوق ونطلعها ونتركها تبرد شوي ونقلبها بصحن التقديم
ونخلط النستله وجبن كيري ونشكلها على شكل خطوط على الكيكه
والهيرشي بعد خطووط ونرش لوز مجروش
..كيكة اليسكريم..
مقادير الكيك:
كيك جاهز طبعـا تعرفون الطريقه مكتوبه ورى الكرتون:
3 بيضات
1\3 كوب زيت
شوية فانيليا
طبعـأ ندهن قالب الكيك بشوية زيت
بعدين نكب خليط الكيك فيه
عقب ندخله الفرن لمدة 40 دقيقه تقريبـا
بعدين نطلعه يبرد شوي
الحين مقادير الآيسكريم:
نص علبة حليب نستله المكثف
ظرف دريم ويب
3 ملاعق حليب نيدو بودره
ملعقه صغيره فانيليا
6 جبن كيري
كوب قشطه خفق
علبة قشطه
نحطهم في خلاط الكيك لمده خمس دقايق تقريبـا
الصوص:
2 جالكسي ساده
نص علبة حليب مكثف
تقريبا 3 ملاعق هيرشي شوكلت السايل
نجي للشغل
ترى يبغاله رقه شوي وحنـان في التعامل
اول شي نجيب الكيك بعد مايبرد نطلعه من القالب
بعدين نقصه زي ماهو في الصوره
بمقدار 1 سم تقريبـا
بعدين نرجع الكيك في القالب ونحفرها دار ما دار ثاني شي
نجيب خليط الآيسكريم ونكبه داخلهــا
على فكره خليط الآيسكريم بيكوون سائل فلاتستغربون
بعدين نرجع القطعه اللي قصيناها فوق الكيك
وندخله الفريزر مالا يقل عن 6 ساعات
وأفضل شي تسوونها قبلها بليله
عشان يتماسك الآيسكريم ويكون آطعم
طريقة الصوص:
طبعا الصوص تسوونه قبل التقديم بعشر دقايق او ربع ساعه
نسيح الجالكسي بحمام مائي
عقب في قدر نخلطه مع الحليب المكثف والهيرشي لمده خمس دقايق
الين يسير خليط كثيف شوي
نصبه فوق الكيك ونبشر فوقه جالكسي
انتظرووووووني لا أحــد يرد:35:
..كيكة الطبقاات..
المقادير:
1وربع كآس طحين
1كآس سكر
1كآس حليب سآئل
ربع كآس زيت
1ملعقة باكينج بآودر
1ملعقة فآنيليآ
بيضه
الحشوه:
1ملعقة كاكاو بودره
1ملعقة سكر اسمر
1ملعقة نسكافيه
الصوص اللي ع الوجه
نصف علبة حليب نستله
4 جبن كيري
الطريقه :
تخلط جميع مقادير الكيكه ثم نصب مقدار مغرفه كبيره في الصينيه
وندخلها الفرن من تحت حتى ينضج الكيك
ثم نخلط مقادير الحشوه وننثر مقدار ملعقه من الحشوه على الكيك ونوزعها
ثم نصب فوقه خليط الكيك ويحمر من فوق فقط وهكذا حتى تخلص كميه الكيك والحشوه
بعدين نطلعهآ ونصب الصوص فوقها ونحط خطوط من الهرشي السآئل ونحوسها بالشوكه
لين يطلع معنا شكل جميل
ونرجع ندخلها الفرن عشان تجمد الطبقه الاخيره ع حراره الفرن من دون مآ نولعه لا من فوق ولآ من تحت ..
بالأخير دخليها الثلآجه تبرد شويآت
الحلى اللي بالاوراق اتوقع اخذته من هنا من المنتدى
..حلى الجوزاء..
* المقادير :
- كأس حليب بودرة
- كأس جوز هند
- 4 حبات بيض
- بيالة زيت
- بيالة ماء
- بيالة سكر
- شوية فانيليا
- ملعقة كبيرة بيكنج بودر
* للصوص نحتاج لـ :
- 6 حبات جبن كيري
- ثلاث أرباع علبة حليب مركز
* للتغطيه نحتاج لـ :
- بسكويت الجوزاء ( البايركس تقريبا راح يكفية علبة و نص )
- كأس ماء
- ظرف كريم كراميل
- ملعقة صغيرة نسكافية
* الطريقة :
- نحمس حليب البودرة مع جوز الهند على النار لحد مايشقر لونهم و نضعهم على جنب
- في الخلاط نخلط هالمقادير ( 4 حبات البيض + بيالة زيت + بيالة ماء + بيالة سكر + فانيليا + ملعقة بيكنج بودر )
- بعد مانخلطهم نضيف عليهم حليب البوردة و جوز الهند ونخلطهم كويس
- ندخلهم للفرن من تحت لمدة 20 دقيقه ( او لحد ماتستوي )
- نطلعها من الفرن ونخليها ع جنب
- في الخلاط نخلط ( 6 حبات جبن كيري + ثلاث أرباع علبة حليب مركز ) وبعد مانخلطها كويس نصبها على البايركس ونرجع ندخلها الفرن بس هالمره من فوق ونخليها لحد ماتجمد
- بعد مانطلعها من الفرن نخليها تبرد وبعد كذا نبدأ بصف بسكويت الجوزاء فوقها
- على النار نخلط ( كأس موية + ظرف كريم كراميل + ملعقة نسكافية ) لحد ماتختلط كويس مع بعض ونشرب بها البسكويت والصينيه ( يعني نصب الخلطه كامله ) بس شوي شوي عشان مايخرب البسكويت
- ندخلها في الثلاجه لحد ماتبرد ونقطعها
وعليكم بالف عاااافيه