وانكسرت اخر فازه عندي :(

اخباركم بنات .. عساكم طيبات .. ابقلكم سالفه .. بس اتمنى تفيدوني ..

من سنه كنت مغيره عفش بيتي .. طبعا الكل يعرف ان لابد من وجود زينه وحركات
تخلي البيت حلو .. رحت شريت فازات واكسسوارات للبيت .. وبعدها بفتره جوني ضيوف ولكن .. والله العظيم بسببهم كرهت الزيارات وكرهت جيت الناس عندي
كسرو كل شي عيالهم تخيلو يمسكون التلفون وتكسير يمسكون احواض السمك لعبو فيه لدرجة الجهاز معاد اشتغل مسكو الفازات تكسير .. وصلت انهم ياكلو تمر أو حلا ويمسكو الكنب .. والأمهات يسلام ياعيني يطالعون ولا كأنهم شافو شي .. تخيلو يابنات
وقتها العفش ماله الا ثلاث أشهر فقط .. خسرت مبلغ وقدره وفي يوم وليله صار
كان له سنين .. بعد ما راح زوجي دخل وكان مفجوع ويسألني تضاربتو .. بكيت من القهر والله من القهر دعيت عليهم والله اني حسيت روحي بتطلع كرهت بيتي وكرهت عمري والسبب جيتهم يكب القهوه ع الفراش واهي تضحك والله يصلح ياولدي يمسك الكنب ويده وصخه وتضحك والله يصلحك ياولد وأنا احترق وانقهر .. وتعشو وراحو أنا
أقول يارب سلم سلم لا يكسروني أنا بعد ..

ورحت جددت الكنب بتنجيده بس بخامه ثانيه وغيرت الفراش لكن بعد معاناه مع زوجي
وغيرتها بألوان اغمق .. ودارت الأيام وجو نفس العايله وسالتني حرمه منهم وقلت غيرته
لأنه توسخ قالت غريبه مالكم الا شهور من غيرتوه قلت يختي الله يصلح بعض الضيوف
يجون وعيالهم ما يقصرون .. واحده فيهم فهمتها وجلست عيالها والباقيات والله ولا اعطو خبر.. بس هالمره أنا شلت كل الفازات من مكانهأ .. ونرجع على اللي فهمت كلامي بعدها بأسبوع جا زوجي متضايق ولا يكلمني قلت وش فيك قال تطردي ضيوفي عشان فرش وفازات واكسيوارات قلت والله ما طردت أحد والا اهو يقول كلامي اللي قلته
قلت بس أنا ما قلت أنتم أنا لمحت لأن عيالهم ما مقصرين وبعدين تعال أنا كل ما رتبت وزينت بيتي جو يخربونه .. قال من مالك والا مالي المهم صارت هوشه ذاك اليوم ..
لدرجه قالي اتعذر واقولهم اني مو قاصده بس رفضت ما راح اتعذر .. وأمس اه من أمس جو عل نفس العفش اللي شافوه من سنه وقالت واحده فيهم غريبه يافلانه ما غيرتي عفشك هالسنه .. حز الكلام بخاطري .. وانقهرت غيرت السالفه اسالهم عن واحده فيهم تغيبت وقلتوقلت وين فلانه ماجت معكم قالو ما ندري وادق ع زوجي واساله
قال زوجها موجود .. واتصل عليها وترد علي قالت عيالنا وسخين وبخربو عفشك وقفلت بوجهي تخيلو من سنه يعني نسيت السالفه .. أرسلت براحتك البيت بيتك وقت ما تبين تجين حياك .. وأرسلت الله يستر عليك .. ورجعت لضيوفي ولقيت واحد منهم جالس ع الطاوله ونزلته لكن ما كاني سويت شي رحت اجيب الشاؤ الا الاقيه كسر اخر فازه بقيت عندي .. راحو ولاقلت شي ولا شلت شي ولا رتبت بعدهم دخﻻ زوجي وانصدم قال اعوذب الله من كذا عيال وين امهاتهم ما رديت وقالت زوجته الثانيه هالحريم ماعندهم ذوق ولا يعرفون يربون عيالهم قام تكلم عليها وقال مالك دخل وأنا ساكته مقهوره .. وصحيت اليوم وهو راسل رساله يقول بيغير عفشي وأرسلت له أنا ما ابي أحد يجيني بعد اليوم .. ولا ابي منك شي .. قال يكفي ام فلان خرجتيها من بيتك .. قلت تربي عيالها بعدين الله يحييها ماقلنا شي .. والله انقهرت من سنه وأنا محترقه وكملو افعالهم أمس .. أول مره أحس اني أواجه أمواج والاني قادره اسوي شي