وانظمه الي حياتي فراشه

انا ياحبايبي ولدت والحمد لله في 6/15يوم الثلاثاء كنت داخله با التاسع لي خمس ايام بس كنت قبل احس بمغص خفيف من نهايه الثامن واذا أجهدت نفسي بشغل البيت وكنت اقول هاذي بس سوالف التاسع يوم الاثنين با اليل جاني المغص خفيف صحيت الصبح مع بنتي علشان المدرسه وقلت لزوجي انه اذا راحت للمدرسه بروح للمستشفي طبعن انا كان عندي موعد عند الدكتوره يوم الاربعاء انا اتابع عند الدكتوره خالده العتيبي عند مستشفي الحبيب المهم مالكم با الطويله رحت اخذا لي شور واستشور شعري وزوجي يقول والله وجهك ماهو وجه احد بتولد رحت للمستشفي وانا ماني حاسه بشي بس قلت اذا رحت ورجعت مابخسر شي دخلت المستشفي اتمشي الساعه ثمان الصبح قلت لسستر انه يمكن عندي ولاده 😊دخلتني الكشف على فكره (  عندي بنتين الصغيره عمرها ثلاث سنوات واربع اشهر وبنتي الثانيه سبع سنوات المهم شافو الطلق قالو مافيه طلق قالت بكشف قلت اوكي كشفت لقت الرحم مفتوح سته ماشاء الله وهي مستغربه وتقول مانتي حاسه بشي اقول لا ليش تقول مفتوح سته خلاص ولاده 😱طيب سوو استدعى لدكتوره خالده ورقوني لغرفه الولاده كانت الساعه تسع وانا ماحس بشي لاطلق ولا شي سبحان الله كان الرحم يفتح مابين سته وسبعه بعدين كلمو الدكتوره خالده يشرحون لها الوضع قالت خلاص فكو مويه الراس وفكو مويه الراس وعطوني ابره علشان يفتح الرحم وبدا الطلق يوم فكو المويه شفت الموت يا الله انك ترحمنا وتكتب لنا الأجر كان الطلق كل دقيقه من قوه وبهذا الوقت جت الدكتوره خالده الله يسعدها وييسر امرها كشفت وقالت خلاص ولاده الرحم مفتوح عشره وبغمضه عين يركضون يجهزون كل شي وبدا الولاده وقاله مع كل طلقه. ادفعي ودفعه اول مره والثانيه جت الفراشه وانا بين مصدقه وماني مصدقه بس كان عندي مشكله في كل ولاده من ولاده فراشاتي هي النزيف 😔مادري ليش يجيني بعد الولاده بس الحمد لله الدكتوره ماقصرت سيطرات علي النزيف والحمد لله طبعن الدكتوره سالتني قبل تبدي با الولاده تسوى توسيع اولا طبعن انا خوافه خليتها توسع لي سوت توسيع بسيط وخيطه لي هاذي قصة ولادتي بختصار مستشفي الحبيب با الريان جنان مريح والدكتوره خالده شي ثاني الله يوفقها طبعن هاذي ماهي الولاده الاوله عندها لاني جبت بنتي الثانيه عندها وهي يدها خفيفه وكلامها يريح وصبوره علي واكتب لكم قصتي وانا ببيتي وعندي أحلا واروع ثلاث فراشات أدعو لهم با الصلاح وأشوفهم عرايس اي استفسار انا جاهزه اعذروني كلامي مخربط شوى