وايد تعبانة وابا خبرتكم

بنات انا يمكن موضوعي ما يكون مكانه هالقسم ،،، بس انا عقب ما شفت خبرتكم في الحياة قلت إن شاءالله بتقدرون تفيدوني ،،، والله انا مشكلتي مادري كيف افسرها بس بالنسبة لي عويصة جدا،، ما بطول عليكم وبخبركم بالمختصر،،، انا مشكلتي هي الدورة الشهرية - وانا بالنسبه لي الدورة السنوية بسميها ----- بنات والله اني الحين وانا اكتب الموضوع خلاص واصلة حدي من التعب - تخيلوا كملت سنة ما جتني الدورة آخر مرة كانت تاريخ 6-7-2005 ،،، ونفسيتي وايد تعبانة طبعا انا مشكلتي من زمان وياي وما تنحل إلا بحبوب منع الحمل والهرمونات وتعبت من هالادوية وسويت عملية وما نفعت ،،، وكل ما اسير مكان ما يعطوني حتى الاسباب ويقولولي هذا شي طبيعي،،، بس معقولة يكون طبيعي،، بس انا تييني فترات يصير عندي انتفاخ في البطن مب طبيعي ،،، وسرت المانيا ووقف عني حبوب منع الحمل والهرمون وقالي انها تضر اذا استعملناها وايد ،،، وقالي خلي الوضع يمشي طبيعي وكل شي بيتحسن وما تحسن اي شي .... :09: والحين مالي غيركم من عقب رب العالمين،، يعني انا اتمنى الي عنده خبرة بالموضوع تفيدني والي تعرف دكتور او دكتورة بس حد شاطر ومضمون يدلني عليهم واكون شاكرة لكم